ROMNAO 10:12 - Kathara Bible (BSI)

¹² Chili mi saikora zanga, chiya Jihudi eina Gentilebing khangatei maleimana. Vare hiya saikorawui Prohona kala ali khangakao saikorali khavāt maleilakla somi.

ROMNAO 10:12 Iomraidhean Croise

LAA 145:18

Ali khangakao saikorali Prohona nganaimi, ningkathar eina khangakao saikorali.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

ISAIAH 55:6

Samphangpailakha Proholi phālu, nganailakha ali ngakaolu;

OTSAK 7:59

Athumna Stephenli lunggui eina horda leilakha Stephenna, “Proho Jishu, iwui manglā kakhuimilu” da seihā sai.

OTSAK 9:14

Kala Damascusli nali khokharumbingli tukkhui khavai khamataia pāngmon khareibingwui pangshap khuida rākahaina.”

ROMNAO 14:9

kaja Khristana kharing kala kathiwui Proho sākhavai thimi kala ringluishita.

ROMNAO 15:12

Kala Isaiahna hāngluishita, “Jessewui ara̱-azā akha rāra, Gentilebingli ana mungra kala athumna ali chihānra.”

ROMNAO 2:4

Maningakha awui mahāngkharar lukhamashan, khāngkhami kala ja̱khami chili nana matheikhamila? Vare hi lumashankathana kaji nathumna thei. Chiwui vang eina ana nathumli ningngateikhui ngasakngai.

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

1 CORINTHNAO 1:2

Corinthli khalei Varewui church, Varewui kathara mi sākhavai hokhui kahaibing saikora, Khrista Jishuli khangarumwui vang Varewui mi sākahaibing kala apam kachiva̱li Proho Jishu Khristali athumwui kala ithumwui Prohonada khokharuma mi saikorali kakapi chithina.

1 CORINTHNAO 15:47

Ngalei eina sākakhuiya khare Adam hi okathuiwuina, kakhane Adam hi kazingramwui einana.

2 CORINTHNAO 8:9

Proho Jishu Khristawui lukhamashan nathumna thei; kaja ana shānglaklala nathumwui vang eina chāmhaowa; awui kachām chi eina nathum shāngkhavaina.

GALATIANAO 3:28

Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.

EPHESIANAO 1:7

Kaja Khristawui asheena ithumli ningkhānmi, chiya ithumwui morei pheomihaira. Varewui lukhamashan kayākha hakmahākhala,

EPHESIANAO 2:4

Kha Varewui lukhamashan khavāt maleimana kala awui leikashi hakmahālaka,

EPHESIANAO 2:7

Chithada sāda Khrista Jishuwui lungli awui leikashi chithei kahai chi khanaowa mithotli awui khavāt makhalei lukhamashan chi chitheipaira.

EPHESIANAO 3:16

Ina Vareli awui Manglāwui mangā eina awui khavāt makhalei tekhamateiwui eina nathumli pangshap mida nathumwui ning ngatarmei khavai seihā sai.

EPHESIANAO 3:6

Ngathum kahai tui chi hina; paokaphāwui mangā eina Gentilebingna Varewui sokhami chi Jihudibingli ngarumda samphanga kala shimluikatruma sāda Khrista Jishuwui mingli ngashitmi kahai chi samphangrumra.

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

PHILIPPINAO 2:11

kala Avāva̱ Varivarali tekmatei khavai, yur saikorana Jishu Khrista hi Prohona da hāngphatra.

PHILIPPINAO 4:19

Kala Khrista Jishuwui mangā eina iwui Varena nathumwui darkar kasā saikora chi ngarumsangmiranu.

COLOSSIANAO 1:27

kathuka tui hi awui mibingli chithei khavai kala miyur saikorawui vang kayākha tekhamatei tuikhala da chitheikhangai hi Varewui khangarānna. Kathuka tui chiya Khrista nathumwuili zanghaoda Varewui tekhamatei chili nathumla zangrumhaira.

COLOSSIANAO 3:11

Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.

1 TIMOTHY 2:5

Kaja Vare akha lei, kala Vare eina miwui ngachaili ngashikkhame akha lei— chiya Khrista Jishu,

PHONGKHAMI 17:14

Athumna Yaonaoli rai ngararra, kha Yaonao china ana hokhui kahaibing kapangkakhuibing kala ningtongda kashurabingli ngasoda athumli maikashi mira, khikhalajila a prohobingwui Proho, awungabingwui Awungana.”

PHONGKHAMI 19:16

Awui kachonli kala akhaishāngli “Awungabingwui Awunga kala prohobingwui Proho” da aming kapisanghai.