ROMNAO 12:6 - Kathara Bible (BSI)

⁶ Varena ithumli mikahai awui lukhamashan chiwui athishurda lemmet ngatateida leihaogada chiwui athishurda sāphalungrali. Khamarānakha, ithumwui shitkasang khaleiyakha sāra;

ROMNAO 12:6 Iomraidhean Croise

MATTHEW 23:34

Chiwui vang eina ina marānbing, thangkhameibing kala ain kathembing nathumwuili chihorai, nathumna kaikhali sāthatra, kaikhali krushtungli khāngkāra kala kaikhali synagogueli lijei eina ngaphitra kala athumli nathumna keinung akhawui eina keinung akhali rekharekra,

MATTHEW 25:22

“Talent khani samkaphangpā chinala khangatei khani mataida khuirāda hānga, ‘Amei, nana ili talent khani mi, ina khangatei talent khani tongkhuihaira.’

LUKE 11:49

Chiwui vang eina Varewui thangmei china hānga, ‘Ina marānbing eina paokazatbing athumwuili shivātvāra, athumna kaikhali shaothatra kala kaikhali rekharekra.’

OTSAK 13:1

Chitharan Antioch churchli marānbing kala kachishutabing leisai, athum chiya Barnabas, Kazika kaho Simeon, Cyrenewui Lucius, Governor Herodli nganaokākhangaruma Mana-en, kala Saul athumna.

OTSAK 15:32

Judas eina Silas, anila marān sāthuda anina kasatsangmida avānaobing chili pangngsaka.

OTSAK 2:17

Varena hānga, khanaowa zimiksholi ina hi shokngasakra: Kaja mi saikorali iwui manglā heirorra, kala nathumwui naomayarabing eina naongalāva̱bingna marānra, mahākhami nathumwui khanuithotna theira, kala ararnaobingna mang shimanra,

OTSAK 21:9

Awui nao mafathuirang kaje ngalānao mati leisai, athumna phongkhami ot sai.

ROMNAO 1:11

Kaja manglāwui sokhamili ngarum khavai kala manglārin makangmei khavai nathumli samphangngailaka.

ROMNAO 12:3

Varena ili lumashankhamiwui mangā eina ina nathumli kahāngna: Nathum khalatta khangayi chili lāngda chuimeida maphaningalu, kha ayat ungda phaninglu, mi kachiva̱ kachichāli mikahai shitkasang chiwui angarit eina chukmaja̱ranu.

1 CORINTHNAO 12:18

Varena awui ningkachāng athishurda phasālungli akai ngatateida sāmi kahaina.

1 CORINTHNAO 13:2

Ina phongkhamiwui pangshap leilala, matheikharar khangathuma matakhak kahai kala awor saikora theishingkhuishaplala, kala shitkasang tongtinghaida kaphung khāngthuishaplala, leikashi maleiakha I khikha maningmana.

1 CORINTHNAO 14:1

Leikashi hi nathumwui kharin ngasā ngasaklu. Manglāna khami lemmetbingwui ngachaili mataimeikapta marānkhami chili kahaolu.

1 CORINTHNAO 14:24

Kha mi kachiva̱na phongsi kaje mashitkasangbingna kala ayarwui mina kashā samphanglaga awui morei phaningkhui ngasakra. Ana shākakhui china ali bichar sāra.

1 CORINTHNAO 14:29

Varewui pao samkaphanga mi khani kathumna matuiranu kala athumna kahāng chi kateibingna machukranu.

1 CORINTHNAO 3:5

Hānglaksa jiakha Apollos kala Paul khipāda? Nathumna shitsang khavai thankhame ithumva Varewui otram khangatha̱bingmaya. Inila Prohona sālu da khami ot satha̱thui kajina.

1 CORINTHNAO 7:7

Mi saikora I thāngasakngai, kha mi kachiva̱ Varewui eina samkaphang ngakheikhang kahai lemmet chi ngateisera. Mi akhali akha, khangatei akhali akha da mi.

2 CORINTHNAO 8:12

Kachichawui khalei chi mingairareo miakha Varenala khuisangmira; makhalei chi milu majimana.

EPHESIANAO 3:5

Khare thotli tui hi mili machitheisāmana, kha ara awui kathara paokazatbing eina marānbingli Manglāna phongmihaira.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

PHILIPPINAO 3:15

Ithum manglārinwui pongli kāshung kahai saikorana chithada phaningphalungra. Kha kachikathāna ngateida kaphaning leiakha chila Varena nathumli chitheimira;

1 THESSALONICANAO 5:20

kasatkhami chānpao chili maningkachaialu,

2 PETER 1:20

Mataimeikapta, nathumna hi theiphalungra kaja Kathara tuili phongmi kahai tui chi kachikathā marān akhana aningsasak eina khalatkhui kaji maningmana.