ROMNAO 13:12 - Kathara Bible (BSI)

¹² Ngayā kanthuiki jiura, ngathor rārāli. Tangkhamangwui ot horhaosa, kahorwui lungli ngarar khavai raisari shaksāusa.

ROMNAO 13:12 Iomraidhean Croise

SOLOMONWUI LAA 2:17

Kazing mayingranglakha, khaya̱ mayongthuiranglakha, seichuinao thāda kala kaphungtungli kazata chaonao thāda latunglu, iwui leikashe.

ISAIAH 2:20

Chithanghon athumna khorum khavai athum khalattana sākakhui lupāsāwui meoma̱, sināwui meoma̱bing chi, kafabing kala kongharbingli hormihaora;

ISAIAH 30:22

Chiwui thili lupāsa eina sākakhui meoma̱, kala sina eina sākakhui meoma̱bing chi sākhamānghaora, kala makathara ot thāda horyānghaora kala “Thuiulu!” da hāngra.

ROMNAO 13:14

Kha Jishu Khristawui khutlai chi khangkāda moreiwui khangachā kala chi ningyāng ungkhavai hengsangkhami chi thahaolu.

1 CORINTHNAO 10:11

Ot saikora hi kateibingli ngayoyang khavai shokkahaina, kala ithumwui vang hāngkhamathin sāda kapi kahaina. Kaja ithum okathui ngachangnanai atamli okthuida leili.

1 CORINTHNAO 7:29

Ivānaobing, ina kahāng chi hina: Khanaowa atam chi masāngleithura, ara preiva̱ khalei athum china preiva̱ makhalei thada okthuiranu,

2 CORINTHNAO 10:4

Khangarar hili ithumna kasing khutlai hi okathuiwui khutlai maningmana; kha raipan sakhaishapa Varewui khutlaina.

2 CORINTHNAO 6:7

khamashung tui khamatui kala Varewui pangshaplungli wuiwui-yāyā khamashung khangarongwui khutlai sāda;

EPHESIANAO 4:22

Chieina kharewui mirin ringching khangasaka, minama khamathangna shimān khangasaka kachama khangachā chi horhaolu.

EPHESIANAO 5:11

Tangkhamangli khalei mibingna kasā khikha makānkhanā ot chi masaalu, chiwui mahutliva chibing chi kahorli khuishoktha̱lu.

EPHESIANAO 5:8

Nathum tangkhamangli okthuida leisai, kha Prohowui mi sākahaiwui vang, nathum kahorli okthuihaira. Chiwui vang eina nathum kahorli okthuida khalei mibing thāphalungra.

HEBREWNAO 10:25

Mi kaikhana kasā thada masāla ithumva mamalaihaila kazipngarumchingsa. Kala akha eina akha mataimeida kasatsang ngaroksa kaja Prohowui Zimiksho chi rānganaihaira kaji nathumna mik eina thei.

HEBREWNAO 12:1

Chiwui vang eina ithumwui vanga kuimareida khayanga shākhi kachungkha leihaoda, hapkakhano saikora kala ngathānshang ngathāntā da khalei morei chi hortāhailaga ithumwui shongzā khangakhui chili makhunlak eina zatsa.

JAMES 1:21

Chiwui vang eina makathar kala makaphā-makhayā acham aram saikora chihohaida Vareli mayālu, kala nathumwui ningli lingsangmi kahai huimishapa tui chi malungkhanim eina khuisanglu.

JAMES 5:8

Nathumla khāngtheiphalungra. Nathumwui kachihān ngatar ngasaklu, kaja Prohowui kharā zimiksho nganaihaira.

1 PETER 2:1

Chieina nathum khalatta makaphā-makhayā chi horhaolu. Makapikluialu, maphārekalu, mayuishialu kala kaphor tui mamatuialu.

1 PETER 4:7

Ot saikora ngachangki kaji nganaihaira; khalatta ngarinda kala ngasharda seihā sāshap khavai ngarānlu.

2 PETER 3:11

Ot saikora hithada shimān ngasaki jihaoda nathum kachikathā mi ngasāra? Nathumwui mirin chi kathar eina Vareli chigatphalungra.

2 PETER 3:9

Prohona ngashit kahai chi aruila maungshung ngasakmana da kaikhana phaninga, kha mi khipālikha mashimān ngasakkhangaiwui vang ana nathumli ngaraikhamina, kaja mi saikorali athumwui moreiwui eina ningngateikhui ngasakngai.

1 JOHN 2:18

Naoshinaobing, hi khangachanga atamna. Khristali makhamayā rārada nathumli rida hānghaira, kala kachangmamakta ara Khristali makhamayā kachungkha shokhaira. Chieina hi khangachang atamna da ithumna thei.

PHONGKHAMI 1:3

Phongkhami tuibing hi kapā mi, kala kashābing kala hiwui alungli kapi kahai otbing khuikasangbing ka̱lā mahairanu! Kaja atam chi nganaihaira.

PHONGKHAMI 22:10

Kala ana hānga, “Lairik hiwui phongkhami tuibing hi mahor manamshānhaialu, khikhalajila atam chi nganaihaira.