ROMNAO 12:2 - Kathara Bible (BSI)

² Okathuiwui khangachāli mangarumhaialu, kha nathumwui ning chi onchang onngasaklu. Chieina nathumna Varewui ningkachāng kaphā, ningyāng ungkapai kala kākashung chi khikhala da theipaira.

ROMNAO 12:2 Iomraidhean Croise

EZRA 10:11

Chieina nashāvā ngarāwui Vare Proholi ning ngateida awui kakaso chi sālu; lam hiwui mibingwui eina kala kha̱mi preiva̱ ngarāwui eina nathum khalatta ngateithulu.”

LAA 119:103

Ina mazapkhayangli nawui tui kayākha shim, khuira̱li lāngda shimmei!

LAA 119:128

Chiwui vang iwui pheikār kachida nawui tamkachithei athishurda zata; makhamashung apong saikora ina yangkharinga.

LAA 119:174

O Proho, nawui huikhami chili ina ngaraili; kala nawui ain iwui ringkaphāna.

LAA 119:72

Sinā kala lupāsā thingthingle, nakhamor eina khami ainna iwui vang phāmei.

LAA 119:97

Iyavo, nawui ainli leikashi! Langpongda ina chiwui pongli machuka.

LAA 34:8

O Proholi mazapyangda awui kaphā theikhuilu! Ali khangayina mi chi ringphai!

LAA 51:10

O Vare, ili wuklung kathar semsangmilu, kala kadhara kala khamashunga manglā sangmilu.

SHONGZĀ 23:2

Makaphā sākhavai yarui chungkhameili mashurpaimara; lah tuishotli yarui chungkhameiwui michang zangda mashun nguimi khavai shākhi masāpaimara.

EZEKIEL 18:31

Ili makhamayā kasā nathumna khayonkhamāng sākahahai saikora chi chihoserhaolu; kala nathum ning kala manglā kadhar sangkhuilu. Khiwui vang nathum thikida, O Israelwui shimkhur!

EZEKIEL 36:26

Ina ning kadhar sangmira, kala ina manglā kadhar sangmira; kala ina ngalungwui malung chi khuishokhaida asāwui malung phonmira.

MATTHEW 13:22

Ka̱shātronglungli yaosang kahai athā chiya tui chi shālala mirinwui vang malungkharing kala lanli leikashina tui chi shangthathaowa kala atheila mamatheithuwa.

MARK 4:19

kha okathuiwui malungkharing, kashāng ningkachang, kala khangatatei otli kakahaona yuihaida tui chi shangthathaowa kala atheila mamathei ngasakmana.

JOHN 14:30

Ina nathumli kasāngkha mangazekrarluimara, kachiwui vangkhala kaja okathui hiwui khamunga rārāda lei. Ana iwuitungli khikha masārarmara,

JOHN 15:19

Nathumna apug-apagvawui ngasakha, apuk-apagva̱na awui chili leishira; kha ina nathumli apuk-apagva̱wui eina kapangkhuihaoda nathum apuk-apagva̱wui maningmana, chiwui vang eina apuk-apagva̱na nathumli ningkachai.

JOHN 17:14

Ina nawui pao chi athumli mi, chieina okathuina athumli ningkachaihaowa kaja ina okathui hiwui makhaning thada athumla okathui hiwui maningmana.

JOHN 7:7

Okathuina nathumli maningkachairarmana, kha ili ningkachai, kaja chiwui otsakbing chi makaphāna da ina hāngching kajiwui vangna.

ROMNAO 12:1

Chiwui vang eina ivānaongarā, Varena ithumli tarākha lumashankhamiwui vang ina nathumli hi poli kaja nathum khalatta Vareli ringchigat sāda chigatlu, otram khangatha̱li dharchigatta ali ningyāng ungngasaklu. Hi nana chigatkhangayiya khamashunga khokharum chilaka.

ROMNAO 13:14

Kha Jishu Khristawui khutlai chi khangkāda moreiwui khangachā kala chi ningyāng ungkhavai hengsangkhami chi thahaolu.

ROMNAO 7:12

Chiwui vang eina ain khalattava tharra, kala ningkhami hi tharra, mashungna kala phai.

ROMNAO 7:14

Ithumna thei kaja ain hi manglārinwuina, kha iya phasā khavaiya moreili yorsang kahaiya raona.

ROMNAO 7:22

Varewui ain chi iwuklungli ningyāng unglaka.

1 CORINTHNAO 3:19

Kaja okathui hiwui thangkhamei hiya Varewui mangāli mangkhama̱na. Hithada kapihaili, “Thangkhameibingwui awor kasā chi Varena paisor eina tukkhuishapa.”

2 CORINTHNAO 4:4

apuk-apaga hiwui makapha varenaona mashitkasangbingwui ning ngapeo ngasakhaoda, Varewui sakrin kakhuia Khristawui tekhamateiwui paokaphawui kahor chi mathei ngasakthuwa.

2 CORINTHNAO 5:17

Chiwui vang eina kachikathāna Khristali leiakha a kadhara pāngsemna; kachama chi kānthuihaira, yanglu; kadhara chi rāhaira.

GALATIANAO 1:4

Aruihonwui makaphā mithot hiwui eina ithumli ningkhān ngasak khavai, ithumwui Vare kala Avāva̱wui kahāng nganāda Khrista a khalattana ithumwui moreiwui vang thimihaira.

EPHESIANAO 1:18

Nathumwui ning shoda awui kahor theikhavai ina pomi, china nathumli hokakhuiwui kachihān chi khikhala kala awui mibingli kayākha tekhamatei lan ngashitmihaikhala da nathumna mathingrik theira,

EPHESIANAO 2:2

Chikachāng nathum okathuiwui makaphā shongfali zatsai. Nathum Varewui kahāng makhanganābingli singda khalei khamasai lungli khalei makathar manglāwui akhavā chiwui kahāng nganāsai.

EPHESIANAO 5:17

Chiwui vang eina mamangma̱alu kha Prohona nathumli khi sāngasakngaikhala kaji phākhuilu.

COLOSSIANAO 1:9

Chiwui vang eina nathumwui pao shāthang eina thuilaga atam kachida manglāna khami thangkhamei kala theishingkakhuilungli Varewui awor china nathumli chipemmi khavai sāmichinga.

COLOSSIANAO 3:10

Hiya kasā Akhavā Varena a khipākhala da theishingkhui khavai awui sakrinlungli atam kachida nathumli dharngasakchingda lei.

COLOSSIANAO 4:12

Nathumwui ngasota kala Jishu Khristawui rao Epaphrasna shālam chiphunli. Ana nathumwui vang Varewui kaphaning chili kahāng nganāda kākashung kala theishingkakhuia Vareshi thada nathumna nganingshap khavai atam kachida ningsanglak eina seihā sāmichinga.

1 THESSALONICANAO 4:3

Nathumna tharda leikhavai khamathang-khamarangwui eina ningkhānchao kahai hi Varewui ningkachāngna.

TITUS 3:5

ithumli ana huimi. Ithumna khamashung khangarong ot kasāwui vang maningmana; kha awui lukhamashan mangā eina pheomihaida Manglā Katharana pharā khangasak mirin kadhar chi ithumli thada mi.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

1 PETER 1:14

Varewui kahāng nganālu, achālakha mangma̱da leilakha pha̱sāwui ningkachāngmāng kaphaning thada maokthuialu.

1 PETER 1:18

Nathumli navā ngarāwui eina shākhuikhamaron khikha masākhavai mirinwui eina ngatangkakhui chi shimānkapai sinā lupā eina maningmana kaji nathumna thei,

1 PETER 2:3

Hithada kapihaida lei; “Prohowui lukhamashan nathumna mazaphaira.”

1 PETER 4:2

Chiwui vang eina ara hiwui eina thuida nawui okathuiwui mirin hi mikumowui ningkachāng eina maningla Varewui kaphaning eina okthuilu.

2 PETER 1:4

Hithada sāda okathuili leida khalei sāshimānkapai khamathangwui eina yāmshokpai khavai kala Varewui tharkhamatheng khangachā chili ngashitmi kahai kasaka lemmet chi mihaira.

2 PETER 2:20

Huikhame Proho Jishu Khristawui mangā eina theithangmeida okathuiwui khamakhaowui eina yāmshoklaga chiwui khalenli tāzangluiakha, khare mirinli khanaopā zakshimei.

1 JOHN 3:13

Ivānaongarā, nathumli okathuina yangkharinglala matakhak kahai masaalu.

1 JOHN 5:19

Apuk-apaga hi makaphā pangshapwui azingli leilala ithum Varewuina kaji ithum thei.

PHONGKHAMI 12:9

Chieina phara̱ kasara, okathui katongali thānkhanguia, aming Satanla, Chipeela kaho dragon chi awui kazingraobingli ngasoda okathuili hortāhaowa.

PHONGKHAMI 13:8

Okathui masāranglakha shaothat kahaia Yaonaowui kharinga lairikli kapisang kahaibing chi maningla okathui katongana ali khorumra.