ROMNAO 15:6 - Kathara Bible (BSI)

⁶ Chieina nathum saikorana khokkha sāda akhon akhamāng eina Vare kala ithumwui Proho Jishu Khristawui Avāva̱li masot chikatpaira.

ROMNAO 15:6 Iomraidhean Croise

ZEPHANIAH 3:9

“Mha, chitharan mibingwui tuimatui mashun tui onmihaida, athum saikorana Prohowui mingli ngakaora, kala ali ning akha sāda otram ngatha̱ra.

ZECHARIAH 13:9

Kala akhum kakathuma hi ina meili sangra, lupāsā heikakhui thāda heikhuira kala sinā khayāng thāda yāngkhuira. Athumna iming ngakaora, kala ina athumli ngahānkāra. kala ina ‘Athum iwui miyurna’ jira; kala athumna Proho iwui Varena” da hāngra.

JOHN 20:17

Jishuna hānga, “Ili masāza̱alu, kachiwui vangkhala kaja I Avāwuili makāranga. Kha ichināngarāli vāda, ina iwui Avā kala nathumwui Avā, iwui kala nathumwui Vareli kaura, kaji unghāngmilu.”

OTSAK 4:24

Tui chi shālaga, athum khokkha sāda Vareli masochikatta hānga, “Kazingram, okathui kala shamadru kala chiwui alungli khalei saikora kasā Sashap-pangshapa Proho!

OTSAK 4:32

Chitharan shitkasanga saikora ningla khokkha sāda leisai, kala khipānakha awui khalei lan chi awuina da maphaningla khalalei saikora yarui katongawuina da phaninga.

2 CORINTHNAO 1:3

Ngachonmiching kaje Vare, lumashankatha Avāva̱ kala ithumwui Proho Jishu Khristawui Avāva̱li ningshisa.

2 CORINTHNAO 11:31

I makapikmana kaji hi Proho Jishuwui Avāva̱, katang mavaila sokhame Varena thei.

EPHESIANAO 1:17

kala ithumwui Proho Jishu Khristawui Varivara, tekhamatei Avāva̱, china Manglā chi nathumli mikhavai ina pomi. China nathumli theithangmei ngasakra kala Vareli theingasakta nathumna ali mathāmeida theikhuihaora.

EPHESIANAO 1:3

Ithumwui Proho Jishu Khristawui Vare kala Avāva̱li ningshisa! Kaja ithumna Khristali khangarumwui vang kazingram katha apuk-apaga hili ithumwuitungli manglāwui sokhami kachungkha heirormihaira.

COLOSSIANAO 1:3

Nathumwui vang ithumna seihā sākhami tharan ithumwui Proho Jishu Khristawui Avāva̱ Vareli atam kachiva̱li ningkashi mi.

1 PETER 1:3

Ithumna Proho Jishu Khristawui Avāva̱ Vare chili ningkashi misa! Khikhalajila Jishu Khristali kathiwui eina ringlui khangasak mangā eina ithumli awui hakkhamahā leikashiwui alungli mirin kadhar mihaira. China ithumli kharing kachihān chipemmi.

PHONGKHAMI 1:6

Kala Vare, Avāva̱li otram ngatha̱ khavai ithumli pāngmonwui wungram sāmihaira. Jishu Khristali mashimānda tekhamatei kala pangshap ngasāranu. Amen.