ROMNAO 11:1 - Kathara Bible (BSI)

¹ Chieina ina ngahāna, “Varena awui miyurli horhairalā?” Maningphutmana! Ila Abrahamwui ara̱-azā, Benjaminshi shangnaona.

ROMNAO 11:1 Iomraidhean Croise

2 WUNGNAOBING 23:27

Prohona hānga, “Israelli ina horphui kahai thāda, Judahlila iwui mikyanwui eina horhaora, kala iming chili leira da shim kapangkhui kahai Jerusalem chi ina horhaora.”

LAA 77:7

“Prohona mamayāchingmarala, kala mangahānngailui arala?

LAA 94:14

Kaja Prohona awui mibingli mahorhaimara; ana awui shimluikatli machihohaimara;

HOSEA 9:17

Iwui Varena athumli horshokhaora, kaja athumna ali manganāsangmana; athum yurbingwui alungli zaizākazatbing ngasāhaora.

LUKE 20:16

“Ana rālaga khamasābing saikora chili sāthatserhaora kala yāmgui chi mi kateibingli masā ngasakhaora.” Mibingna chi kashā eina “Chi Varena mamayāmana” da hānga.

OTSAK 22:3

“Iva Cilicia ngaleili khalei Tarsusli kapharā Jihudi akhana, kha Jerusalemli Gameli-elwui katamnao akha sāda rarkai, ithumwui avā ngarabingwui khangazip ainwui lungli tamkakhui samphanga kala aja hili khalei nathum thada ila Vareli chigatchao kahai mina.

OTSAK 26:4

“Haokaphokwui eina thuida ina iyurwui alunglila, Jerusalemli rarkakālila kala chili lāngda nganuilakhawui eina thuida iwui kharingkharakrin Jihudi saikorana theisera.

ROMNAO 11:11

Chieina ina ngahāna, athum phei ngaphokta kongluihaola? Maningphutmana! Athumna morei sāhaoda Jihudibingli mik mathak ngasak khavai huikhami chi Gentilebingli mihaowa.

ROMNAO 3:4

Maningphutmana! Kapi kahai thada mikumo hina khayona ngasāsālala Vareva khamashunga ngasāchingranu. “Nawui tuina nali mashung ngasakta, nali bichar kasā tharan nana yuira.”

ROMNAO 9:3

kaja phasāwui pongli iwui theisābing kala ichināngarāwui phākhavai athumwui eina ili Varena khonshida Khristawui eina ngatei ngasakhaowa jilala khikha maleimana.

2 CORINTHNAO 11:22

Athum Hebrewnaolā? Ila Hebrewnaona; athum Abrahamwui ara̱-azāla? Ila khangatei maleimana.

PHILIPPINAO 3:5

Kachishata thang ili ahui rimshoka. I Benjaminwui shimkhurli kapharā Israelnao akhana, kākashunga Hebrewnaona, Jihudiwui ain khamayonli yangsa jiakha iva Phariseena,

1 SAMUEL 12:22

Kaja awui hakkhamahā amingwui vang Prohona awui mibingli mahorhaimara, khikhalajila nathum awui miyur khangasā hi awui ringkaphāna.