ROMNAO 1:9 - Kathara Bible (BSI)

⁹ Anaomayarawui paokaphāwui vang ina ningtonglak eina otram khangatha̱ hi Varena shākhina. Iwui seihā kasā kachiva̱li nathumli khamalai masāla phaningungchinga kaji hila Varena thei.

ROMNAO 1:9 Iomraidhean Croise

JOBWUI LAIRIK 16:19

Arui eina tangda, yanglu, iwui shākhi kazingli lei, kala iwui nganingkhame a chi atungshong lei.

MARK 1:1

Varewui Naomayara Jishu Khristawui paokaphā haokaphok.

LUKE 18:1

Jishuna athumli atam kachida seihā sāching khavai kala ning masuitā khavai chānjam akha hāngchithei.

OTSAK 12:5

Chiwui vang Peterli phātopli sanghai, kha churchna awui vang Vareli seihā thuklak eina sāmishonshona.

OTSAK 19:21

Otshotbing chi shokkahaiwui thili Paulna Mecedonia eina Achaia akānlaga Jerusalemli vākhavai phaninghaowa.

OTSAK 24:14

Kha ina hi mayai, athumna mamashungmana kaji Apong chili shurda ina ithumwui avā ngarāna khokharuma Vare chili khoruma. Kha Moseswui ain lairikli kapi kahai saikora chili ina shitsanga kala marānbingna kapi kahai chilila shitsanga.

OTSAK 27:23

Kaja āngayā, ina khokharuma iwui Varewui kazingrao akha ili rāda

OTSAK 3:26

Varena awui rao chi kapangkhuida, mi kachiva̱na makaphā-makhayāwui eina mai ngareiungda sokhami samphang khavai rimeikapta nathumwuili chihorai.”

ROMNAO 9:1

Ina kahāng tui hi mashun tuina; chiya I Khristawuina da ina kahāng hi kakapik tui maningmana. Manglā Katharana mungda khalei iwui mashun-makhui hina I makapikmana kaji shākhi sai.

2 CORINTHNAO 1:23

Vare iwui shākhina, chiya nathumli masheikhautkhangaiwui vang ina Corinthli makharāna.

2 CORINTHNAO 11:31

I makapikmana kaji hi Proho Jishuwui Avāva̱, katang mavaila sokhame Varena thei.

GALATIANAO 1:20

Varewui mangāli ina nathumli kapikta kakapi maningmana.

EPHESIANAO 6:18

Manglāna thānkhami chiwui alungli Varewui khangachon samphang khavai otsak saikorali seihā kasā eina ngasoda polu. Varewui mibingwui vang seihā sāmichinglu.

PHILIPPINAO 1:3

Ina nathumli phaningung kachida iwui Vareli ningshi;

PHILIPPINAO 1:4

seihā kasā kachiva̱li nathumwui vang khamathān eina ina seihā sai.

PHILIPPINAO 2:22

Kha Anaomayarana Avāva̱li otram khangatha̱ thada, ana ili ngasoda kathada paokaphāwui vang otram ngathahaira̱khala kajila, awui kākashungla nathumna theihaira.

PHILIPPINAO 3:3

Akachang ahui rimkashok samphang kahaibing chi ithumna, athum maningmana, kaja ithumna Vareli awui Manglawui pangshap eina khoruma kala Khrista Jishuli ngarumda ithumwui mirinli mathāna. Ayarwui otsak khangalangli ithumna mashitsangmana.

1 THESSALONICANAO 1:2

Ithumwui seihā kasāsāli nathumli phaningungda, atam kachida nathum saikorawui vang Vareli ningshi.

1 THESSALONICANAO 3:10

Ithum mai eina mai thei ngarok khavai kala nathumwui shitkasangli vātta khalei chili chipemmi khavai ngashun ngayā thuklak eina seihā sāda lei.

1 THESSALONICANAO 5:17

Mathāhaila seihā sāchinglu.

1 TIMOTHY 2:7

Hiwui vang ili paokazata akha thada kala Gentilebingwui ojā sāda chihovai. Hi mashunglaka, kakapik tui maningmana.

2 TIMOTHY 1:3

Ishawo-ishayi ngarāwui thada mashun-makhui tharlak kahai eina ina Vareli otram khangatha̱wui vang ali ningshi. Kala ngashun ngayā mateila seihā kasā kachiva̱li nali phaningungda ningshi.

PHILEMON 1:4

Iwui seihā kasā kachiva̱li nali phaningungchinga, kala Vareli ningkashi michinga.

1 SAMUEL 12:23

Chili lāngda, nathumwui vang pokhami thahaida Proholi morei sāra kaji hi iwui eina katāvali leiranu, ina nathumli khamashung kala kaphā shongfa chi tamchitheira.