ROMNAO 1:32 - Kathara Bible (BSI)

³² Hikathāthā ot saakha thira kaji Varewui ningkhami chi theilala athumna chi kasāmāng majila khangatei chithada kasābinglila mayāmi.

ROMNAO 1:32 Iomraidhean Croise

LAA 50:18

Nathumna khale mi theiakha awui ngasotnao sai, kala phokaphābingli nathum ngasozata.

CHĀNSAM 28:4

Ain horkahai mina makhayā mili masot mi, kha ain khamayonbingna athumli mamayāmana.

HOSEA 7:3

Athumwui makhayā china athumwui awungali mathān ngasaka, kala athumwui sākahai china wungnaobingli mathān ngasaka.

LUKE 11:48

Chieina nathum hiya navā ngarāwui otsak chili khamayābing kala shākhi khamibingna. Kaja athumna shaothata kala nathumna chikhur sāmi.

OTSAK 22:20

Nawui vang shākhi kasaa Stephenli shaokathat tharan ila mayāda ali shaokathatbing chiwui kashankachon mayonmida chiwui ngalemli nganingsai.

OTSAK 8:1

Kala ali sākathat chi Saulnala mayai. Chithang Jerusalemli khalei churchli sākashi kachotkachāngwui rekakharek haophokhaowa. Chiwui vang paokazatbing maningla khangatei saikora Judea eina Samariawui apam saikorali ngapha̱yāng yāmvāhaowa.

ROMNAO 1:18

Mikumowui makaphā-makhayā kala morei saikora china khamashung chi mathei ngasakthuwa, chiwui vang kazingramwui eina Varewui malungkhavāt phongshoka.

ROMNAO 1:21

Kachiwui vangkhala kaja athumna Vareli thatheilaga ali Varelaka da khayāmashimana kala ningkashila mamimana, athumna phaningphāphā machukphāphāda athumwui ninglila mashun-makhui maleithuwa.

ROMNAO 6:21

Ara nathumna khayākhamalā ot kasā chieina khi tongkazā samphangkhala? Otsakbing chiwui athei chiya kathina.

ROMNAO 6:23

Kachiwui vangkhala kaja moreiwui sāman kathina, kha Varewui lemmet chiya ithumwui Proho Jishu Khristawui lungli katang makhavai kharing china.

2 THESSALONICANAO 2:12

Chiwui athei chiya khamashungli mashitkasang kha morei kasāli ringkaphā athum chili yonngasakra.