ROMNAO 14:3 - Kathara Bible (BSI)

³ Kashaiya china makashaiya chili mamana̱shiaranu kala makashaiya china kashaiwuitungli mamashātaranu. Kaja Varena alila mayā kahaina.

ROMNAO 14:3 Iomraidhean Croise

ZECHARIAH 4:10

Khikhalajila kachikathāna kateowa otwui vang ngalang shivāmakha ringphāra, kala Zerubbabelwui pāngli tamkhavai ngalung kasing theira. Shini hi okathui hupta yangkhavai Prohowui mikna.”

MATTHEW 18:10

“Naoshinao kateowa akhalila ningachai kahai masaalu, khikhalajila nathumli kahāng hina kaja athumwui kazingraobingna kazingramli khaleia Ishāvawui mai theichingda lei.

MATTHEW 9:14

Chiwui thili Johnwui sākhangatha̱bingna Jishuli rāhānga, “Khiwui vang eina ithum eina Phariseebingna khumlaga nawui sākhangatha̱bing makhumthukhala?”

LUKE 18:9

Khalatta khamashungana da kaphaninga kala mi saikorali machāpkhame athumlila Jishuna chānjam hi hāngchithei:

OTSAK 10:34

Chieina Peterna hāngphokuwa, “Ara ina thei kaja Vare hiya mimai mayangmana,

OTSAK 10:44

Peterna tui hi hāngmahunglakha, pao hi kashā saikorawuitungli Manglā Kathara tāshunga.

OTSAK 28:2

Yikuiram chiwui mibingna ithumli teokha ngahānkhangai maningmana. Athumna mei sāmida ithumli ringphālak eina samngarokhui, kaja atam chitharan kazing rophokhairasāda siklak eina leisai.

ROMNAO 11:15

Athumli horkahai tharan Varewui yangkashe sākasā Gentilebingna awui khamashita ngasāhaowa, chithākha Varena athumli khuikasang tharan khi ngasāra! Kathebingna ringkhaluiwui ringkaphā thāhaora.

ROMNAO 14:1

Shitkasang khangazanali ngakuikhuilu, kala awui theikakhuiwui pongli mangayātalu.

ROMNAO 14:10

Nachināwuitungli khisāda bichar sākhala? Khisāda mana̱shikhala? Ithum Varewui bichar sākhavai karotli kānganingsera.

ROMNAO 14:13

Chithākha ithum akhana akhawuitungli bichar masā ngarokluisa. Kha achinā akhali phei mangaphok khavai lah moreili matāzang khavai sāthusa.

ROMNAO 14:15

Nawui kashakazāna nachināli ning saza̱ ngasakakha leikashiwui otsak maningmana. Khristana thimi kahai mi chili nawui kashakazā china mashimān ngasakalu.

ROMNAO 14:21

Khamashunga otsak chiya: nachinā ngarā konglui khavai leiakha sā makashai, zamkhor makhamang mashunga.

ROMNAO 15:7

Khristana nathumli khuisangkhami thada nathum akha eina akha khuisang ngarokta Vareli tekmatei ngasaklu.