ROMNAO 11:7 - Kathara Bible (BSI)

⁷ Chithākha khida? Israelnaobing athumna phākazat chi masamphangmana. Chiya, Varena kapang kahai kateowa kānglup china samkaphangna; kha khangateibing chiya khanā khangakhok thāhaowa.

ROMNAO 11:7 Iomraidhean Croise

CHĀNSAM 1:28

Chieina athumna ili ngakaora, kha ina mangahānkāmara; athumna ili phāshang phātālala masamphangmara.

ISAIAH 44:18

Athumna matheimana, theikhavai kaphāla maphāmana; kaja mathei khavai ana athumwui mik sāphinmihaowa, kala bhap tākhui khavai ning shungmihaowa.

ISAIAH 6:10

Mibing hiwui wuklung thaongasaklu, kala athumwui khanā ritngasaklu, mik khamimihaolu; athumwui mik eina theihaipaishina, kala athumwui khanā eina shāhaipaishina, kala athum wuklung eina theikhuida ning ngateida kharai samphanghaipaishina.”

MARK 6:52

kaja athumna mi thingphangāli mikazāwui kakhalatla bhap matāthuwa; athumwui ning makanghaowa.

LUKE 13:24

“Nathumna khamasha̱ khamong eina zangkhavai hotnālu, khiwui vangkhala kaja mi kachungkhana chili zangkhavai hotnāra kha mazangrarmara.

JOHN 12:40

“Varena athumli mik ngapeo ngasakhaira, kala athummwui ning makang ngasakhaira, chieina athumwui mikna matheimara, kala athumwui ningna mamajukmara, kala athumli raimi khavai ili mangareiungngaimara.”

ROMNAO 10:3

Kaja athumna Varewui eina kharā mashungkhami chi matheimana, kha athum khalattawui apong phālaga Varena mashungkhami chili mamayāthuwa.

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

ROMNAO 11:5

Chi tākam eina aruila Varewui lukhamashan eina kapang kahaia kānglup kateowa akha lei.

ROMNAO 3:9

Chithākha ithum Jihudibingna Gentilebingli phākhamei leilā? Maleimana, maleilākmana. Kachiwui vangkhala kaja Jihudibingla, Gentilebingla saikora morei pangshapwui azingli leisera da ina hānghaira.

ROMNAO 6:15

Chithākha khi sāusi? Ithum ainwui azingli maleila lukhamashanwui azingli leihaoda morei sausila? Maningphutmana!

ROMNAO 9:18

Hithada sāda Varena lumashankhangai chili lumashana kala wuklung makang ngasakkhangai chili makang ngasaka.

ROMNAO 9:23

Awui lukhamashan samphangda khalei, awui tekhamatei samphang ngasakkida ngarān kahai ithumli ana heirormi kahai awui khavāt makhalei tekhamatei chi chitheingai.

1 CORINTHNAO 10:19

Ina kahāng hi khikhala da theilā? Meoma̱ kala chili pha̱kahai ot chi khikhikhana kajilā?

2 CORINTHNAO 3:14

Athumwui ning chi kachangkhat farorhai kala aja rāshungda athumna kachama tuingashit kapā tharan athumwui mikli farorchingda lei. Khiwui vangkhala kaja Khristali kazanga mi chimāngli fakharor chi lānkhamina.

2 CORINTHNAO 4:4

apuk-apaga hiwui makapha varenaona mashitkasangbingwui ning ngapeo ngasakhaoda, Varewui sakrin kakhuia Khristawui tekhamateiwui paokaphawui kahor chi mathei ngasakthuwa.

EPHESIANAO 1:4

Okathui masāranglakhala Khristali khangashikwui vang Varena ithumli awui ngasā khavai kapangkhui. Chieina ithum awui mangāli khamakhao maleila kathara ngasāra.

EPHESIANAO 4:18

Athum mangkhama̱wui vang ning makanghaoda Varena khami mirin chili athum mazangmana.

PHILIPPINAO 1:18

Chithālala khikha maleimana! Sākakhaningranu, khamashungranu saikora chi Khristawui vang I mathāna kala mathānchingra.

HEBREWNAO 12:17

Nathumna thei kaja naoda ana avāva̱wui sokhami chi ningchāngda samphanglui khavai phālala ali khalanhaowa, kaja ana chāra̱ tāda kahaolala ningngatei khavai atam masamphangluimana.

1 PETER 1:2

Avāva̱ Varewui kharin athishurda kapangkhui kahaia kala Jishu Khristawui kahāng nganā khavai kala awui ashee eina chairormi khavai Manglā china kathara mibing sāngasak kahaibingli kagapina. Lukhamashan kala chingri kahai chi chungmataimeida nathumwui ngasāranu.