ROMNAO 12:1 - Kathara Bible (BSI)

¹ Chiwui vang eina ivānaongarā, Varena ithumli tarākha lumashankhamiwui vang ina nathumli hi poli kaja nathum khalatta Vareli ringchigat sāda chigatlu, otram khangatha̱li dharchigatta ali ningyāng ungngasaklu. Hi nana chigatkhangayiya khamashunga khokharum chilaka.

ROMNAO 12:1 Iomraidhean Croise

LAA 116:12

Ili ana sākhami saikorawui vang, ina Proholi khi runra̱khala?

LAA 19:14

Ikhamor eina kashokshok tui kala iwui ningli chukkhamaja̱, nawui mangāli khuisang kapai ngasā ngasakmilu, O Proho, iwui lunghār, kala ili ngatangkhame!

ISAIAH 56:7

athumli iwui kathara phungreili khuivāda iwui seihā sākhavai shimli mathān ngasakra; iwui hanphuttungli athumwui rikkatā kachigat kala pha̱kaphayā chi khuisangmira; kaja iwui shim hi yur saikorawui vang seihā sākhavai shim hora.”

JEREMIAH 6:20

Shebawui eina frankincense, lah katāramwui eina kashima ja̱hei ili khuikharā khi ningrinwui vang khala? Nathumwui rikkatā kachigat makhuisangpaimana, kala nathumwui pha̱kaphayāla ili ningyāng maungngasakmana.

HOSEA 14:2

Nawui tui khuiphunglaga Proholi latungda ali hānglu, “Khayon-khamāng khuithuiserhaolu, kaphā chi khuimilu, kala ithumwui morchaiwui athei che ithumna phungra.

MISHĀN 7:21

rikkatā kachigatwui vang mukkānao akha, yaovā akha, kala kumkha kākahai yaovānao akha;

LUKE 7:47

Chiwui vang eina ina nali kahāngna, awui morei kachungkha khalei chi pheomihaira, kaja ana leishilak eina sāmi; kha teoda pheokhami mi china teomeida leishi.”

ROMNAO 12:2

Okathuiwui khangachāli mangarumhaialu, kha nathumwui ning chi onchang onngasaklu. Chieina nathumna Varewui ningkachāng kaphā, ningyāng ungkapai kala kākashung chi khikhala da theipaira.

ROMNAO 15:16

Kaja Khristawui rao akha sāda Gentilebingli Varewui paokaphā tamchithei khavaiwui khamahai samphangda ina mangathumlakla kagapina. Gentilebingli Manglā Katharana dharchigatmihaida Varena khuisangkapai ngasāpai khavai pāngmon akha thada Varewui paokaphā hākashokli ina otram ngatha̱ya.

ROMNAO 15:30

Ivānaongarā, ina nathumli pongai kaja ithumwui Proho Jishu Khrista kala Manglāna khami leikashiwui mangā eina iwui vang Vareli thuklak eina seihā sāmichinglu.

ROMNAO 2:4

Maningakha awui mahāngkharar lukhamashan, khāngkhami kala ja̱khami chili nana matheikhamila? Vare hi lumashankathana kaji nathumna thei. Chiwui vang eina ana nathumli ningngateikhui ngasakngai.

ROMNAO 6:13

Nathumwui phasā akai akhanida makaphā-makhayāli ya majihaialu. Kha kathiwui eina kharingli khuiung kahaia mi thada nathum khalatta Vareli milu kala nathumwui phasā katonga khamashung otwui vang shichin khavai Vareli mayālu.

ROMNAO 6:16

Nathumna akhava akhawui rao sāga da mayāhaiakha awui kahāng khanganā rao sāga kaji maningmalā? Hithada sāda morei sākha kathili thānsangra, kahāng khanganāli zangakha nathumli mashungmira.

ROMNAO 6:19

Nathumwui khangazan khaleiwui vang ina hikathā tuiyār eina kahāngna, kaja atam akhali nathumwui phasāwui akaibing chi makathara kala makaphā chiwui rao sāsai. Ara nathumwui phasāwui akaibing chi tharngasak khavaiwui vang khamashung khangarongwui rao thada nathum khalatta hamsangphalungra.

ROMNAO 9:23

Awui lukhamashan samphangda khalei, awui tekhamatei samphang ngasakkida ngarān kahai ithumli ana heirormi kahai awui khavāt makhalei tekhamatei chi chitheingai.

1 CORINTHNAO 1:10

Ivānaongarā, Proho Jishu Khristawui ming singda nathumli kapona, nathum mayā ngaroklu, makai ngarokalu; kaphaning kala kharin akhamāng leilaga khokkha sāchaolu.

2 CORINTHNAO 10:1

Ngasopamlakha nimsorhai, tāda pamakha sāshilak kaje Paul, ina Khristawui khanim kala khangahui eina nathumli kapona.

2 CORINTHNAO 4:1

Chithada sāda Varewui lukhamashan eina otram khangatha̱ hi samphanghaoda ithumna ning suikatā maleimana.

2 CORINTHNAO 4:16

Chiwui vang eina ithumna ning masuitāmana. Ayarwui khangacha chi kashimān thālala alungshongwui khangacha chi thangkachida dharngasakchinga.

2 CORINTHNAO 5:20

Varena awui khangahot chi ithumwui manga eina sahaoda, ithum Khristawui mathunbingna. Khristawui mathun eina nathumli kapona, Vareli ngashimkhuilu.

2 CORINTHNAO 6:1

Vareli otsakruma ngasā kahaiwui vang nathumna samkaphanga lukhamashan chi arema mangasā ngasak khavai kapona.

EPHESIANAO 4:1

Chiwui vang eina Prohowui vang narkahaia ina kapona kaja, nathumli hokakhui tharan Varena ngarānmi kahai mirin chi tāzakta okthui khavai ngarānlu.

EPHESIANAO 5:10

Prohowui ningyāng khaung ot chi phākhui khavai ngarānlu.

KHALATLUI 14:2

Kaja nathum hiya Proho nathumwui Varewui vanga kathara yurna, kala okathuili khalei yur saikorawui ngachaili awui mi sākhavai Prohona nathumli kapangkhui kahaina.”

PHILIPPINAO 1:20

Thilala, ringlala, atam kachida, mataimeikapta aruihon malungkaping eina I khalatta chikatchaohailaga Khrista maiyā khavai kasāli ina machihohailakmara kaji hi iwui ningkachāngna.

PHILIPPINAO 2:17

Nathumwui shitkasangwui pha̱kaphayā kachigatli iwui ashee heirorra jilala I ringphai, kala ina nathum saikorali mathānrumra.

PHILIPPINAO 4:18

Nathumna khami chi peida samphangserhaira, shapshaphaira. Epaphroditusnala nathumna khangachon chi khuirāmida ara khikha mavātlakmana. Hi Varewui mangāli khuisangkapai nganamkaphā pha̱kaphayā kathāna.

1 THESSALONICANAO 4:1

Ivānaobing, naomeikapta Vareli ningyāng ungngasak khavai nathum kathada okthuirakhala kaji ithumwui eina tamkhuihaira. Hi nathumna ringda khalei mirin chipapama. Ara Proho Jishuwui mingli nathumna chili mataimeida ringkhavai kapona.

1 THESSALONICANAO 4:10

Kala nathumna Macedoniawui ngalei katongali khalei avānaobing saikorali chithada leishi. Chieina ivānaobing, nathumna chili mataimeida sākhavai kapona.

1 THESSALONICANAO 5:12

Ivānaobing, nathumwui ngachailila ot kasaa kala Prohona kapangkhuida nathumli thānkhame, machinkhame athumli khayāshilu.

1 TIMOTHY 2:3

Hi kaphā otna kala hina ithumwui Huikhame Vareli ningyāng ungngasaka.

1 TIMOTHY 5:4

Ra̱meiva̱ akhana naongarā nilala, ara̱-azā nilala leiakha rimeikapta athumna shimkhurli sāmikhangayi chi sāmi khavai tamkhuiphalungra kala hithada kasā hi eina ava̱ avābingli kala awo-ayibingli runkhamina. Hi Varewui ningyāng khaungna.

PHILEMON 1:10

Khristawui lungli inaomayara ngasā kahaia Onesimuswui mahut eina ina kapona kaja phātopli leilakha I awui manglāwui avāva̱ sākahaina.

PHILEMON 1:9

Chithālala leikashiwui mangā eina Khristawui mathun akha sāda kala awui vang eina arui phātopli narkahaia, Paul ina nali makasola kapona.

HEBREWNAO 13:22

Ivānaobing, kasatkasang tui hili ningsangda khanganāmilu, ina chithi hi sha̱lak eina kagapina.

1 PETER 2:20

Nana khalāng ot sākahaiwui vang samphangkhangayi tandi samkaphang tharan kakhāngwui tongkazā khi leikhala? Kha nana khamashung ot sāhailala nali tandi mida chiwui vang khāngakha Varena chiwui vang somira.

1 PETER 2:5

Nathum khalatta kharinga lunggui ngasāda manglāwui shim sākālu. Kathara pāngmon ngasā khavai Jishu Khristawui mangā eina Varena khuisangkapai manglāwui hanphut chigatlu.