ROMNAO 1:7 - Kathara Bible (BSI)

⁷ Kathara mi sākhavai hokhui kahaiya Varena leikashe Romeli khaleiya nathum saikorali kagapina: Ithumwui Avāva̱ Varivara kala Proho Jishu Khristana nathumli lukhamashan kala chingri kahai miranu.

ROMNAO 1:7 Iomraidhean Croise

LAA 60:5

Chithāda nawui khalumali khāngkhui khavai, nawui yāpang eina khayuiya mida ithumli ngahānkāmilu.

SOLOMONWUI LAA 5:1

Ina iwui yāmguili rai, izarva̱, iwui khām kahaiva̱, iwui nganamkaphāphā ot eina ngasoda ina myrrh kazipkhui, ina iwui khuihāng eina ngasoda khuira̱ shai, ina drakhāra̱ eina ngasoda seina̱ manga. Zālu O ngasotnaobing, kala manglu: kachungkha manglu, O leikashebing!

MISHĀN 6:25

Prohona awui mai nathumwui mangāli horngasakranu, kala nathumli lumashanmiranu.

MATTHEW 5:16

Nathumwui kahor chi mibingwui mangāli horngasaklu, chithākha athumna nathumwui kaphā otsak chi theilaga kazingramli khalei nathumwui Avāli masochikatra.

JOHN 20:17

Jishuna hānga, “Ili masāza̱alu, kachiwui vangkhala kaja I Avāwuili makāranga. Kha ichināngarāli vāda, ina iwui Avā kala nathumwui Avā, iwui kala nathumwui Vareli kaura, kaji unghāngmilu.”

OTSAK 15:23

kala chithi chi hithada kapilaga anili sangmida chihovai: “Paokazatbing ararnaobing kala navānaobingna Antioch, Syria kala Ciliciali khalei shitkasanga Gentilebingli shālam mili.

OTSAK 9:13

Kha Ananiasna ngahānkai, “Proho, ana Jerusalemli khalei nawui mibingli kayākha ngasakshida sākhala kaji ili mi kachungkhana hānghaira.

ROMNAO 1:6

Hi Khristawui ngasā khavai Varena hokakhuili zangkahai Romeli khalei nathumla zanga.

ROMNAO 5:1

Ara shitkasangwui mangā eina ithumli mashungmihaoda ithumwui Proho Jishu Khristawui mangā eina Vareli mashithaira.

ROMNAO 5:5

Kala kachihān hina ithumli kaphaning makai ngasakmana, kaja Varena ithumli thada khami Manglā Katharawui mangā eina awui leikashi chi ithumwui wuklungli heisangmihaira.

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

ROMNAO 8:39

okathuiwui atungnala, azingnala, sākahai saikora hiwui khikhikhanala Khrista Jishu ithumwui Prohowui alungli khalei Varewui leikashi chiwui eina mangateithui ngasakrarmara.

ROMNAO 9:25

Hi ana Hosea lairikli hāngkahai tuina: “Iwui mibing makhaninga chili Iwui mibing hora. Ina maleikashe yur chili Iwui Leikashe hora.

1 CORINTHNAO 1:24

Kha Varena hokhui kahaibingwui vanga Jihudilala, Gentilelala chānpao chi Khrista, Varewui pangshap kala Varewui thangkhamei china.

1 CORINTHNAO 16:23

Proho Jishuwui lukhamashan chi nathumli ngasomiranu.

2 CORINTHNAO 13:14

Proho Jishu Khristawui lukhamashan, Varewui leikashi kala Manglā Katharawui ngasokhami chi nathum saikorawuitungli leimichingranu.

GALATIANAO 6:18

Ivānaongarā, ithumwui Proho Jishu Khristawui lukhamashan nathum saikorali ngasomichingranu. Amen.

EPHESIANAO 1:2

Ithumwui Avā Vare kala Proho Jishu Khristana nathumli lukhamashan kala chingri kahai miranu.

EPHESIANAO 6:23

Shitkasang eina ngasoda chingri kahai kala leikashi chi Avāva̱ Vare kala Proho Jishu Khristana shitkasanga avānaobing saikorali miranu.

KHALATLUI 33:12

Benjaminwui vang ana hānga, “Prohowui ngahānkhangaiya, ana awui makāli chingri eina pānra; ana langpongda ali yangmira; kala awui yartui khaniwuilungli ana okthuira.”

PHILIPPINAO 1:2

Ithumwui Avāva̱ Varivara kala Proho Jishu Khristana nathumli lukhamashan kala chingri kahai chi tāshungmiranu.

PHILIPPINAO 4:13

Ili pangkhangasaka Khristawui mangā eina ina ot saikora sāshapsera.

PHILIPPINAO 4:20

Ithumwui Avāva̱ Varivarali katang mavaila tekmateichingranu. Amen.

PHILIPPINAO 4:23

Proho Jishu Khristawui lukhamashan china nathum saikorali ngasomiranu.

COLOSSIANAO 1:2

Colossaeli khalei Khristawui lungli shitsangkapai shitkasangbingli shālam chiphunli. Ithumwui Avāva̱ Varena nathumli lukhamashan eina chingri kahai miranu.

COLOSSIANAO 3:12

Nathum Varewui mina, ana nathumli leishiya kala awui mi sākhavai kapangkhui. Chiwui vang eina nathum khalatta lumashankathei, ningaikashi, khangahui, malungkhanim kala ja̱khami hi kachon khangavai thada ngavailu.

COLOSSIANAO 3:15

Khristana khami chingri kahai china nathumwui wuklungli mungranu, kaja chili nathumli asā akha sākhavai Varena hokakhuina, chiwui vang ningshilu.

1 THESSALONICANAO 1:1

Paul, Silas, kala Timothywui eina Avāva̱ Varivara kala Proho Jishu Khristali kazanga Thessalonicawui churchli kagapina. Lukhamashan kala chingri kahai chi nathumwui ngasāranu.

1 THESSALONICANAO 1:3

Ithumwui Avāva̱ Varivarawui mangāli nathumwui shitkasang eina leikashiwui otsak kala ithumwui Proho Jishu Khristali chihāntitta khalei chi phaningungchinga.

1 THESSALONICANAO 1:4

Ivānaobing, Varena nathumli leishida awui ngasā khavai kapangkhuihaira da ithumna thei.

1 THESSALONICANAO 4:7

Varena ithumli khamathang-khamarangwui lungli okthui khavai hokakhui maningla kha katharwui alungli okthui khavai hokakhuina.

1 THESSALONICANAO 5:28

Ithumwui Proho Jishu Khristawui lukhamashan chi nathumli ngasomiranu.

2 THESSALONICANAO 1:2

Ithumwui Avāva̱ Varivara kala Proho Jishu Khristawui lukhamashan kala chingri kahai nathumli tāshungmiranu.

2 THESSALONICANAO 3:16

Ara chingri kahaiwui Proho a khalattana nathumli atam kachiva̱li kala apong saikorali chingrihai ngasakranu. Prohona nathum saikorali ngasomiranu.

2 THESSALONICANAO 3:18

Ithumwui Proho Jishu Khristawui lukhamashan nathum saikorali ngasomiranu.

1 TIMOTHY 1:2

shitkasangwui pongli kachangkhat inao sārān kaje Timothylina: Avāva̱ Vare kala ithumwui Proho Khrista Jishuna lukhamashan, phaningkhami kala chingri kahai miranu.

1 TIMOTHY 6:2

Vareshi akhavābingwui raobingna akhavābingli mayangkharingpaimana, kaja athumla athumwui chinaongarāna, honda athumli mathāmeida otram ngatha̱miki kajina, khikhalajila athumwui otsak eina kankhanā samkaphangbing athum chi leikashi shitkasangabingna. Hibing hi tamchitheilu kala hāshoklu.

2 TIMOTHY 1:2

khaluma inaomayara Timothyli kagapina. Avāva̱ Varivara, kala ithumwui Proho Khrista Jishuna nali lukhamashan, phaningkhami kala chingri kahai miranu.

2 TIMOTHY 4:22

Prohona nawui manglāli ngasomiranu. Varewui lukhamashan nathum saikorali ngasomiranu.

TITUS 1:4

Ina shitkasangwui lungli inaomayara hokapaiya Titusli kagapina: Avāva̱ Varivara kala ithumwui Huikhame Khrista Jishuwui lukhamashan kala chingri kahai tāshungmiranu.

PHILEMON 1:25

Proho Jishu Khristawui lukhamashan chi nathumli ngasomiranu.

PHILEMON 1:3

Ithumwui Avā Varivara kala Proho Jishu Khristana nathumli lukhamashan kala chingri kahai miranu.

JAMES 1:1

Vare kala Proho Jishu Khristawui otram khangatha̱a Jamesna okathui peida chaiyāng eina khalei shang tharāda khanili shālam chiphunli.

1 PETER 1:15

Kha nathumli hokakhuia awui kathar thada nathumwui acham-aram saikorali tharlu.

1 JOHN 3:1

Ithumli Varivarawui nao da homida Avāva̱na kayākha leishimihairakhala kaji yanglu; awui nao ngasā kachanghaira; okathuina ithumli makatheiva athumna Varivarali makatheiwui vangna.

2 JOHN 1:3

Avāva̱ Varivara kala Avāva̱wui naomayara Jishu Khristawui eina kharā lukhamashan, phaningkhami kala chingri kahai china ithumli khamashung kala leikashi eina ngasomira.

PHONGKHAMI 2:1

“Ephesus Churchwui kazingraoli hithada kapilu: “Yāpāngli sirā shini singlaga thaomeishong shiniwui ngachaili yaothui kazata chiwui eina kharā paona.

PHONGKHAMI 2:12

“Pergamum churchwui kazingraoli kapilu: “Zankhangasunga kazana raikhai kasingpā chiwui eina kharā paona.

PHONGKHAMI 2:18

“Thyatira Churchwui kazingraoli kapilu: “Amik meiwon kathā kala aphei hānshi kahai pithrai kathā Varewui Naomayara chiwui paona.

PHONGKHAMI 2:29

“Manglāna churchbingli kahāng chi khanā kakaa a china nganākhuira̱nu!

PHONGKHAMI 2:8

“Smyrna churchwui kazingraoli kapilu; “Khare eina khanaowa, thihailaga ringkhaluiya chiwui eina kharā paona.

PHONGKHAMI 22:21

Proho Jishuwui lukhamashan katharabing saikorali ngasomichingranu. Amen.

PHONGKHAMI 3:14

“Laodicea churchwui kazingraoli kapilu: “Amen kaho ningkatonga kala khamashunga shākhi, Varena sākahai ot saikorawui angayung chiwui paona.

PHONGKHAMI 3:22

“Manglāna churchbingli kahāng chi khanā kakaa a china nganākhuiranu!”

PHONGKHAMI 3:7

“Philadelphia churchwui kazingraoli kapilu: “Kathara khamashunga, Davidwui sho kasinga, ana shohaiakha khipānakha mashungkapai, ana shunghaiakha khipānakha mashokapai, awui eina kharā paona.