ROMNAO 14:6 - Kathara Bible (BSI)

⁶ Kachikathā mina kachikathā zimiksho akhali saklak eina kaphaning chi Proholi khayākashina, kaja kachikathāna shaiser kaji chi Proholi khayākashiwui vangna, khikhalajila ana kashakazāwui vang Vareli ningkashi mi. Kachikathāna mashai-mashakphāphā kajila Proholi khayākashiwui vangna, anala Vareli ningkashi mi.

ROMNAO 14:6 Iomraidhean Croise

SHONGZĀ 12:14

“Zimiksho hi nathumwui phaningung khavai atam ngasāra, kala Proho mingli zātkhān sāda, thot kachida shiyan sāda mayonchingra.”

SHONGZĀ 12:42

Egypt ngaleiwui eina athumli thānkashok ngayā chi Prohona mayonkhame ngayāna; chiwui vang eina thot-thot kachida Israelnaobingna ngayā chi rinsit eina Proho wui vang mayonchinga.

SHONGZĀ 16:25

Kala Mosesna hānga, “Hi aja zālu, kaja Prohowui sabbathna, hi aja luili masamphangluimara.

ISAIAH 58:5

Mi akhana akhalatta hamsang khavai hikathāwui kakhum zimiksho hi ina kapangkhuila? Thingnā thāda akui mashuntāda, bora hamlaga hotlātungli kapam hirala? Prohona khuisangkapai zimiksho kala kakhum hili horala?

ZECHARIAH 14:21

Kala Jerusalem eina Judahwui ham kachiva̱ saikorawui Prohowui mangāli kathara ngasāda pha̱kaphayā mi saikorana rāda chieina pha̱kaphayā sā chi hangpaira. Kala chithanghon saikorawui Prohowui shimli leihkhalona mi akhala maleiluimara.

MATTHEW 14:19

Chiwui thili Jishuna yarui saikorali khawotungli pamzang khavai kasoi, kala khamui phangā eina khaih khani chi khuilaga kazingramli yangkāda somi, kala serkhaida khamui chi sākhangatha̱bingli mi, sākhangatha̱bingna yaruili yaowa.

MATTHEW 15:36

ana khamui shini kala khai chi khuilaga ningkashi seihā sai kala serkhailaga sākhangatha̱bingli mi, chieina athumna yaruili yaowa.

JOHN 6:28

Chieina athumna ngahāna, “Varewui ot sākhavai ithumna khi sāngayikhala?”

GALATIANAO 4:10

Nathumna kachikathā zimiksholi, kachāngli, zurkānli kala zingkumli saklak eina khuiya.