ROMNAO 12:16 - Kathara Bible (BSI)

¹⁶ Ningkha-yangkha sāda okthuilu; makachorshialu, kha ngahuirihailu kala mathangmeirekalu.

ROMNAO 12:16 Iomraidhean Croise

2 THOTRINCHĀN 30:12

Prohowui tui awungana kala wungva̱bingna kaso kahai chili Judahli ningkha sākhavai Varena ngasomi.

JOBWUI LAIRIK 36:5

“Yanglu, Vare hi sāshap-pangshapana, ana khipālikha machinmana; theishingkakhuiwui pangshap leilaka.

CHĀNSAM 17:5

Kachāmali mana̱kashe mi chi awui Kasā Akhavāli zeikakharuina, miwui kalākashili ringkaphā mi chili kashong malāngla mathāhaimara.

CHĀNSAM 19:17

Kachāmali lumashankhami chi Proholi kachishutna, kala awui kaphā sākahai chiwui sāman Prohona runmira.

CHĀNSAM 19:22

Mi akhawui eina ningkachāng chi khangavapna, kala kakapikale kachāma phamei.

CHĀNSAM 19:7

Kachāmali chinao ngarāna yangkharingsera; ngasotnaobingna kayākha mataimeirakhala? Ana athumli tui eina suiya, kha chinala kānkhanā maleimana.

CHĀNSAM 26:12

khalattawui thangkhama mina da kaphaning mi nana katheila? Chikathā miwui vanga mangkhama̱awui kachihān kachangmei.

CHĀNSAM 26:5

Mangkhama̱ali awui mangkhama̱ thāda ngahānkaakha, a khalatta thangmeiya da phaningra.

CHĀNSAM 3:7

Na khalattawui mikyan eina na thangmeiya majialu; Proholi ngacheelu, kala makaphāwui eina ngareithuihaolu.

ISAIAH 5:21

Khalatta thangmeiada kaphaningbing, ngakaishitingting kahaibing, kakhanang ngasāranu!

JEREMIAH 32:39

Athumna ili ngacheeching khavai wuklung kala apong akha athumli sangmira, athumwui vangla, naoda shokki kaji anaongarāwui vāngla phākhavaina.

JEREMIAH 45:5

Nakhalatta kahaka phākazatla? Maphāzatalu! kaja yanglu, asā khavai saikorawuitungli ina kalākashi khuirāra da Prohona hānga; kha nana kazazatpam saikorali rai mazum sāda nawui mirin ina nali mira.”

MATTHEW 11:5

mik khangapeobingna kathei samphanga, phei katekbing zatpaihaira, phārrei kakazābing tharhaira, khangakhokbing shāpaihaira, kathebingli ringngasakhaira kala kathai kachāmbingli paokaphā hāshokmihaira.

MATTHEW 26:11

Kachāmabingli nathum ngasopamchingfara kha nathum ili mangasopamchingmara.

LUKE 14:13

Kha nana phākachizāt tharan kathai kachāmbing, khangazanbing, pheikatekbing, khangapeobingli holu.

LUKE 6:20

Jishuna awui sākhangatha̱bingli yangvāda hānga, “Kachāmbing sokhami ngasāranu, kaja Vare wungram chi nathumwuina.

OTSAK 4:32

Chitharan shitkasanga saikora ningla khokkha sāda leisai, kala khipānakha awui khalei lan chi awuina da maphaningla khalalei saikora yarui katongawuina da phaninga.

ROMNAO 11:20

Chi mashunga. Athumna mashitsangthuda tektāhaowa kala nathumva shitsanghaoda makhangacheina kajiwui vang malangsoalu kha ningngasharlu.

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

ROMNAO 12:3

Varena ili lumashankhamiwui mangā eina ina nathumli kahāngna: Nathum khalatta khangayi chili lāngda chuimeida maphaningalu, kha ayat ungda phaninglu, mi kachiva̱ kachichāli mikahai shitkasang chiwui angarit eina chukmaja̱ranu.

ROMNAO 15:5

Khrista Jishuna sāchithei kahai chi shurda khangachei makhalei kala ninglum khangasaka Vare china nathumli khokkha kasāwui ningngai miranu.

ROMNAO 6:2

Maningphutmana! Ithum moreili thihaira, chithākha kathada chiwui lungli ringchingpairakhala?

1 CORINTHNAO 1:10

Ivānaongarā, Proho Jishu Khristawui ming singda nathumli kapona, nathum mayā ngaroklu, makai ngarokalu; kaphaning kala kharin akhamāng leilaga khokkha sāchaolu.

1 CORINTHNAO 3:18

Khipakha kachichā khalatta machipataranu, nathumwui ngachaili kachikathāna thot hiwui thangkhameina da phaningakha, thangmeikachangkhat khavai a mangkhama̱ ngasāranu.

1 CORINTHNAO 4:10

Khristawui vang eina ithumva mangkhama̱ana, nathumva Khristawui lungli thangkhameiana, kala ithuma khangazanana, nathuma kapangana! Ithumliva chinkai, nathumliva khayāshiya!

1 CORINTHNAO 6:5

Hi khayak khavaina! Nathumwui ngachaili ngachami khavai theithangkhamei mi akhala mazangsāthulā?

1 CORINTHNAO 8:2

Kachikathā mi akhana a theimeia da phaningakha ana theikhangayi chila matheiranga.

2 CORINTHNAO 13:11

Naomeikapta, ivānaobing ringphāmeilu. Kāshungmei khavai sālu, iwui kapo nganāmilu, ningkha sālu; chingri eina okthuirumlu. Leikashi kala chingri kahaiwui Varena nathumli ngasomichingranu.

PHILIPPINAO 1:27

Nathumwui mirin chi paokaphāwui athishurda kazata mirin ringphalungra. Chieina ina nathumli rātheilala, marātheilala nathumna paokaphāli shitkasangwui vang ning khokkha sāda ngararrumda lei, kala ning akha sāda nganingtitta lei kaji pao kashā samphangra.

PHILIPPINAO 3:16

chithālala arui rāshungda ithumna shurrā kahai ainzā athishurda mangāshong muivāsa.

PHILIPPINAO 4:2

Euodia eina Syntyche, nani Prohowui mangāli chonnaoni kathāna da mayā ngaroklu da poli.

HEBREWNAO 13:5

Nawui khalei chi shapa da phaninglu, lupāli mangamaralu, kaja Varena, “Ina nali mahorhailakmara kala machihohailakmara” da hānghaira.

1 PETER 3:8

Naomeikapta, nathum saikora ngaraikachā ningphanin kala ningngai leiphalungra; akha eina akha chinaongarā thada leishilu, kala akha eina akha lumashanthei ngarokta lāngkaso ningngai malei ngarokphalungmara.

1 PETER 5:3

Nathumli mikahai athumwuitungli akhavā masaalu; kha yaobingna sha̱khui khavai acham sāchitheilu.

3 JOHN 1:9

Ina churchli chithinao akha kapiya, kha athumwui kathāna sākhangai Diotrephesna ina kahāngli khikha machāpmilakmana.