ROMNAO 15:3 - Kathara Bible (BSI)

³ Khristana a khalattawui ningyāng khaung maphāmana; kha hithada kapihaida lei: “Nali mana̱kashibingwui mana̱kashi chi iwuitungli tāhaira.”

ROMNAO 15:3 Iomraidhean Croise

LAA 69:20

Zeikakharuina ining ngayānghaira, chiwui vang eina I chihān khavai maleithura. Ili lumashanmi khavai vang phai, kha akhanida maleimana; kala ninglum khavai phai, kha ili akhala masamphangmana.

LAA 69:9

Kaja nawui shimwui vang ningkasangna mei thāda chuihaira, kala nali kazeibingwui kazei chi iwuitungli tāhaira.

MATTHEW 10:25

Sākhangatha̱ china awui ojāwui thada kala araona awui akhavāwui thada ningli kapen chi shapa. Athumna shimva̱ chili Beelzebul hoakha shimkhurwui mi kateibingli kayākha zakshimeikharda horakhala?

MATTHEW 26:39

Ana khavāmeilaga ngaleili ngakhumshām zangda seihā sai, “iwui Avā, sāpaisi kaja kakhanangwui tengkot hi iwui eina khuithuimihaolu! Chithālala iwui kaphaning maningmana kha nawui kaphaning eina vailu.”

MATTHEW 26:42

Latluida, kakhanelila Jishuna seiha vāsālui’ “Avā, ina hi makhamang masāpaimara jilala, nawui kaphaning eina vaimilu.”

MATTHEW 27:44

Kala ali shaothatkharuma phamakashao yaronnao khani chinala chi tākam eina zeiya.

JOHN 15:10

Nathumna iwui ningkhami mayonakha, ina iwui Avāwui ningkhami mayonda awui leikashili khalei thada nathumla iwui leikashili leira.

JOHN 15:24

Khangateina masālakrang kaja ot chi athumwui mangāli masāchitheisāsi kaja athum moreili tātunghaira kaji matheisāmara; kha ara athumna iwui otsak theilaga ilila iwui Avālila ningkachaihaira.

JOHN 4:34

Kha Jishuna hānga, “Ili kashirātawui ningkachāng ot kasā kala chi ungshung khangasak chi iwui kashakazāna.

JOHN 5:30

“I khalattawui sāshap eina khikha masārarmana, kha Varena kahāng athishurda ina bichar kasāna, chieina iwui bichar khamashungana; kaja iwui ningkachāng masāla ili kashirātawui kaphaningmāng kasāna.

JOHN 6:38

Kaja ina kazingramwui eina katā hi I khalattawui ningkachāng maningmana, kha ili kashirātawui ningkachāng sākhavaina.

JOHN 8:29

Ili kashirāta chi ili ngasodalei; imāngli ana mahorhaimana, kaja ina awui ningyāngkhaung chi sāchinga.”

2 CORINTHNAO 8:9

Proho Jishu Khristawui lukhamashan nathumna thei; kaja ana shānglaklala nathumwui vang eina chāmhaowa; awui kachām chi eina nathum shāngkhavaina.

PHILIPPINAO 2:5

Nathumla Jishuwui kasākhavā thada sālu.

PHILIPPINAO 2:8

A malung nimlaka kala kathi eina tangda kahāng nganai— krushli thimi.