ROMNAO 12:10 - Kathara Bible (BSI)

¹⁰ Akha eina akha Khristawui lungli chinaongarāwui leikashi mida leishi ngaroklu. Akha eina akha khayāshi ngaroklu.

ROMNAO 12:10 Iomraidhean Croise

HAOKAPHOK 13:9

Lam katonga hi nawui mangāli khalei maningmala? Iwui eina na ngateithuiulu. Nana uishong khuiga jiakha ina yāshong vāra; nana yāshong khuiga jiakha ina uishong vāra.”

JOBWUI LAIRIK 1:4

Anaomayara ngarāna kachichāshi shimli hounglaga ngatak ngatāda zāt khāngngatheichinga; kala azara̱ kathumli phāshak phazā ngarum khavai ahokhuikhui ji.

LAA 133:1

Yanglu, chinaongarā khokkha sāda okkathui kayākha ringkaphā kala khamathānkhala!

JEREMIAH 38:12

Ethiopiawui Ebed-melechna Jeremiahli hānga, “Chonshi-chonkāk chi nawui rikhāli taplaga seipeng chi hoksanglu.” Jeremiahna chithāda sai.

MATTHEW 20:26

Nathumwui ngachailiva chi mathamara; kha nathumwui ngachaili hakki kaje china nathumwui otram ngatha̱me sāphalungra,

LUKE 14:10

Kha nali kaho tharan zakkashi apamli apamlu, chithākha kaho akhavā china kharā tharan nali ‘Itao, mathākhamei pamvāk apamsa’ da rāhāngpai. Chitharan nali ngasoda phazākharumbingwui mangāli nali maiyā ngasaka.

JOHN 15:17

Hi iwui ningkhamina; akha eina akha leishi ngaroklu.

JOHN 17:21

chiya athum akha sāpaira; Avā, nana iwuili, kala ina nawuili khalei thada, athum iniwuili leiranu, chithākha apuk-apagva̱na nana ili kashirātna kaji shitsangra.

OTSAK 4:32

Chitharan shitkasanga saikora ningla khokkha sāda leisai, kala khipānakha awui khalei lan chi awuina da maphaningla khalalei saikora yarui katongawuina da phaninga.

ROMNAO 13:7

Athumli miphalungki kaji chi milu; miphawui khāshinā mikhangayili milu kala khayāshi khangayili khayāshilu.

GALATIANAO 5:13

Ivānaongarā, nathumlila ningkhān khavai hokhuihaira. Kha ningkhān hina nathum phasāwui ningkachāngwui khutlai sāda nathumli mamung ngasakalu. Kha leishida akha eina akha ngachon ngaroklu,

GALATIANAO 5:22

Kha Manglāna leikashi, khamathān, chingri kahai, ja̱khami, lumashankathei, kaphā ot, ningkatong,

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

PHILIPPINAO 2:3

Khalatta masotmasaoalu, kha akhana akhali phāmeiya da phaning ngaroklu.

COLOSSIANAO 1:4

Kaja Jishu Khristali nathumwui shitkasang kala Vareshinao saikorali leikashi chi ithumna shāhaira.

1 THESSALONICANAO 4:9

Shitkasang khangaruma avānaobingli leishilu kajiwui pongli nathumli kapiluishit kaji darkar masāmana. Nathum khalatta akha eina akha kathada leishi ngarokrakhala kaji chi Varena nathumli tamchitheihaira.

2 THESSALONICANAO 1:3

Ivānaobing, nathumwui vang atam kachida ithumna Vareli ningshi. Hi ithumna sāngayilāk kahai otna, khiwui vangkhala kaja nathumwui shitkasang mataisangmamānda lei kala akhana akhawui vang leikashila mataisangmeihaira.

HEBREWNAO 13:1

Chinaongarāwui leishāt nathumwuili leingasakchinglu.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 2:17

Mi saikorali khayāshilu, avānao ngarāli leishilu, Vareli ngacheelu, kala wungreili khayāshilu.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”

2 PETER 1:7

dharma kaphaningli chinao ngarāwui khamashit kala chinaongarāwui khamashitli khalem leishāt ngarumsanglu.

1 JOHN 4:11

Leikashebing, Varena ithumli hiyākha leishiakha ithum akha eina akha leishi ngarokphalungrali.

1 JOHN 4:20

Kachikathāna “I Vareli leishi” jilaga avānaoli yangkharingakha a kakapikna, kaja ana mik eina kathei achināli maleishiakha, mik eina makathei Vareli maleishirarmana.