ROMNAO 10:9 - Kathara Bible (BSI)

⁹ Kaja nawui khamorna Jishu hi Proholaka da hāngphatakha kala nawui wuklungli Varena ishāmei ali kathiwui eina ringshok ngasaka da shitsangakha nali huimira.

ROMNAO 10:9 Iomraidhean Croise

LUKE 12:8

“Ina nathumli kahāngna, kachikathāna ili mibingwui mangāli phongshar eina hāngphatakha, miwui Naomayaranala ali Varewui kazingraobingwui mangāli phongshar eina hāngphatra,

JOHN 9:22

Ava̱ eina avāva̱na Jihudibingli khangacheewui vang chithada hāngkahaina, kaja Jishuli Khristana da hāngkaphata chili synagoguewui eina aming katathaora da Jihudibingna mayā khangarok sahairasai.

OTSAK 16:31

Anina ngahānkai, “Proho Jishuli shitsanglu, chieina nala kala nashi shimkhurla kahui samphangra.”

OTSAK 2:24

Kha Varena ali kathiwui kachotkachāng eina khalāmihaida ringngasakhaowa. Kathiwui pangshap china matuknarrarmana.

OTSAK 2:32

Varena Jishuli ringkhangasak ithum saikorana shākhina.

OTSAK 8:36

Anina zatmamānda leilakha tara̱ khaleipam akhali vāshunga. Chieina akhavā china hānga, “Yanglu, hili tara̱ leili, ili ra̱hikmikida khi pankhavai leikhala?”

ROMNAO 10:10

Kaja ithumwui wuklung eina shitkasangwui vang mashungmi kala ithumwui khamor eina hangphata kahui samphang ngasaka.

ROMNAO 14:11

Hithada kapihaida lei; “Prohona hānga, ina ringda khaleiwui vang mi kachiva̱ khuktida ili khorumra, kala I Varelaka da yur kachiva̱na hāngphatra.”

ROMNAO 14:9

kaja Khristana kharing kala kathiwui Proho sākhavai thimi kala ringluishita.

ROMNAO 4:24

Kha ithumwui Proho Jishuli kathiwui eina ringshok khangasaka Vareli shitkasang ithumlila khamashungabingna da shānkhuimira.

ROMNAO 8:34

Kachikathāna ithumli yonna da hangshapralā? Thimihailaga ringshok kahaia Varewui yāvāk pamda ithumwui vang pomida khalei Khrista Jishunala khayon mamimara.

1 CORINTHNAO 12:3

Ina nathumli theishingkhui ngasakngai kaja Varewui Manglāna thankhami mi khipānakha “Jishuli khonkashi ngasāranu” da mahāngngayaomana, kala Manglā Katharana mangasomiakha khipānakha “Jishu hi Prohona” da mahāngphatrarmana.

PHILIPPINAO 2:11

kala Avāva̱ Varivarali tekmatei khavai, yur saikorana Jishu Khrista hi Prohona da hāngphatra.

1 PETER 1:21

Awui mangā eina nathumna Vareli shitsanga. Ali Varena kathiwui eina khangmathotta tekhamatei chi mi; chieina nathumwui shitkasang kala kachihān chi Vareli lei.

1 JOHN 4:15

Jishu hi Varewui naona da hāngkaphata a chili Vare lei, kala Vareli a lei.

2 JOHN 1:7

Jishu Khristana mikumo thada rai kaji makhuikasang mi kachungkha okathuili leihaira. Hikathā mi hi mashongachei khangasak Khristali Makhamayāna.