ROMNAO 11:22 - Kathara Bible (BSI)

²² Hili Vare hiya kayākha lumashankatha kala sākashekhala kaji ithumna thei, chiya konglui kahaibingli sāshilaka, kha nathumna awui lukhamashanli ngasāmakha lumashanmi; chi mathaakha nathumlila katathaora.

ROMNAO 11:22 Iomraidhean Croise

LAA 31:19

O nali khangacheebingwui vanga, teokha phāda ngarānmihaili, nali ngayinkakhuibingli mibingwui miktāli teokha phāda sāmi kachangle!

ISAIAH 66:14

Nathumna theilaga ningli mathānra; nathumwui ara̱kui khawo thuikaphā thāra, kala Prohowui pāng awui raobingli ngasomi kaji theikhuira, kala awui malungkhavāt awui yangkashebingli lei.”

EZEKIEL 18:24

“Kha khamashung khangarong mina awui khamashung khangarongwui eina thuihaida, makhayā mina kasā thāda ningkakachai ot saakha, chikathā mi ringpairala? Ana khangarong ot sākahahai akhala maphaningungmara; awui yonsak eina kasāwui khangui kala morei kasā chiwui vang a thiphalungra.

EZEKIEL 3:20

Latluida, “Kalikha khamashunga mina awui khamashung khangarongwui eina ngareithuihaiakha, kala ina ali phei ngaphok khavai saakha, a thiphalungra; khikhalajila nana ali mahāngmathinmana, awui moreiwui vang a thiphalungra, kala ana khangarong otsak kasa saikora maphaningungmara; kha awui ashee nawuitungli tāphalungra.

LUKE 8:15

Ngalei katumpamli tākazangbing chiya tui chi shākhuilaga ningkathar kala kahāng khanganā wuklung eina singtitta khānglaga athei kachungkha khamatheibing chi kathāna.

JOHN 15:2

Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi.

JOHN 8:31

Chieina ali shitsang kahai Jihudibingli Jishuna hānga, “Nathumna iwui tamkachithei khuisangakha kachangkhat nathum iwui sākhangatha̱bingna.

OTSAK 11:23

Ana vākashung eina mibing chili kathada somikhala kaji theilaga a ringphālakhaowa kala Proholi ningtongda shitsangching khavai athumli kasatsanga.

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

ROMNAO 11:21

Varena aphāng akachanga Jihudibing eina tangtalila mashivāmakha nathumle shivāmra da phaninglā?

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

1 CORINTHNAO 15:2

Ina nathumli hāshok kahai paokaphā chili shitsangtitakha china nathumli huimira. Chi maningsi kaja nathumwui shitkasang chi aremana.

GALATIANAO 6:9

Chieina kaphā kasāli ngachāng machathaiasa kaja chi sāchingakha kahāt atam kharā eina hātkakhui samphangra.

1 THESSALONICANAO 3:5

Chiwui vang eina ina phaningla mararthuda nathumwui shitkasang pongli kathada leilikhala kaji theikhui khavai kaja chipeena suikhuihaida ithumna sākahai saikora arema ngasāhaipaishinada ngacheeda Timothyli kachihona.

1 THESSALONICANAO 3:8

Kaja nathumna Proholi nganingtitta lei kajiwui vang ithumli ninglum ngasaka.

HEBREWNAO 10:23

Ithumna kachihān chili singtitsa, kaja ngashit khame a chiya ningtonglaka.

HEBREWNAO 3:14

Kharewui eina ithumna shitkasang khalei chi khangachang eina tangda singtitakha ithum Khristawui otsakrumasera.

HEBREWNAO 3:6

Kha Khristana anaomayara sāda Varewui shim ningtongda mayonmi. Ithumna kachihān chiwui vang khanao eina tangda ninglumtur eina singtitakha, ithum awui shimna.

1 JOHN 2:19

Athum chi ithumwui ngarumsakli kachangkhat makazangwui vang thuikahaina; ithumli zangchaosi kaja athum mayāmlakmara. Kha ithumwuili mazangchaomana kaji ngahāhang eina theikhui khavai athum thuikahaina.

PHONGKHAMI 2:5

Kachiwui eina na tātunghaokhala da phaningyanglu; laga ningngateida kharewui sākasā thada sālu. Nawui moreiwui eina ning mangateiakha ina nali rāda nawui thaomeishong chi awui apamwui eina rākhuithuihaora.