ROMNAO 10:18 - Kathara Bible (BSI)

¹⁸ Kha ina ngahāna: Athum pao chi mashāranglā? Shāchaohaira kaja hithada kapihaida lei: “Athumwui akhon chi okathui katongali vāhaira; athumwui tui chi okathui katongali vāshunghaira.”

ROMNAO 10:18 Iomraidhean Croise

1 WUNGNAOBING 18:10

Nawui Proho Varena theida lei, wungram kachida kala yur kachiva̱wui ngachaili ishāmeina nali maphāvā khangasak apam maleimana; kala athumna ‘A maleimana’ da kahāng wungram kala yur kachiva̱li nali masamphangmana da shākhi sāngasaka.

LAA 19:4

Chithalala athumwui khon okathui saikorali peichaoda vāshunga, athumwui tui apuk-apagva̱ akatangli vāpei. Chiwui alungli zimikwui vang kachonshim sakai,

LAA 22:27

Okathui akatang saikorana Proholi phaningungda ngareiungra; kala yur kachiva̱wui shimkhurna awui mangāli khorumra.

LAA 98:3

Israel shimkhurli awui makhangachei leikashi, kala ningkatong phaningungmihaira. Ithumwui Varena khayui okathui akatang saikorana theihaira.

ISAIAH 24:16

Okathuiwui akatanga eina Khangarongapali tekhamatei sokachikat laakhon ithum shai; kha ina hānga, I chānghaira, I chānghaira. I kalākashi! Kaja sākashena sāshilak eina sai.

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 52:10

Prohona awui tharkhamatheng pāngthei, miyur saikorawui miktāli chitheimihaira; kala okathuiwui akatang saikorana ithum Varewui huikhami chi theira.

JEREMIAH 16:19

O Proho, iwui pangshapa kala iwui ngayin khavaipam, kakhanang atamli iwui ngayin khavaipam, okathui vākatangwui eina yur kachiva̱na nali rāhāngra: “Ishāvā ngarāna kakapik maningla khangatei akhala mamathuisanghaimana, makankhanā tongkazā makhalei otmānga.

MATTHEW 24:14

Kala wungramwui paokaphā hi miyur hupta shākhi mikhavai okathui peida hāshokra, kala chiwui thili khangachang chi rāra.

MATTHEW 26:13

Kachangkhat ina nathumli kahāngna, okathui apam hupvali paokaphā hi hāshok kachida, ana khi samikhala kaji hi ali phaningkhaung sāda hāngchitheira.”

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

MATTHEW 4:8

Chipee china ali kaphung kajuiva̱ akhali khuikāluishita kala okathuili khalei wungram saikora chitheida chiwui tekhamatei ngashānyang ngasaka;

MARK 16:15

Ana hānga, “Okathui apam katongali vālu kala miyur saikorali paokaphā hi hāshoklu.

MARK 16:20

Chieina athumna apam kachiva̱li vāda pao hāshoka kala Prohona athumli ngasoda ot sai kala athumwui paokapha chi mashunga kaji chi matakhak kahai ot kasā machut china phongshoka.

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

OTSAK 28:23

Chieina athumna Paulli langkasa̱ akha sai kala chithang ana kapam apam chili mi kachungkha rākazipa. Ana ngathor eina thuida ngazin vāshungda Vare wungramwui pongli meikhaichithei kala Moseswui ain lairik kala marānbingna kapi kahaiwui eina khuishoklaga athumli Jishuwui pongli meisā eina tamchithei.

ROMNAO 1:8

Rimeikapta, nathum saikorawui vang Jishu Khristawui mangā eina iwui Vareli ningshiya, kachiwui vangkhala kaja nathumwui shitkasang chi okathui katongali ngayaovāhaira.

ROMNAO 15:19

matakhak kahai khudam einala kala Varewui Manglāwui pangshap einala kasāsera. Chieina Jerusalemwui eina thuilaga Illyricum shangshungda ina Khristawui paokaphā peida hāshokhaira.

COLOSSIANAO 1:23

Paul ina paokaphā chiwui otram khangatha̱ sāda kazingramwui azingli khalei manglākapai yur kachiva̱li tamchithei kahai nathumna shākahai paokaphāli kachihān chi mangacheila nganingtitta shitsangchinglu.

COLOSSIANAO 1:6

Nathumna Varewui lukhamashan pao shāthanghon kala chi mashunga da theikhuithanghon eina thuida paokaphā hina sokhami khuirāmichingda lei kala okathui apam saikoralila ngayaovāda lei.

1 THESSALONICANAO 1:8

Kaja Achaia eina Macedoniawui alungli nathumna tui chi hākashok chili ithumna khikha hānglui khavai maleimana.