ROMNAO 14:9 - Kathara Bible (BSI)

⁹ kaja Khristana kharing kala kathiwui Proho sākhavai thimi kala ringluishita.

ROMNAO 14:9 Iomraidhean Croise

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

LUKE 24:26

Awui tekhamateili zangkhavai Khristana kachotkachāng phungphalungki kaji maningmalā?”

JOHN 12:24

Kachangkhat eina ina nathumli kahāngna, māngumna ngaleilungli tāzangda mathiakha chithada leichinga, kha thihaiakha māngum kachungkha mathei ngasaka.

OTSAK 10:36

Saikorawui Proho Jishu Khristawui mangā eina chingri kahaiwui paokaphā hāngchitheida Varena Israelnaobingli chānpao chihokharā nathumna thei.

OTSAK 10:42

Kala kharingabing eina kathebingli bichar sāmi khavai Varena ali kapangkhui kahaina kaji mibingli shākhi sākhavai kala hāshok khavai ithumli ana kaso kahaina.

ROMNAO 10:9

Kaja nawui khamorna Jishu hi Proholaka da hāngphatakha kala nawui wuklungli Varena ishāmei ali kathiwui eina ringshok ngasaka da shitsangakha nali huimira.

2 CORINTHNAO 5:14

Khristawui leikashina ithumli kuinammi, khiwui vangkhala jilaga mi akhana katongawui vang thimihaira kaja kathili ithumla ngarumhaira.

1 THESSALONICANAO 4:14

Jishu thihaira kala ringluishithaira kaji ithumna shitsanga. Chiwui vang eina ali shitsangda thikahaibingli Varena Jishuli ngasoda hokuiluira kaji ithumwui shitkasangna.

1 THESSALONICANAO 5:10

Ana thimi kahaiwui vang ithum thihaisālala, ringsālala, ana kharā chitharan ali ngasoda okthuirumra.

2 TIMOTHY 4:1

Kharingabinglila, kathebinglila bichar sāki kaje Vare kala Khrista Jishuwui miktāli kala ana Awunga sāda rāmungki jihaoda ina nali hi saklak eina kapona.

HEBREWNAO 12:2

Haokaphok eina thuilaga akatang eina tangda ithumwui shitkasang phumhaiki kaja Jishuli yangchingsa. Ana krushli ngacheeda mayāmmana! Kha ali ngaraida khalei khamathān chiwui vang, krushtungli kathiwui maishātli ana khikha mahengsangmimana, kala ara Varewui wungpamkhong yāshong pamda lei.

1 PETER 1:21

Awui mangā eina nathumna Vareli shitsanga. Ali Varena kathiwui eina khangmathotta tekhamatei chi mi; chieina nathumwui shitkasang kala kachihān chi Vareli lei.

1 PETER 4:5

Kha athumna kharingbinglila, kathebinglila bichar sāki kaje Vareli athumwui sākahai saikora chiwui hishap misera.

PHONGKHAMI 1:18

kala kharing chi Ina; I thihailaga, yanglu ara mashimānda ringdalei kala Kathi eina Kazeiramwui pangshap lei.

PHONGKHAMI 2:8

“Smyrna churchwui kazingraoli kapilu; “Khare eina khanaowa, thihailaga ringkhaluiya chiwui eina kharā paona.