ROMNAO 10:15 - Kathara Bible (BSI)

¹⁵ Kala pao phungmebing machihoakha kathada hāshokrakhala? Hithada kapihaida lei: “Paokaphā khuikaphungbingwui kharā chi teokha matakhakhailakle!”

ROMNAO 10:15 Iomraidhean Croise

ISAIAH 40:9

Phungrei kajuiva̱li kālu, O Zion, ringkaphā pao phungme; nawui akhon juingasaklu, O Jerusalem, ringkaphā pao phungme, juingasaklu, mangacheealu; Judahwui keinungbingli hānglu, “Nathumwui Vareli yanglu!”

ISAIAH 52:7

Phungreitungbingli paokaphā khuikaphunga chingri kahai vaomalānkhame, khamathāwui paokaphā khuikaphunga, huikhami vaomalānkhame, Zionli “Nawui Varena munga” da kahānga awui phei kayakha mathado.

ISAIAH 57:19

Khanailila, katālila chingrihairanu, kala ina ali raimira da Prohona hānga.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

JEREMIAH 23:32

Yanglu, kakapika mang khamarānbingli ina mamayāmana da Prohona hānga, ina kasoda makachiho athumna iwui mibingli athumwui kakapik-kakhayāng eina thankhanguia athumli ina mamayālakmara” da Prohona hānga.

NAHUM 1:15

Yanglu, phungreibingli paokaphā khuikharā, chingri kahai hākashokawui phei chi! Nawui zātkhān mayonlu, O Judah, nawui tuingashit ungshung ngasaklu, kaja makaphā makhayā chi nali marāluilakmara, ali katatchaohaira.

MATTHEW 9:38

Chiwui vang eina kahātwui akhavā Proholi kahāta mi chungmeida shirāt khavai seihā sālu.”

LUKE 10:1

Chiwui thili Jishuna khangatei hangshinili kapangkhuida ana vāki kaji keinung kachiva̱li mi khanini eina ali rida chihovai.

LUKE 2:10

Chieina athumli kazingrao china hānga, “Mangacheealu, kaja yanglu, mi saikorawui vang ringphākhailak kahai paokhamathā ina nathumli khuirākhamina.

LUKE 2:14

“Juimeikap kaje Vareli tekmateiranu, kala okathuili ana ningyāngkhaunga mibingwui alungli chingrihairanu.”

LUKE 8:1

Khaleilaga Jishuna Vare wungramwui paokaphā khuiphungda keinungbing kala kha̱bingli hāshokvai. Kala tharāda khani chi ali ngayurzata.

JOHN 20:21

Chieina Jishuna hāngluishita, “Nathumli chingrihairanu. Avāna ili kashirāt thada ina nathumli kashivātna.”

OTSAK 10:36

Saikorawui Proho Jishu Khristawui mangā eina chingri kahaiwui paokaphā hāngchitheida Varena Israelnaobingli chānpao chihokharā nathumna thei.

OTSAK 13:26

“Ivānaongarā, Abraham shimkhurwui naobing kala nathumwui ngachaili Vareli khangacheebing, huikhami chānpao hi ithumli shirātrāmihaira.

OTSAK 22:21

Chieina ana ili hānga, ‘Zatulu, ina nali katāva̱li khalei Gentilewuili chihovāra.’”

OTSAK 9:15

Prohona ali hānga, “Zatlu, ina ali miyur khangateibing, awungabing kala Isrealnaobingli iwui ming theingasak khavai kapangkhui kahai khutlaina.

ROMNAO 1:15

Chiwui vang eina Romeli khalei nathumlila paokaphā hi hāshokngailak eina khaleina.

ROMNAO 15:20

Khristawui pao mashārang kaji apam kachiva̱li paokaphā hākashok hi iwui ningrinna. Chieina mi kateina hashok kahai apamli I mavāmana.

EPHESIANAO 2:17

Chithada sāda Varewui eina tāda leikasā Gentile nathumlila, Vareli nganaida leikasā Jihudibinglila, chingri kahai paokaphā chi saikorali Khristana rāhāshoka.

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

EPHESIANAO 6:15

Kala chingri kahaiwui Pao Khamathā chishāt khavai ngarānping kahai china pheimakhei sālu.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.