ROMNAO 12:9 - Kathara Bible (BSI)

⁹ Kāshunglak eina leishilu, makaphāli ningkachailu, kaphā chi singtitlu.

ROMNAO 12:9 Iomraidhean Croise

LAA 101:3

Makaphāna kaji otli imikna mayangsangmara. Ning ngacheithui kahaibingli ina yangkharinga; china ili mangavapmara.

LAA 119:104

Nawui ningkhami mangā eina, ina theithangkhamei samphanga; chieina makhamashung apong saikorali ina yangkharinga.

LAA 119:163

Mikhanamli ina yangkharinga kala ningkachaiya, kha nawui ningkhamili ina leishi.

LAA 34:14

Makaphāwui eina pākhaida kaphā sālu, chingri kahai phālu, kala chi shurlu.

LAA 36:4

Pilakha yankasai ot machukpi; khalatta makaphā shongfali zata; ana makaphāli mangakheimana.

LAA 45:7

khamashungli nana leishi kala makaphāli yangkharinga. Chiwui vang eina Vare, nawui Varena nali khamathānwui thao chi ngasotnaobingli lāngmeida nali neomihaira,

LAA 55:21

Awui tui seina̱khanli lāngda nganaimei, kha wuklungli raiwui ning mānga; awui tui thaoli lāngda mayomei, kha athum chiya raighai kasing kathāna.

LAA 97:10

Makaphāli ningkakachaibingli Prohona leishi; awui katharabingwui manglā ana kanmi; makhayābingwui pāng eina ana kanshokmi.

CHĀNSAM 26:25

Ana leishilak eina kahāng tharan ali mashitsangalu, kaja awui ningli ningkakachai shini lei;

CHĀNSAM 8:13

Proholi khangachee hina makaphāli yangkakharingna. Lāngkaso kala khayāning khanganinga kala makaphāwui apong kala kapik kakhayang tuimatui ina yangkharinga.

EZEKIEL 33:31

Mibingwui thāda athumnala rai kala nana kahāng chi nganākhui, kha kasāva masāmana; khamorle leikashi tui kachungkha hānga, kha alungshonga khalatta tongzā khavaimāng sai.

AMOS 5:15

Makaphāli ningkachaida kaphāli leishilu, kha̱lungli mashun leingasaklu; chithākha, Proho ashangva̱wui Varena, Josephwui shākkahaibingli lumashanra.

MATTHEW 26:49

Judas hengsāda Jishuwuili vai kala, “Ojā, nali chingrihairanu” da hānglaga amaya̱ya.

JOHN 12:6

Ana kahāng hi lukhamashanwui vang maningmana, kha a khalena, ana lupākhao kasinga sāda awuili ungkazang chi ngathumda khuichinga.

OTSAK 11:23

Ana vākashung eina mibing chili kathada somikhala kaji theilaga a ringphālakhaowa kala Proholi ningtongda shitsangching khavai athumli kasatsanga.

2 CORINTHNAO 6:6

Kathar eina, theikakhui eina, ja̱khami eina, lukhamashan eina, Manglā Kathara kala kachangkhat leikashiwui lungli

2 CORINTHNAO 8:8

Sāphalunglu da kahāng maningmana; kha akhana akhali ngachonmingairareo kahai chieina nathumwui leikashi kachangkhat machutkhui khavaina.

1 THESSALONICANAO 2:3

Kaja ithumli tamkachithei hi makhamashung, makathar kala minamda sākakhaibing maningmana.

1 THESSALONICANAO 5:15

Mi khipānakha khayonwui vang khayon masāroralu, kha atam kachida akhana akhawui vang kala mi kachiva̱wui vang kaphā sākhami hi nathumwui kharin ngasālu.

1 THESSALONICANAO 5:21

ot saikora chāng tamyanglu, kaphā chi singtitlu,

1 TIMOTHY 1:5

Ithumna kakaso hiwui ningrin chiya, kathara wuklung, tharzā kahai mashun-makhui kala kachangkhatwui shitkasang eina kharā leikashi chi mataisang khavaina.

HEBREWNAO 1:9

Nana khamashungli leishi kala khanguili ningkachai. Chiwui vang eina Vare, nawui Varena nawui ngasotnaobingli lāngmeikharda ringkaphāwui thao chi nali neomihaira.”

HEBREWNAO 12:14

Mi kachiva̱li chingri eina ngasopamda kathar eina okthuilu, chi maningakha Proholi khipākha kathei masamphangmara.

JAMES 3:17

Kha atungshongwui eina kharā thangkhamei chili rimeikapta kathar, chiwui thili chingrihaikapai, tākui kahai, mayā khangarok, lukhamashana kapem kala kaphā atheimānga, phākakhaning kala ningmakathar maleimana.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 4:8

Akha eina akha leishi khangarok hina mataimeikap kajena, khiwui vangkhala kaja khayon-khamāng kasā saikora leikashina pheomishapa.