ROMNAO 13:4 - Kathara Bible (BSI)

⁴ Kaja ava nawui phākhavaiwui vang ot sāda khalei Varewui raona. Kha makaphā ot sākha ali ngacheelu, khiwui vangkhala jilaga tandi mikhavai pangshap chi awuina. A Varewui raona kala makaphā kasābingwuitungli Varewui tandi chi ana mi.

ROMNAO 13:4 Iomraidhean Croise

1 WUNGNAOBING 10:9

Nali ngahānngailak eina Israelwui awunga sākhangasaka nawui Vare Proholi sochikatranu! Khikhalajila Prohona Israelli katang mavaila leikashiwui vang mashun kala khangarong eina bichar sāmi khavai nali awunga sāngasakhaira.”

2 THOTRINCHĀN 19:6

“Nathum khisarakhala da phaningkazaklu, kaja nathumna miwui vang bichar kasā maningmana, kha Prohowui vang sākhamina; bichar atamli ana ngasomira.

CHĀNSAM 16:14

Awungawui malungkhavāt kathiwui paomena, kala thangkhamana ngachammira.

CHĀNSAM 20:2

Awungawui meichot malungkhavāt chiya kazingkha̱ kakhangang kathāna; ali malungvātkhangasaka chi manglā shimāna.

CHĀNSAM 20:26

Thangkhamei awungana makaphābingli hamshoka, kala akāng athumwuitungli taka.

CHĀNSAM 20:8

Bichar wungpamkhongli kapama awungana awui mik eina zakkashi saikorali mā kaham thāda hamshoka.

ISAIAH 1:17

Kaphā kasā tamkhuilu, mashun phālu, rekakharek mashungkhuilu, avāva̱ makhaleibingli ngākmilu, ra̱meinaowui vang phayatmilu.”

JEREMIAH 5:28

Athum pangsiriri nganaiyokhaira. Makhayā ot kasāli katang mavaimana; mataisang khavai marānaowui mashun maphaningmimana, khavātabingwui khamashung matheimimana.

EZEKIEL 22:27

Awui alungli khalei wungnaobing, khara̱ngna sā makeikakhanār thāda, ashee tāngasaka, makhamashung apong eina tongkhavai manglā sāshimāna.

EZEKIEL 25:14

Kala Edomnaobingli iwui mi Israelnaobingwui pāng eina iwui athut hāngsangra, kala Edomli athumna iwui malungkhavāt kala iwui malungkakang athishurda Edomli sāmira; chieina athumna iwui athut kakhui theira, da Proho VAREna hānga.”

MICAH 3:9

Hi nganālu, Jacobwui shimkhurwui akhavābing, kala Israel shimkhurwui khamungabing, mashunli ningkakachaibing, khamashungli masho khangasakbing,

ROMNAO 12:19

Leikashebing, athut makhuilakalu, kha Varewui malungkhavāt eina vairanu, kachiwui vangkhala kaja hithada kapihaida lei, “Athut kakhui chi iwuina, ina athut hāngsangmira da Prohona hānga.”

ROMNAO 13:6

Chiwui vang eina nathumna khāshinā khamina; athumna athumwui sāki kaji ot kasā chi Varewui vang sākhamina.

1 THESSALONICANAO 4:6

Khipākha hiwui pongli achināli khalāng masāpaimara, kala hikathā khalanga mili Prohona kashong lāngra da nathumli rida hānghaira.

JOSHUA 20:5

Kala katheshiwui mina ali kharomrāsālala, sakathatpa chili kakharompawui pāngli athumna mamisangmara, kaja ana awui khongnaili kharewui yangkashi leida lah thatheilaga sākathat maningmana.

JOSHUA 20:9

Keinungbing hi Israelwui mibing saikorawui vang, kala athumli ngasoda ram kazat saikorawui vangna, kaja kachikathāna makathei eina mi sathathaiakha, athumna keinungbing hili yāmsangra, chithāda sāda ana ali athut hāngsangki kajipāwui pāngli mathimara, kala yarui ashangva̱na ali bichar masāranglakha eina tangda, ana chili yāmngayinra.

1 PETER 2:14

lah makaphā kasaali tandi mikhavai kala khamashung kasaali sākhavai ana shirāt kahaia governorbingli mayālu.