Khikhalajila arui eina tangda okathuiwui mi thada okthuida lei. Nathum akha eina akha mikpaishida kharar ngaroka, chithākha okathuiwui khangachā sāchingda lei kaji chi hieina matheikhuipaimalā?
Nathumwui mirin chi paokaphāwui athishurda kazata mirin ringphalungra. Chieina ina nathumli rātheilala, marātheilala nathumna paokaphāli shitkasangwui vang ning khokkha sāda ngararrumda lei, kala ning akha sāda nganingtitta lei kaji pao kashā samphangra.
Chieina Prohowui ningkachāng athishurda nathumna ringshapra kala atam kachida ali ningyāng ungngasakshapra. Nathumwui mirin china khamathā ot kachungkha sāshapra kala Vareli mataimeida theikhuira.
Kathara tuili, “Varena ithumwui wuklungli sangmi kahai manglā chili makaphā ningkachāngna pemthuihaowa” da hāngkahai hili khamashung maleimana da phaninglā?
Meifawui eina shimenshokmida kanmilu. Mi kaikhali, moreiwui khamathang china makhao ngasak kahai kashankachon chili yangkharinglala, athum shimānhaipainada malungkharingwui phaningkhami chitheilu.