ROMNAO 12:12 - Kathara Bible (BSI)

¹² Nawui kachihān china nali ringphā ngasaklu, kachotkachāngli khāngda sālu kala seihā sāchinglu.

ROMNAO 12:12 Iomraidhean Croise

LAA 109:4

Ina leishida seihala sākhamiwui vang, athumna ili phentha̱ya.

LAA 37:7

Prohowui mangāli chingrihailu, kala ali ning nganungkhun ngaraipamlu; mina awui apongli reikasang eina, makaphā arah kasābingwui vang makhanangalu!

LAA 40:1

Ina Proholi ning nganungkhung eina ngaraipama; ana ili nganāmida iwui khavao shāmi.

LAA 62:8

O mibing, ali atam kachida shitsangchinglu; nathumwui ning ali milu; Vare hi ithum ngayin khavaina.

CHĀNSAM 10:28

Khangarongawui kachihān ringkaphā eina atanga, kha makhayā miwui ningkashai arema ngasāra.

CHĀNSAM 14:32

Makhayā mili awui makaphāna chithita, kha khangarong mina awui ningsākhangazipwui mangā eina ngayin khavai samphanga.

MATTHEW 5:12

Mathānlu kala ringphālu, khikhalajila kazingramli nathumwui sāman haklaka, kaja hikathāwui vang eina nathumli rida leikasā marānbinglila rekhareksai.

LUKE 10:20

Chitha-ilala nathumna kameobingli yuihaowa kajiwui vang mamathānhailu, kha nathumwui ming kazingramli kapihaili kajiwui vang mathānlu.”

LUKE 21:19

Nathumwui khāngkathei china nathumwui manglā kharing samphangra.

LUKE 8:15

Ngalei katumpamli tākazangbing chiya tui chi shākhuilaga ningkathar kala kahāng khanganā wuklung eina singtitta khānglaga athei kachungkha khamatheibing chi kathāna.

OTSAK 1:14

Athumna Jishuwui ava̱ Mary eina achināngarā kala sha̱nao kateila zangda atam kasang kharei ungkaziplaga seihā sāchinga.

OTSAK 12:5

Chiwui vang Peterli phātopli sanghai, kha churchna awui vang Vareli seihā thuklak eina sāmishonshona.

OTSAK 2:42

Athumna paokazatbingwui tamkachitheilila, ngarumsakla, kala khamui shaikhangarum eina seihā kasālila ningtumlak eina sakruma.

OTSAK 6:4

Laga ithumva seihā kasā kala pao hākashok māngli ningyāng chigatra.”

ROMNAO 15:13

Kachihānwui ura̱ Vareli nathumna shitkasang khaleiwui mangā eina khamathān kala chingri kahai chipemiranu. Chieina nathumwui kachihān chi Manglā Katharawui pangshap eina mataisangra.

ROMNAO 15:4

Achālakha kapi kahai chi ithumli hāngmachin khavaina, kaja ithumna nganingtitta kala kathara tuina kasatkasang athishurda kachihān leikhavaina.

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

ROMNAO 8:25

Kha ithumna makathei chili chihanakha chiwui vang ithumna khāngda ngaraipama.

1 CORINTHNAO 13:13

Chieina shitkasang, kachihān, kala leikashi; kathum hi leichinga: kala chiwui ngachaili leikashina mataimeikapa.

2 CORINTHNAO 12:8

Khuishokmi khavai ina Proholi poda kathumshihaira.

PHILIPPINAO 3:1

Naomeikapta, ivānaobing. Prohowui mingli mathānlu, ina rida kapi kahai chi hāngluikida ngachang machatmana, chi nathumwui vāngla phākhavaina.

PHILIPPINAO 4:4

Atam kachida Proholi ringkhangarumwui vang mathānchinglu. Ina hāngluishitli: mathānlu!

COLOSSIANAO 1:11

Nathumli Varewui tekhamatei pangshap china yāng kāngasakranu. Chithada, sāda nathumna ot saikorali ja̱khami eina khāngshapra.

COLOSSIANAO 1:27

kathuka tui hi awui mibingli chithei khavai kala miyur saikorawui vang kayākha tekhamatei tuikhala da chitheikhangai hi Varewui khangarānna. Kathuka tui chiya Khrista nathumwuili zanghaoda Varewui tekhamatei chili nathumla zangrumhaira.

COLOSSIANAO 4:12

Nathumwui ngasota kala Jishu Khristawui rao Epaphrasna shālam chiphunli. Ana nathumwui vang Varewui kaphaning chili kahāng nganāda kākashung kala theishingkakhuia Vareshi thada nathumna nganingshap khavai atam kachida ningsanglak eina seihā sāmichinga.

COLOSSIANAO 4:2

Mathāhailakla seihā sāchinglu, kala Vareli ningkashi mida nathumna seihā sālu kala ningngasharlu.

1 THESSALONICANAO 1:3

Ithumwui Avāva̱ Varivarawui mangāli nathumwui shitkasang eina leikashiwui otsak kala ithumwui Proho Jishu Khristali chihāntitta khalei chi phaningungchinga.

1 THESSALONICANAO 5:8

Kha ithum kahorwui naongarā sāhaokada mathingphalungra. Ithumna shitkasang eina leikashi hi thikhom thada khomra kala huikhamiwui kachihān hi raikuihon thada ngahonphalungra.

2 THESSALONICANAO 1:4

Nathumli rekakharek kala kachotkachāng khami tharan nathumwui ningzinghākharing kala shitkasang khangatar chi theida ithumna Varewui churchbingwui miktāli nathumwui mangā eina lāngsoi.

2 THESSALONICANAO 3:5

Varewui leikashi hakmeida theikhui khavai kala Khristawui ja̱khami chi nathumli leikhavai Prohona thānmichingranu.

1 TIMOTHY 6:11

Kha Varewui mi nava, chikathā ot chi masaalu. Khamashung khangarong, Varetuili shitkasang, leikashi, ningzinghākharing kala malungkhanim phālu.

2 TIMOTHY 3:10

Kha nana iwui tamkachithei, iwui acham-aram kala iwui mirinwui kharin chi shurkhuihaira, kala iwui shitkasang, iwui khāngkathei, iwui leikashi,

TITUS 2:13

Ithumna kachihān khamahaiya zimiksholi ngaraida ithumwui Huikhame Jishu Khrista kala hakkhamahā Varewui tekhamatei chi rāthanghon

TITUS 3:7

Chieina awui lukhamashan mangā eina ithumli mashungmida ithumna kachihān makashimān kharing mirin chi samphang ngasaka.

HEBREWNAO 10:32

Nathumna Varewui kahor samphang kahai chiwui thili kachot kachungkha samphanglala maikashi masamphanglak kaji atam chi phaningunglu.

HEBREWNAO 10:36

Varewui ningkachāng athishurda sākhavai kala ana ngashit kahai chi samphang khavai nathum khāngthei khavai sālu.

HEBREWNAO 12:1

Chiwui vang eina ithumwui vanga kuimareida khayanga shākhi kachungkha leihaoda, hapkakhano saikora kala ngathānshang ngathāntā da khalei morei chi hortāhailaga ithumwui shongzā khangakhui chili makhunlak eina zatsa.

HEBREWNAO 3:6

Kha Khristana anaomayara sāda Varewui shim ningtongda mayonmi. Ithumna kachihān chiwui vang khanao eina tangda ninglumtur eina singtitakha, ithum awui shimna.

HEBREWNAO 5:7

Jishuna okathuili ringlakha kathiwui eina huimi khavai Vareli chara̱ tāda panglāk eina ringngāda seihā sai. Kala ana malungkhanim eina ning horsangchao kajiwui vang Varena khuisangmi.

HEBREWNAO 6:12

Chiwui vang eina nathumli ngachāng makakā mi mangasā ngasakngaimana, kha Varena ngashitmi kahai chi samphang khavai shitkasang eina lāngkatha̱bing kathā sāngasakngai.

HEBREWNAO 6:15

Abrahamna khāngkatheiwui vang Varewui ngashit kahai chi samphanga.

JAMES 5:7

Ivānaongarā, Prohona marāranglakha eina tangda khāngtheilu. Lui khavā mina ngaleiwui heithei samphang khavai zur, kān mateila zingrotra̱ ngaraipama.

1 PETER 4:13

Kha Khristawui kachotkachāng phungkhangarumana da ringphālu. Chithada sāda awui tekhamatei chi phongshokthanghon nathum ringkaphāna pemtinghaora.

1 PETER 4:7

Ot saikora ngachangki kaji nganaihaira; khalatta ngarinda kala ngasharda seihā sāshap khavai ngarānlu.

2 PETER 1:6

aworli khalatta khangarin, khalatta khangarinli, ningzinghākharing, ningzinghākharingli dharma kaphaning,

PHONGKHAMI 13:10

Tukhuiki kaje chili tukhuiphalungra. Raighai eina shātthatphalungki kaje chili mashoila raighai chieina shātthatphalungra. Hili ja̱mikatha kala ningkatonga Varewui mibingwui ot lei.