ROMNAO 10:6 - Kathara Bible (BSI)

⁶ Kha shitkasangwui mangā eina mashungkhamiwui apongli kathara lairikli hithada kapihai, “Kazingramli khipā kārakhala da na khalatta mangahānalu.” (chiya Khristali khuitā khavaina)

ROMNAO 10:6 Iomraidhean Croise

CHĀNSAM 30:4

Khipāna kazingramli kālaga tunghaira? Khipāna masi apāng eina ngashumkhuihaira? Khipāna kachon eina tara̱ romkhuihaira? Khipāna okathui achikun peida sākhui? Awui ming khipa ho, anao mayarawui ming khi ho? Nana theilaka!

JOHN 6:33

Kaja kazingramwui eina tālaga apuk-apagali kharing manglā khami chi Varewui khamuina.”

JOHN 6:38

Kaja ina kazingramwui eina katā hi I khalattawui ningkachāng maningmana, kha ili kashirātawui ningkachāng sākhavaina.

JOHN 6:58

Hi kazingramwui eina katā khamui china, navā ngarāna shailaga thikahai khamui kathā maningmana. Kashakazā hi kazā mi chi katang mavaila ringra.”

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

ROMNAO 3:25

Mikumowui morei chi shitkasangwui mangā eina pheomi khavai Varena Jishu Khristali pha̱mi. Hi Varewui khamashung-khangarong chithei khavaiwui vangna.

ROMNAO 4:13

Varena Abraham eina awui ara̱-azāli okathui hi athumwui ngasārada ngashitkhami hi ainwui mangā eina kharā maningmana, shitkasang khangarongwui vangna.

PHILIPPINAO 3:9

kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.

HEBREWNAO 1:3

Anaona Varewui tekhamateiwui kahān chi hāna kala Varewui azak tākamhai. Awui tui china apuk-apaga hi ringkhangasakna. Mikumowui morei pheokhami samphang kahaiwui thili, ana kazingramli Reikhamatai Varewui yāshong pama.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.