ROMNAO 11:18 - Kathara Bible (BSI)

¹⁸ Chiwui vang eina nathumna aphāng thada tektā kahaibing chili machipatalu. Nathum kathada langsopairakhala? Nathumva aphāngmaya, nathumna angayung chi ringkhangasak maningmana, kha angayungna nathumli ringkhangasakna.

ROMNAO 11:18 Iomraidhean Croise

1 WUNGNAOBING 20:11

Israelwui awungana ngahānkai, “Ali hānglu, ‘Rai sāri shaksā kahai china raishok kahai a thāda malangsoranu.’”

CHĀNSAM 16:18

Kashimān marāranglakha langkasona ri, kala makongluiranglakha khayāning khanganingna ri.

MATTHEW 26:33

Peterna Jishuli hānga, “Athum yāmserhailala I mayāmlakmara.”

JOHN 10:16

Yaoshang hili makazang yao khangateila lei. Ina athumlila houngphalungra, kala athumna iwui akhon shāra. Chieina yaoshang akhamāngra, yaokahomala akhamāngra.

JOHN 4:22

Nathum Samarianaona khipāli khokharumkhala da matheimana, kha Jihudi ithumna khipāli khokharumkhala da thei, kaja huikhame hi Jihudiwui eina rai.

OTSAK 25:7

Paulna rāzangkhaleoda Jerusalemwui eina kharā Jihudibing china ali kuimareiphinhailaga awuitungli athum khalattana praman mamikharar kasasaka tui kachungkha phena.

ROMNAO 11:20

Chi mashunga. Athumna mashitsangthuda tektāhaowa kala nathumva shitsanghaoda makhangacheina kajiwui vang malangsoalu kha ningngasharlu.

ROMNAO 3:27

Chithākha ithumna khi langso khavai leili? Khikha maleilakmana. Khisāda? Ain khamayonwui vangla maningmana, kha shitkasangwui vangna.

ROMNAO 4:16

Chiwui vang eina tuingashit hi shitkasangli pheisin kasana. Chithada sāda tuingashit Varewui lukhamashan chi Abrahamwui ara̱-azāli khamina; hi ain khamayonabingwui vang maningla kha Abrahamwui thada shitkasanga mibingwui vangla zangda khamina.

1 CORINTHNAO 10:12

I nganingtitta lei da kaphaninga mi china mokonglui khavai ningngasharanu.

GALATIANAO 3:29

Nathum Khristawuina jiakha, Abrahamwui ara̱-azāna kala Varena ngashitmi kahai chiwui shimluikatna.