ROMNAO 10:14 - Kathara Bible (BSI)

¹⁴ Kha athumna ali mashitsangakha kathada ngakaopairakhala? Kala athumna pao chi mashākha kathada shitsangrakhala? Kala pao chi mahāshokakha athumna kathada shārakhala?

ROMNAO 10:14 Iomraidhean Croise

JONAH 1:16

Chiwui vang mibing china Proholi ngacheeshunhaida pha̱kaphayā ot sai kala khangashit khuiya.

JONAH 1:5

Jahas kahuibing chi ngacheenāhaida kachichāwui vareli ngakaowa; kala ngavengmei khavai ot khuikaphungbing chi shamadruli horsanga. Kha Jonahva jahaswui alungshong zangpamda piphuphaowa.

MATTHEW 20:7

Athumna ngahānkai, ‘Khipānakha mahothuwa.’ Ana athumli, ‘nathumla drakhā yāmguili ot vāsālu’ da hānga.

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

JOHN 9:36

Ana ngahānkai, “Amei, a khipākhala? Ili kahāngmilu, chieina ina ali shitsangpaira.”

OTSAK 19:2

kala athumli ngahāna, “Nathum shitkasang tharan Manglā Kathara samphanglā?” “Masamphangmana, Manglā Kathara lei kaji eina tangda ithum mashālakranga.” da athumna hānga.

OTSAK 8:31

Chieina ana ngahānkai, “Kachikathā mi akhana mahāngchitheiakha ina kathada bhap tarakhala?” Ana Philipli garili kāpamlu da hokhui.

ROMNAO 1:5

Miyur saikorali shitkasang kala kahāng khanganāli thānsangmi khavai Khristawui mingwui vang awui mangā eina ili paokazata akha sāngasaka.

EPHESIANAO 2:17

Chithada sāda Varewui eina tāda leikasā Gentile nathumlila, Vareli nganaida leikasā Jihudibinglila, chingri kahai paokaphā chi saikorali Khristana rāhāshoka.

EPHESIANAO 4:21

Nathumna awui tui shākachangkhathaira, kala awui thi kashura sāda Jishuwui mashun nathumli tamchitheihaira.

KHALATLUI 30:13

Yireilungli khaleila maningmana, chithāda sāda, ‘Khipāna shamadrulungli ithumwui vang zangkhuimida ithumna shāda mayonrakhala?’ da nathum mahāngalu.

2 TIMOTHY 4:17

Kha Prohona nganingmi kala ili pangshapla mi. Chieina Gentilebing saikorana nganāsang khavai paokaphā chi ina hāshokshaphaowa; a kala ili shaothat khavai khak tāki kaji chiwui eina kanshokmi.

TITUS 1:3

kala retkahai atam chili awui paokaphāli phongshokmiya. Hi ili chisin kahaina, kala chi ithumwui Huikhame Varewui kakaso eina hākashokna.

HEBREWNAO 11:6

Shitkasang maleila khipānakha Vareli ningyāng maung ngasakrarmana. Vareli kharā mi chiya Vare lei kala ali kaphā mili sāman mira kaji shitkasang leiphalungra.

JAMES 5:15

china kakazā mi chili kanmida Prohona ali ngakarthui ngasakra kala ana morei sākahai chila pheomira.