ROMNAO 12:13 - Kathara Bible (BSI)

¹³ Khavatabingli nawui khalalei ngayarmilu kala kha̱mishimāli rāzang ngasaklu.

ROMNAO 12:13 Iomraidhean Croise

2 SAMUEL 17:29

khuira̱, seina̱ makhan, yaola, zangda, khuiphunglaga David eina awui mibingwui vang khuirāmi; kala athumna “Lamhāngli zatta chumchāmlakhairara.” da hānga.

2 WUNGNAOBING 4:10

Ishi shimtungli phākhonao ngaveikhuilaga shimnao akha sākhuida chili awui pet, table, chaoki hailaga, a kharā atamli ana chili pikhuikhui jiranu.”

LAA 41:1

Kachāmbingli phaningkhamibingli sokhami ngasāranu! Kakhanang atamli Prohona athumli khāngshokmi.

CHĀNSAM 31:20

Kachāmabingli pāng tonga, kala khavātabingli awui pāng vāshunga.

MATTHEW 25:35

khikhalajila I thaisai kala nathumna mizai, I ra̱changsai kala nathumna mimanga; I kha̱mi sasai kala nathuna chizuna,

OTSAK 10:4

Ana kazingrao chili ngacheerarang yanglaga, “Khikhala Amei” da hānga. Kazingrao china ngahānkai, “Nawui seihā kasā kala khangachon khamiwui otsak saikora chi Varewui mangāli phaningungkapai sāda kāshunghaira.

OTSAK 4:35

paokazatbingwui pāngli horsangmi, kala khavāt khalei mi kachiva̱li ngayarmi.

ROMNAO 12:8

katom khavai miakha chi sāphalungra; kachikathāna mishai-mishakakha haolak eina mishai-mishaklu; pangshap kasinga china ning horsangchaoda sāphalungra kala lukhamashanwui ot kasaa china mathānthup eina sāphalungra.

1 CORINTHNAO 16:15

Ara, ivānaobing, nathumna thei kaja Achaiali Stephanas eina awui shimkhur hi shitsangkhareli zanga, ashi hi katharabingli ngachonmikatheia shimkhurna.

2 CORINTHNAO 9:1

Shitkasangbingli ngachonkhamiwui pongli ina nathumli hāngkhavai khikha maleimana.

2 CORINTHNAO 9:12

Hikathā otram khangatha̱ hiya Varewui miyurbingwui darkar kasāli ngachonkhamimāng maningla kha Vareli ningkashi mataisang ngasaka.

GALATIANAO 6:10

Chiwui vang eina ithumna sāpaida leilakha mi saikorali kaphā sāmisersa, mataimeikapta shitkasang khangarumbingli sāmisa.

1 TIMOTHY 3:2

Chieina churchwui kathāna kasāpā chiya sui makakā, preiva̱ akhamāng kaje, ngarakzak kahaiya, khalatta ngarinkatha, khayākakā, kha̱mimāli ngahānkatha, tamchiteikatha ngasāphalungra.

1 TIMOTHY 5:10

kala kaphā otsak kasava̱; misui morei makaphungva̱, nao nganaokatheiva̱, shitkasangbingli phei pheokhamiva̱, kakhanangbingli ngachonkhamiva̱ kala kaphā ot kasāli ningkasangva̱ ngasāphalungra.

TITUS 1:8

Kha kha̱mimāli ngahānkatha, kaphā sākhangaia, khalatta ngarinkatha, khamashunga, kathara chamsin katheia sāphalungra.

TITUS 3:14

Kachangkhat darkar khalei chi mishap khavai ithumwui mibingna kaphā ot kasāli ngalang chigathei khavai tamkhuiphalungra kala aremawui mirin maringphalungmara.

PHILEMON 1:7

Leikashiya ivānao, nawui leikashi china ili tarākha khamathān kala kakatom miya, kaja shitkasangbing saikorali nana ning ringphā ngasakhaowa.

HEBREWNAO 13:16

Akha eina akha kaphā sāda ngachon khangarok mamalaialu, hikathā hi Vareli ningyāng ungkhangasaka pha̱kaphayāna.

HEBREWNAO 13:2

Kha̱mi-mā ngahān kathei eina kaikhana matheila kazingraoli zunkhui ngasakhaira.

HEBREWNAO 6:10

Vareva mashun bichar sākhamena. Chiwui vang eina nathumna sāmi kahai otsak lah katharabingli ngachonkhami eina nathumna ali leikashi chithei kahai kala aruila athumli ngachonmida khalei chi ana mamalaimara.

1 PETER 4:9

Ning khamakhao maleila mathānthathup kha̱mishimāli ngahānlu.

1 JOHN 3:17

Kachikathā mi akhana avānao akhawui khavāt thatheilaga malumashanngaiakha, ana Vareli leishiya da kathada hāngpairakhala?

3 JOHN 1:5

Leikashe ngasotnao, achinā kaikha kha̱mi sāsālala ningtonglak eina nana otram ngatha̱mi.