ROMNAO 12:3 - Kathara Bible (BSI)

³ Varena ili lumashankhamiwui mangā eina ina nathumli kahāngna: Nathum khalatta khangayi chili lāngda chuimeida maphaningalu, kha ayat ungda phaninglu, mi kachiva̱ kachichāli mikahai shitkasang chiwui angarit eina chukmaja̱ranu.

ROMNAO 12:3 Iomraidhean Croise

CHĀNSAM 25:27

Khuira̱ tarākha kazā maphāmana, chieina sotkhamasao tui machungnālu.

CHĀNSAM 26:12

khalattawui thangkhama mina da kaphaning mi nana katheila? Chikathā miwui vanga mangkhama̱awui kachihān kachangmei.

HĀSHOKME 7:16

Mamashunghenalu, kala na khalatta mathangmeihenalu; khisāda nakhalatta sashimānrakhala?

MICAH 6:8

O mikumo, kaphā chi khikhala; kaji Prohona chitheimihaira kala Prohona nawui eina khi ningkachāngkhala kaji chiya mashun eina kasā, lukhamashanli kakahao, kala ningmazingda Vareli ngasokazat maningmala?

LUKE 18:11

“Phariseepā china kha-lāchāda anganinglaga hithada seihā sai, ‘O Varivara, ina nali ningshilaka kaja iva mi khangatei thada ngaponkazā, ning makathar, phokaphā lah khāshinā khalokapā kathā maningmana.

JOHN 3:34

Varena kashivāta a china Varewui tui matui kaja Varena Manglā chi khavāt maleila ali mi.

ROMNAO 1:5

Miyur saikorali shitkasang kala kahāng khanganāli thānsangmi khavai Khristawui mingwui vang awui mangā eina ili paokazata akha sāngasaka.

ROMNAO 11:20

Chi mashunga. Athumna mashitsangthuda tektāhaowa kala nathumva shitsanghaoda makhangacheina kajiwui vang malangsoalu kha ningngasharlu.

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

ROMNAO 12:16

Ningkha-yangkha sāda okthuilu; makachorshialu, kha ngahuirihailu kala mathangmeirekalu.

1 CORINTHNAO 15:10

Kha Varewui lukhamashanna ili hokhuida hithada khaleina. Ana hokakhui chi arema maningmana. Lakhashong phaningakha paokazatbingwui ngachaili ina pangmeithuida ot sai. Chi ina kasā maningmana, kha Varewui lukhamashanna sākhangasakna.

1 CORINTHNAO 3:10

Varena ili khami lemmet chiwui athishurda shim sākatha akha thada ina shimphung sema, kala khangatei akhana chiwuitungli shim sākai. Kha kasā mi china ningngasharlak eina sāranu.

1 CORINTHNAO 7:17

Mi kachiva̱na Prohona ali chisin kahai kala hokakhui chiwui athishurda okthuiranu; hi Church kachiva̱li ina tamkachithei ayinzana.

2 CORINTHNAO 10:13

Ithumna angarit chili lāngda malāngsomara.

2 CORINTHNAO 12:13

Iwui kaphaningli nathum church khangateili teomeiada kaphaning maleilakmana, nathumli iwui vang eina machot khangasak chimaya. Chiwui vang pheomilu.

2 CORINTHNAO 12:7

Phongkhami kachungkha ina kathei chiwui vang I khalatta sotmasaohaipaishina da hapkhano khavai iwui phasāli ka̱shāt kathā, Satanwui khutlai chi tophummihai.

GALATIANAO 6:3

Kachikathā mi akhana ava khikha maninglaga khikha akhana da phaningakha ā khalatta kachipatna.

EPHESIANAO 3:2

Kachangkhat eina Varewui lukhamashan lungli nathumwui vanga kaphā sākhavai ot hi ili horsangmi kahaina kaji nathumna shāhaira.

EPHESIANAO 3:4

kala ina kapi kahai chi nathumna paakha, Khristawui khangathuma chiwui pongli iwui bhap katā chi nathumna theikhuishapra.)

EPHESIANAO 4:16

Awui khayaikhamilungli phasākai saikora ngashik ngarokta lei kala phasā atonga chi aliklak kachiva̱wui eina ngasunkhui. Chithada sāda phasākai kachiva̱na kachichāwui ot sāda leikashiwui lungli phasā katonga reisang ngasaka.

PHILIPPINAO 2:13

Kaja awui kaphaning chi sāngairareo sākhavai kala sāshap khavai Varena nathumwui alungli ot sāda lei.

COLOSSIANAO 1:29

Hi ungshung khavai Khristana ili khami yāng pangshap shichinlaga ina ngararda ot sai.

COLOSSIANAO 2:13

Moreiwui vang kala ain makhangavā miyur ngasāsāhaoda nathum atam akhali manglāwui pongli thida leisai. Kha ara nathumli Varena Khristawui mangā eina ringngasakhaira kala ithumwui morei saikorala pheomihaira.

1 TIMOTHY 1:14

Khrista Jishuwui lungli khalei shitkasang kala leikashi eina ngasoda ithumwui Prohowui lukhamashan chi iwuitungli mavātlakla heirormi.

1 TIMOTHY 2:15

Chithālala ana ningmazingda shitkasangli, leikashili kala tharkhamathengli poktitakha nao kapharāwui vang ali huimira.

1 TIMOTHY 2:9

Chithada sāda sha̱naobingnala ning mazinglak eina, ayuk-ayan unglak eina kashankachon ngavailu, sināwui, muktāwui kala aman kasasak eina phorsanglu kaji maningmana.

TITUS 2:12

Lukhamashan china ithumli Vare makathei mirin kala okathuiwui khamathang horngasakhailaga khalatta khangarin mirin, mashungrik eina kala Vareli theida okathui hili okthui khavai tamchitheimi.

TITUS 2:2

Khararnaobingli ngarakzakhai khavai, ningkā khavai, khalatta ngarinthei khavai, shitkasang, leikashi kala kakhāngli nganingtit khavai tamchitheilu.

TITUS 2:4

athumna lārongpongbingli gahara ngarā eina naongarāli leishi khavai,

TITUS 2:6

Chithada sāda yaronnaobinglila athum khalatta ngarinshap khavai kasatsanglu.

JAMES 4:6

Kha Varena hakkhamei lukhamashan mi, chiwui vang eina hithada hānga, “Varena lāngkasobingli ngasunga, kha khangahuibingli lumashanmi.”

1 PETER 1:13

Chiwui vang eina nathumwui ning ngazipmeilu. Ningkhariklu kala sokhami chiwui vang nathumwui kachihān leichingda Jishu Khristali theithang nathumli sokhami mira.

1 PETER 4:11

Pao hākashoka a china Varewui pao hāshokphalungra; otram ngatha̱mena Varena ali mikahai pangshap chieina ngatha̱phalungra. Chithada sāda katang makhavai tekhamatei Khristawui mangā eina Vareli masot mipaira. Amen.

1 PETER 4:7

Ot saikora ngachangki kaji nganaihaira; khalatta ngarinda kala ngasharda seihā sāshap khavai ngarānlu.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”

1 PETER 5:8

Mikringda ngasharlu, nathumwui yangkashe chipee chi kazingkha̱ thada nirlaga kachikathāli shaikhavai zatung zatvāda phāzatta lei.

3 JOHN 1:9

Ina churchli chithinao akha kapiya, kha athumwui kathāna sākhangai Diotrephesna ina kahāngli khikha machāpmilakmana.