ROMNAO 12:8 - Kathara Bible (BSI)

⁸ katom khavai miakha chi sāphalungra; kachikathāna mishai-mishakakha haolak eina mishai-mishaklu; pangshap kasinga china ning horsangchaoda sāphalungra kala lukhamashanwui ot kasaa china mathānthup eina sāphalungra.

ROMNAO 12:8 Iomraidhean Croise

HAOKAPHOK 18:19

Maningmana, kaja awui naongarāli, kala awui shimkhurli anaolamshong eina tangda kathar eina khamashung eina Prohowui shongfali zatkhavai kala Prohona ngashitmi kahai chi Abrahamna samphang khavai ali kapangkhui kahaina.”

LAA 112:9

Ana khalem eina yaowa, ana kachāmabingli mi; awui khamashung khangarong leichinga, awui pangshapli maiyāda masot mira.

LAA 37:21

Makaphaana shukkhui, kala marunrarmana, kha khangarongava sailāmlaka kala mishoka;

CHĀNSAM 22:9

Mili yangmikathale somira, kaja kachāmali awui kashakazā ngayarzai.

HĀSHOKME 11:6

Ngathorshong nawui athā yaolu, ngazinshongla napāng mangasāmhaialu, kaja hinagā, chinagā maningakha khanini ngaraichāda phānikhala da na matheimana.

HĀSHOKME 9:10

Nawui pāngna sākhavai khalei kachiva̱ nawui yāng eina sālu; kaja nana vāki kajipam Kathewui ram chili ot kasāla, chukhamajala, theithangkhameila, aworla maleimana.

ISAIAH 32:5

Mangkhama̱ali khangam maholuimara, kakapik-kakhayāng mili khayākakā maholuimara.

ISAIAH 32:8

Khayākakā mina khayākakā ot sai, kala khayākakā otsak eina ana nganingchinga.

ISAIAH 64:5

Khangarong otli mathānthup eina kasā mi chili nana samphanga, nawui apongli phaningkhaunga mili. Yanglu, ithumna morei kasāwui vang nana malungvāta; ithum moreilungli sāngnā pamhaira, ithumli huimipairala?

MATTHEW 25:40

Chieina Awunga china ngahānkāra, ‘Kachangkhat ina nathumli kahāngna, ichinābingwui ngachaili teomeikap kaje akhali nathumna sāmi kahai chi nathumna ili sākhamina.’

OTSAK 11:23

Ana vākashung eina mibing chili kathada somikhala kaji theilaga a ringphālakhaowa kala Proholi ningtongda shitsangching khavai athumli kasatsanga.

OTSAK 13:12

Kashok chi governorna kathei eina Prohowui pongli tamkachithei chi shālaga matakhakhaowa.

OTSAK 13:15

Moseswui ain lairik kala marānbingwui lairik pākup kahaiwui thili synagoguewui akhavābingna anili pao chihovai, “Ivānao khani, nanina mibing hili kasatsangkhangai leiakha kasatsangmilu.”

OTSAK 15:32

Judas eina Silas, anila marān sāthuda anina kasatsangmida avānaobing chili pangngsaka.

OTSAK 20:2

Ana apam chili vāmamānda mibingli chānpao kachungkha eina katomsanga. Chiwui thili ana Achaiali rai,

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

OTSAK 4:36

Chithada sāda Cyprusli kapharā Joseph kaho Levi akha, paokazatbingna Barnabbasla kaphoka, (chiwui kakhalata “Kasatkasangwui naomayara”) ana,

ROMNAO 12:13

Khavatabingli nawui khalalei ngayarmilu kala kha̱mishimāli rāzang ngasaklu.

ROMNAO 13:6

Chiwui vang eina nathumna khāshinā khamina; athumna athumwui sāki kaji ot kasā chi Varewui vang sākhamina.

1 CORINTHNAO 12:28

Varena churchwui alungli saikora hi kachichāwui pam ngarānmi: rimeikapta paokazata, kakhaneli marān, kakathumali ojā; chiwui thili matakhak kahai kasaa, chiwui thili kazāt raikhame, ngachonkhame, mawunwo, kala tuiyār tarākha khamatuia kapangsangmi.

1 CORINTHNAO 14:3

Chithā-ilala phongkhami chiya mibingli tamkachitheina kala athumli khangachon, kakatom kala ringphāmei, mathānmei khavai kasāna.

2 CORINTHNAO 1:12

Mikumowui thangkhameina maningla Varewui lukhamashanwui pangshap eina ithumna okathui hili mataimeikapta nathum eina ithumwui khangashik hi Varena khami ningkhakasā kala ningkathar eina munga kaji hi ithumwui mashun-makhuina chitheikhamiwui vang ithumna langsoi.

2 CORINTHNAO 11:3

Kha phara̱wui mareimarāna Eveli mikhanam chithada, Khristali nathumwui khamashung kala kathar eina kachigat ning chi makhaohaipaishina da ngacheelaka.

2 CORINTHNAO 8:12

Kachichawui khalei chi mingairareo miakha Varenala khuisangmira; makhalei chi milu majimana.

2 CORINTHNAO 9:11

Sailāmlak eina mishap khavaiwui vang Varena nathumli shāngsang ngasakra. Chieina nathumna khami chi ithumwui eina samkaphanga mi kachungkhana Vareli masochikatra.

2 CORINTHNAO 9:13

Nathumwui hikathā otram khangatha̱ hi theilaga nathumna mayāda Khristawui paokaphāli shitsangtit kaji kala mi saikorali sailāmlak eina khamiwui vang mi kachungkhana Vareli sochikata tekmatei ngasaka.

2 CORINTHNAO 9:7

Kachichāwui kaphaning athishurda miki kajina, tandiwui ot maleimana, kaja mingairareo khame chili Varena leishi.

EPHESIANAO 6:5

Raobing, Khristali otram ngatha̱khamina da phaninglaga nathumwui akhavābingli khayākashi, khangachee kala ningkathar eina kahāng nganālu.

KHALATLUI 15:14

Kha Proho nathumwui Varena nali sokhami athishurda, nawui yaoshangwui eina nilala, nawui zāt nilala, drakhāthei nilala yarkapai chi ali pāng tonglak eina yarra.

KHALATLUI 16:11

kala nathumna Proho nathumwui Varewui mangāli, na eina nanaomayarabing kala nanao ngalāva̱bing, nawui rao mayarnao eina raosha̱nao, nathumwui keinunglungli ngasokapama Levinaobing, kha̱minaobing, marānao, kala nathumli ngasokapama ra̱meinao, Proho nathumwui Varena amingwui vang kapangkhuiki kaji apam chili ringphāngarumra.

COLOSSIANAO 3:22

Raobing, nathumwui akhavāli athumwui miktāli ningyāng ungkhavaimāngwui vang maningla ot saikorali athumwui kahāng nganālu. Ot kasā saikorali Proholi khayākashiwui vang ningtonglak eina sālu.

1 THESSALONICANAO 2:3

Kaja ithumli tamkachithei hi makhamashung, makathar kala minamda sākakhaibing maningmana.

1 THESSALONICANAO 2:8

Nathumli hiyākha leikashiwui vang Varewui paokaphāmāng mikhangai maningla, ithum khalatta eina tangda chigatngai, kaja nathumli leishilāka.

1 TIMOTHY 4:13

I marāranglakha eina tangda yaruili Varewui tui pākachithei, pao hākashok kala tamkachitheili ngalangzarlu.

1 TIMOTHY 5:17

Mathada yangkhame khararnaobing chili, mataimeikapta tamkachithei eina pao hākashok athum chili mataimeida khayāshiranu.

1 TIMOTHY 6:18

Kaphā ot sākhavai kala kaphā ot kasāli ngachāng kāmei khavai, sailamlak eina kateibingli mithei khavai athumli machinlu.

HEBREWNAO 10:25

Mi kaikhana kasā thada masāla ithumva mamalaihaila kazipngarumchingsa. Kala akha eina akha mataimeida kasatsang ngaroksa kaja Prohowui Zimiksho chi rānganaihaira kaji nathumna mik eina thei.

HEBREWNAO 13:17

Kathānabingwui kahāng nganāda athumwui thi shurlu. Athumwui otsak Vareli chitheiki jihaoda khangasām maleila athumna nathumwui manglāli yangmichingra. Nathumna kahāng nganaakha, athumna athumwui ot chi mathānthathup sāra, chi maningakha, athumna kakhanang eina sāra, chi nathumwui vang khikha kānkhanā maleimana.

HEBREWNAO 13:22

Ivānaobing, kasatkasang tui hili ningsangda khanganāmilu, ina chithi hi sha̱lak eina kagapina.

HEBREWNAO 13:24

Kathānabing kala Varewui mibing saikorali ithumwui shālam hāngmilu. Italyli khalei avānaobingna nathumli shālam mili.

HEBREWNAO 13:7

Varewui tui hāngkhame nathumwui kathānabingli phaningunglu. Athumna kathada ringsā, kathada thi kaji phaningungda athumwui shitkasang sha̱khuilu.