ROMNAO 14:2 - Kathara Bible (BSI)

² Mi akhanava shaiphāphāpai da phaninglapai, kha shitkasang khangazana chiya hanthing-hanrāmāng shai.

ROMNAO 14:2 Iomraidhean Croise

HAOKAPHOK 1:29

Varena hānga, “Yanglu, okathui apam huptali khalei athā kapanga akhar katonga, kala atheili athā kazanga atheirong kachiva̱ ina khamina; naniwui vang kashakazā ngasāra.

HAOKAPHOK 9:3

Khangatha̱a kharing yur saikora nathumwui kashakazāsera; kala ina nathumli khamateka thingnā-ra̱hā mikahai thāda ot kachiva̱ mihaira.

CHĀNSAM 15:17

Yangkharing ngaroklaga kathao mukkā taithatshaiki kajiwui vanga, leikashi eina hanthing-hanrā kashai phāmei.

DANIEL 1:12

“Narao ithumli tharāthangwui vang hanthing-hanrā eina tara̱māng milaga khayangkhuimilu.

DANIEL 1:16

Chieina otram ngatha̱khame china awungawui kashakazā kala athumna mangki kaji drakhāra̱ chi khuithuimihailaga hanthing-hanrāmāng mi.

ROMNAO 14:1

Shitkasang khangazanali ngakuikhuilu, kala awui theikakhuiwui pongli mangayātalu.

ROMNAO 14:14

Ina Proho Jishuli khangashik eina makathar kashakazā maleimana kaji theishingkhui ngasaka, kha kashakazā chi matharmana da phaninghaiakha awui vanga makathar ngasāhaowa.

ROMNAO 14:20

kashakazāwui vang eina Varena sākahai chi mashimān ngasaklu. Kashakazā saikora zāpaisera, kha awui kashaikashak china kachikathā akhali moreili tāzang khavai leiakha chi khayonna.

ROMNAO 15:1

Shitkasang khangatara ithumna khangazanbingli athumwui makathuk chili ngachonmiphalungra, kala ithum khalattawui ningyāng ungkhavai masāphalungmara.

1 CORINTHNAO 10:25

Nathumwui mashun-makhuiwui vang sāshimli khayora sā chi ningkhamaong maleila kala mangathingla kashai phamei.

1 CORINTHNAO 8:9

Kha nathumwui sākhangangai kasā chieina khangazanabingli phei ngaphok ngasakhaipaishina da ngasharlu.

1 CORINTHNAO 9:22

Shitkasang khangazanbingwui ngachaili athumli yuikhui khavai ila athum akha thada khangazana ngasāhaowa, chithada sāda apong aning-anangva̱ eina athum kaikhali huikhui khavai ina mi kachiva̱li athum thada ngasotheisera.

GALATIANAO 2:12

Kaja Jameswui eina mi machihorāranglakha ana Gentilewui Vareshinaobingli phazāngaruma, kha athum kharā eina ahui rimkashokwui mijang kasābingli ngacheehaoda Gentilebingli maphazāngarumluithuwa.

1 TIMOTHY 4:4

Kaja Varena sākahai ot saikora phāsera kala seihā kasā eina ngasoda ningshitheiakha horhaikapai mazanglakmana.

TITUS 1:15

Katharabingwui vanga ot saikora tharsera. Kha khamakhao mashitkasangbingwui vanga khikhala kathar maleimana. Kaja awui ning kala mashun-makhui hi makhaoserhaowa.

HEBREWNAO 13:9

Ngateihahang kahai tamkachithei china nathumli mangui ngasakalu. Varewui lukhamashan eina ithumwui manglā pangkhangasak phālaka, kha kashakazā khangalang eina maningmana. Hikatha ain khamayonabingli china khikha ngachonkhami maleimana.

HEBREWNAO 9:10

khiwui vangkhala kaja hiya ra̱shakshirei kala sākhamatharwui sharphahormānga. Varewui khangarān kadhar marāranglakha sāsā khavai akorwui ainzāmanga. Khamayonmāng kasāwui vang Varewui khangarān kadhara marāranglakha shichinkasā akorwui ainmānga.