ROMNAO 15:16 - Kathara Bible (BSI)

¹⁶ Kaja Khristawui rao akha sāda Gentilebingli Varewui paokaphā tamchithei khavaiwui khamahai samphangda ina mangathumlakla kagapina. Gentilebingli Manglā Katharana dharchigatmihaida Varena khuisangkapai ngasāpai khavai pāngmon akha thada Varewui paokaphā hākashokli ina otram ngatha̱ya.

ROMNAO 15:16 Iomraidhean Croise

MISHĀN 7:62

nganamkaphā otna pemting kahai shekel tharā kharit sinā khongphei akha;

OTSAK 13:2

Athum kakhum eina Proholi seihā sāda leilakha Manglā Katharana hānga, “Ina sāngasakkhangai ot chiwui vang Barnabas eina Saulli phaishokmilu.”

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 20:32

Ara ina nathumli Varewui yangkhami kala awui lukhamashanwui tui chili horsangli, tui china nathumli reisang ngasakshapa kala awui mi saikorali Varewui sokhami mishapa.

OTSAK 22:21

Chieina ana ili hānga, ‘Zatulu, ina nali katāva̱li khalei Gentilewuili chihovāra.’”

OTSAK 9:15

Prohona ali hānga, “Zatlu, ina ali miyur khangateibing, awungabing kala Isrealnaobingli iwui ming theingasak khavai kapangkhui kahai khutlaina.

ROMNAO 1:1

Varena awui paokaphā hashok khavai hokhui kahaia rao Paulna kachiphun chithina.

ROMNAO 11:13

Ara ina Gentilebing nathumli kahāngna: Ina Gentilebingwui paokazata sāda leilakha eina tangda iwui ot hi maiyārong eina sāra.

ROMNAO 15:18

Gentilebing Varewui kahāng nganā khavai Khristana ili shichinlaga kathada sākhala kajimāng ina pinglak eina matuira. Hi ana awui tuimatui, kala otsak kala

ROMNAO 15:19

matakhak kahai khudam einala kala Varewui Manglāwui pangshap einala kasāsera. Chieina Jerusalemwui eina thuilaga Illyricum shangshungda ina Khristawui paokaphā peida hāshokhaira.

ROMNAO 15:20

Khristawui pao mashārang kaji apam kachiva̱li paokaphā hākashok hi iwui ningrinna. Chieina mi kateina hashok kahai apamli I mavāmana.

ROMNAO 15:29

Ina nathumli kharā tharan Khristawui eina samkaphang hakkhamahā sokhami chi rāhāngchitheira.

ROMNAO 5:5

Kala kachihān hina ithumli kaphaning makai ngasakmana, kaja Varena ithumli thada khami Manglā Katharawui mangā eina awui leikashi chi ithumwui wuklungli heisangmihaira.

1 CORINTHNAO 3:5

Hānglaksa jiakha Apollos kala Paul khipāda? Nathumna shitsang khavai thankhame ithumva Varewui otram khangatha̱bingmaya. Inila Prohona sālu da khami ot satha̱thui kajina.

1 CORINTHNAO 4:1

Ithumli Khristawui otram khangatha̱bing kala Varewui kathuka mashun tui horsangmi kahaibingna da phaningphalungra.

1 CORINTHNAO 6:19

Nathumwui phasā hi Varena khami Manglā Kathara nawui wuklungli pamkhavai khorumshimna da nathum matheimalā? Nathum hi nathum khalattawui maningmana kha Varewuina;

2 CORINTHNAO 11:23

Athum Khristawui raola? Kapānao thada kahāngna— athumliva I mathāmei! Ina pangmeikharda ot sāhaira; phātoplila I chungmeida zanga, shaomi kahaila shānla makhuimana, thinanai sākhuikhui ji.

2 CORINTHNAO 5:20

Varena awui khangahot chi ithumwui manga eina sahaoda, ithum Khristawui mathunbingna. Khristawui mathun eina nathumli kapona, Vareli ngashimkhuilu.

2 CORINTHNAO 8:5

Rimeikapta athumna Proholi mi kala Varewui kaphaning athishurda ithumlila mi, hi ithumna machihānsālakmana.

GALATIANAO 3:5

Varena manglā sangmida masākharar ot kasāsā chi ain khamayonwui vangla, chikā paokaphāli shitkasangwui vangkhala?

EPHESIANAO 2:18

Kaja Khristawui manga eina Jihudi eina Gentile, khanini Mangla akha eina Avāli zangkapaina.

EPHESIANAO 2:22

Ali ngarumda nathumla khangateili ngasoda Varena awui Mangla eina pamkhavai apam sākakāli zangrumda lei.

EPHESIANAO 5:2

Khristana ithumli leishida ithumwui vang Vareli ningyāng ungkhavai nganamkaphā kachigat kala pha̱phayākhami chithada, nathumla leikashiwui lungli yaothuizatlu.

PHILIPPINAO 2:17

Nathumwui shitkasangwui pha̱kaphayā kachigatli iwui ashee heirorra jilala I ringphai, kala ina nathum saikorali mathānrumra.

PHILIPPINAO 4:18

Nathumna khami chi peida samphangserhaira, shapshaphaira. Epaphroditusnala nathumna khangachon chi khuirāmida ara khikha mavātlakmana. Hi Varewui mangāli khuisangkapai nganamkaphā pha̱kaphayā kathāna.

1 THESSALONICANAO 2:2

Nathumli marāranglakha, Philippili rekharekta ithumli maishi khangasak chi nathumna thei, kala chili ngasung khavai tarākha leisālala paokaphā chi nathumli hāshok khavai ithumli malungkaping sangmi.

1 THESSALONICANAO 2:9

Ivānaobing, ithumna ngalangzarda ot panglāk eina kasā chi nathumna phaningungra; Varewui paokaphā chi nathumli tamchitheilakha, nathum khipākha makhanang khavai, ithumna ngashun ngayā mateila ot sai.

1 THESSALONICANAO 5:23

Ithumwui Proho Jishu Khrista rāthanghon nathumli khipānakha kaphen malei khavai chingri kahai khame Varena nathumli apong aning anangva̱li tharchaomiranu kala nathumwui manglāla, ningla kala phasāla mayonmiranu.

1 TIMOTHY 1:11

Tamkachithei chi tekhamatei kala sokhame Varewui eina kharā, chi chishāt khavai ili horsangmi kahai paokaphāli samphanga.

1 TIMOTHY 2:7

Hiwui vang ili paokazata akha thada kala Gentilebingwui ojā sāda chihovai. Hi mashunglaka, kakapik tui maningmana.

2 TIMOTHY 1:11

Paokaphā hi hāshok khavai kala tamchithei khavai Varena ili kapangkhui.

HEBREWNAO 13:16

Akha eina akha kaphā sāda ngachon khangarok mamalaialu, hikathā hi Vareli ningyāng ungkhangasaka pha̱kaphayāna.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

1 PETER 2:5

Nathum khalatta kharinga lunggui ngasāda manglāwui shim sākālu. Kathara pāngmon ngasā khavai Jishu Khristawui mangā eina Varena khuisangkapai manglāwui hanphut chigatlu.