ROMNAO 13:8 - Kathara Bible (BSI)

⁸ Khipālikha leiman mazangalu, leishida ningaishi ngaroklu. Akha eina akha leishi khangarok hi ain ungshung khavaina.

ROMNAO 13:8 Iomraidhean Croise

MATTHEW 7:12

“Chiwui vang eina nathumwui ningkachachāng chi mibingli sāmi ngasakhangai thada nathumnala athumli sāmilu; khikhalajila hi ain eina marāntuina.

JOHN 13:34

Chieina ina nathumli ningkhami kadhar khamina kaja nathum akha eina akha leishi ngaroklu, ina nathumli leikashi thada nathum akha eina akha leishi ngarokphalungra.

ROMNAO 13:10

Leikashe china khongnainaoli khayon masālakmara. Chiwui vang eina leikashi hina ain hi ungshung ngasaka.

ROMNAO 13:7

Athumli miphalungki kaji chi milu; miphawui khāshinā mikhangayili milu kala khayāshi khangayili khayāshilu.

GALATIANAO 5:14

kaja “Khongnainaoli na khalatta leikashi thada leishilu” kaji ningkhami hili ain saikora kharupserhaira.

COLOSSIANAO 3:14

Kala hāngda khalei magunbing hili, kāshunglak eina khokkha sākhavai ot saikora khalaprumkhame leikashi chi ngarumsanglu.

1 TIMOTHY 1:5

Ithumna kakaso hiwui ningrin chiya, kathara wuklung, tharzā kahai mashun-makhui kala kachangkhatwui shitkasang eina kharā leikashi chi mataisang khavaina.

JAMES 2:8

Kathara Iairikli kapi kahai, “Nawui khongnainaoli nakhalatta leikashi thada leishilu” kaji wungnaowui ain hi nathumna kachangkhat ungshung ngasakta leiakha nathumna khamashung ot kasāna.

1 JOHN 3:10

Varewui naongarā eina chipeewui naongarā ngakheikhang eina theikhuipai; khamashung ot makasā kala achināli maleikashe mi chi Varewui nao maningmana.