ROMNAO 10:19 - Kathara Bible (BSI)

¹⁹ Ina ngahānluishita: Israelnaobing bhap matāthulā? Mosesna rimeikapta hithada ngahānkai; “Ina nathumli yur kachangkhat makhaninga mibingli yanglaga mik mathak ngasakra, ina mangkhama̱ miyurli shichinlaga nathumli malungvāt ngasakra.”

ROMNAO 10:19 Iomraidhean Croise

JEREMIAH 10:14

Mi kachiva̱ mangma̱haida theikhuikathei maleimana; sinā kasaa kachiva̱li awui meoma̱wui vang khayak ngasaka, kaja, awui ama̱bing chi makhamashungana, kala athumwuili khaksui maleimana.

JEREMIAH 10:8

Athumva mangkhama̱, kala wurkazomānga; meoma̱bingwui tamkachithei chiya khikha makhaning thingna!

HOSEA 2:23

Kala ali ina iwui vang ngalei chili yaosangra, malumashankasāpali ina lumashanra, “Iwui mi maningmana” kachipāli ina, “Na iwui mina” jira; chieina athumna, “Na iwui Varena.” da hāngra.

ROMNAO 10:18

Kha ina ngahāna: Athum pao chi mashāranglā? Shāchaohaira kaja hithada kapihaida lei: “Athumwui akhon chi okathui katongali vāhaira; athumwui tui chi okathui katongali vāshunghaira.”

ROMNAO 11:11

Chieina ina ngahāna, athum phei ngaphokta kongluihaola? Maningphutmana! Athumna morei sāhaoda Jihudibingli mik mathak ngasak khavai huikhami chi Gentilebingli mihaowa.

ROMNAO 11:14

Kaja ina ot kasā eina iwui yurwui mibingna mik mathakhaolapai kha otsak chieina athum kaikhali Varena huikhuipai.

ROMNAO 3:26

Ridava ana ja̱mida athumwui moreila yangkheimisai, kha ara a khamashung-khangarongana da chithei khavai morei chila mayangkheimimana. Hithada sāda Vare amāngna khamashungana kala Jishuli shitkasanga mi kachiva̱li ana mashungmi kaji chitheimi.

1 CORINTHNAO 1:12

Nathumwui ngachaili “Iya Paulwuina,” “Iya Apolloswuina”; khangateina “Iya Cephaswuina,” kala “Iya Khristawuina” da hāngngaroka ji.

1 CORINTHNAO 10:19

Ina kahāng hi khikhala da theilā? Meoma̱ kala chili pha̱kahai ot chi khikhikhana kajilā?

1 CORINTHNAO 11:22

Nathumwui phāshak phazā khavai shim maleithulā? Chi maningakha nathumna Varewui churchli makachāplā kala kachāmbingli khayak khavai kasāla? Ili khi hānglu jikhala? Hiwui vang nathumli solu kajila? Maningphutmana, masolakmara.

1 CORINTHNAO 12:2

Nathum shitkasanga mi mangasāranglakha manglā makazanga meoma̱bingli khorumda khangui shongfali zatsai kaji nathumna thei.

1 CORINTHNAO 15:50

Ivānaongarā, ina kahāng chi hikathāna kaja phasā khavai kala ashee kazang china Varewui wungramli mazangrumpaimara; kala shimānkapai china mashimānkapai masamphangpaimana.

1 CORINTHNAO 7:29

Ivānaobing, ina kahāng chi hina: Khanaowa atam chi masāngleithura, ara preiva̱ khalei athum china preiva̱ makhalei thada okthuiranu,

KHALATLUI 32:21

Makakachanga Varewui vang ili zimari ngasakhaira, athumwui meoma̱ chiwui vang ili malungvātngasakhaira. Ara chiwui vang ina yur kateili mathuk ngasakta athumli yuishi ngasakra, ina athumli mangkhama̱ yur eina malung thuingasakra.

TITUS 3:3

Ithum atam akhali mangma̱sai, kahāngla manganāsāmana kala khangui pongli zatsai. Mik khamathak, pha̱sāwui ringkaphāmangli phāda kala yuikashi yangkashina pemhaida akha eina akha yangkharing ngaroksai.

1 PETER 2:10

Atam akhali nathum Varewui mi mangasāsamana, kha ara awui mibingna. Atam akhali nathum awui lukhamashan matheisāmana kha ara nathum theihaira.