ROMNAO 1:3 - Kathara Bible (BSI)

³ Tui hi awui Naomayara ithumwui Proho Jishu Khristawui aponglina. Mikumowuishong einava a Davidwui ara̱-azāna.

ROMNAO 1:3 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

LAA 2:7

Prohowui hukhum ina hāngra: Ana ili hānga, “Na inaomayarana, aja I nawui avāva̱ ngasāhaira.

JEREMIAH 33:26

Jacobwui kala iwui rao Davidwui arā-aza̱bingli kapangkhuida, Abraham, Isaac, kala Jacobwui atheili mungkhavai makapangkhuimara. Kaja ina athumwui shimlui hanmiluira, kala athumwuitungli lumashanmira.”

AMOS 9:11

Atam chili Davidwui shim konglui kahai chi ina khāngmathotluira phākho kakai chi chipholuira, kala ngayāng kahai chi sākhuiluira, kala achālakhawui thāda sākāluira,

MATTHEW 1:1

Hi David kala Abrahamwui Naomayara Jishu Khristawui mi-un lairikna.

MATTHEW 1:16

Kala Jacobna Messiah kaho Jishuwui ava̱ Maryli kakhuiya Josepli pharai.

MATTHEW 1:6

Jessena David awungali, Davidwui nao Solomonli Uriahwui preiva̱ sākasāva̱na pharai.

MATTHEW 12:23

Kala mi saikora china matakhakhaoda “Hi Davidwui naomayara chilā?” da ngazek ngaroka.

MATTHEW 15:22

Kala yanglu, ngalei chili kapāna Canaanwui sha̱nao akha awuili rāda, “He Amei, Davidwui Naomayara, ili khalumashanmilu; inao ngalāva̱li kameo zanghaida marlak eina kazāda leili.”

MATTHEW 26:63

Kha Jishuna khikha mangahānkāla kasainakha pamhaowa. Chieina pāngmon kharei china ali hāngluishita, “Ina kharinga Vareli mingzaida kahāngna: na Varewui Naomayara, Khrista china jiakha ithumli hānglu.”

MATTHEW 27:43

Ana Vareli chihāna, ana ningchāngakha Varena arui ali rākankhuihaoranu, kaja ana ‘I Varewui Naomayarana’ da hānga.

MATTHEW 3:17

Kala yanglu kazingramwui eina akhon akha vaorai, “Hi Iwui khaluma Naomayarana, Ina ali ningyāng unglaka.”

MATTHEW 9:27

Jishuna apam chiwui eina thuihaowa kala mik khangapeo mi khanina ali shurrāda panglāk eina “Davidwui Naomayara, inili khalumashanmilu” da vaouwa.

LUKE 1:35

Kala kazingrao china ali hānga, “Manglā Katharana nawuitungli tāra, kala juikhamataiawui pangshap china nali rakhayinmira; chiwui vang eina pharāki kaje nao chili kathara Varewui Naomayara hora.

LUKE 1:69

Awui rao David shimkhurwui eina ana ithumwui vang pangshap khaleia Huikhame akha shokngasakhaira;

JOHN 1:14

Kala Tui chi asā ngasāhaowa kala lukhamashan kala khamashung pemting eina ithumwui alungli raokthui. Avāvawui Naohonaotong sāda ana samkaphang awui tekhamatei chi ithumna yanga.

JOHN 1:34

Ina chi theihaira kala ina nathumli kahāngna, a Varewui Naomayara chilaka.’”

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

JOHN 10:30

Iwui Avā eina I akhana.”

JOHN 10:36

Ili Varena kapangkhuilaga chihokharāna. Chithākha I Varewui Naomayarana da kahāng hili Vareli kachipat khi leikhala?

JOHN 20:28

Thomasna ngahānkai, “Iwui Proho, iwui Vare!”

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

JOHN 5:25

Ina kachangkhat kahāngna, atam rārāli, kathebingna Varewui Naomayarawui akhon shāki kaji atam rāshunghaira kala kashābingna ringra.

JOHN 7:42

Kathara lairikli hāngkahai Messiah chi Davidwui shangnaora kala Davidna pamkasa keinung Bethlehemli pharāra” da hanghaili ji.

OTSAK 2:30

A marān akhana kala awui wungpamkhongli awui naotun akha chipamra da Varena ngashitmi kahai chi ana thei.

OTSAK 3:13

Pilatena chihomihaoga kaji tharan nathumna mamayāmada khalan kahaia awui rao Jishuli, Abraham, Isaac, Jacob, kala ithumwui avāngarābingwui Varena tekmatei ngasakhaira.

OTSAK 8:36

Anina zatmamānda leilakha tara̱ khaleipam akhali vāshunga. Chieina akhavā china hānga, “Yanglu, hili tara̱ leili, ili ra̱hikmikida khi pankhavai leikhala?”

OTSAK 9:20

Ana ngalāngda synagogueli vāda “Jishu hi Varivarawui Naomayarana” da tamchithei.

ROMNAO 1:9

Anaomayarawui paokaphāwui vang ina ningtonglak eina otram khangatha̱ hi Varena shākhina. Iwui seihā kasā kachiva̱li nathumli khamalai masāla phaningungchinga kaji hila Varena thei.

ROMNAO 4:1

Chithākha, ishi yurwui avāva̱ Abrahamwui pongli khi hangsikhala? Awui theikakhui khimameikhala?

ROMNAO 9:3

kaja phasāwui pongli iwui theisābing kala ichināngarāwui phākhavai athumwui eina ili Varena khonshida Khristawui eina ngatei ngasakhaowa jilala khikha maleimana.

ROMNAO 9:5

Athum mingkhamayanga Jihudi yurwui awo-ayibingwui ara̱-azāna kala Khrista hi phasāwui pongli athumwui yurna. Saikorawuitungli khamunga Vareli katang mavaila sochikatchingranu! Amen.

1 CORINTHNAO 1:9

Awui Naomayara, ithumwui Proho Jishu Khristali ngarumsak leikhavai hokhuikhame Vare hiva shitsangkapaiyana.

1 CORINTHNAO 10:18

Israelnaobingna kasāsā machukyanglu, pha̱kaphayāwui sā kashaibing chi hanphutpamli ot sākhangarumbing maningmalā?

GALATIANAO 4:4

Kha atam ungkashung eina Varena awui Naomayarali chihorai, mikumo ava̱ akhawui naomayara akha sāda ana rai kala Jihudiwui ain azingli raokthuida

1 THESSALONICANAO 1:10

Ithumli rāki kaji malungkhavāt chiwui eina kanshokkhame, kathiwui eina Varena ringkhangasaka Anaomayara Jishuwui pongli athumna ngazeksera.

1 TIMOTHY 2:5

Kaja Vare akha lei, kala Vare eina miwui ngachaili ngashikkhame akha lei— chiya Khrista Jishu,

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

2 TIMOTHY 2:8

Ina paokaphā hākashokli tamkachithei kathiwui eina ringshok kahaia kala Davidwui naotun Jishu Khristali phaningunglu.

1 JOHN 1:3

Ithumna theikahai kala shākahai chi nathumlila hāngkachitheina. Chieina ithumna Avāva̱ kala Anaomayara Jishu Khristali ngarumsak khalei chili nathumla ithumli ngasoda zangpaira.

1 JOHN 3:23

Awui kakaso chi hina; ithum Anaomayara Jishu Khristali shitsangphalungra kala Khristana kaso kahai thada akha eina akha leishi ngarokphalungra.

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.

1 JOHN 4:15

Jishu hi Varewui naona da hāngkaphata a chili Vare lei, kala Vareli a lei.

1 JOHN 5:1

Jishu hi Messiahna da shitkasanga mi chi Varewui naona, kala Avāva̱li leikashe mi china Anaolila leishi.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

1 JOHN 5:5

Jishu hi Varivarawui Naomayarana da shitkasanga china okathuili khayui maningmala?

2 JOHN 1:7

Jishu Khristana mikumo thada rai kaji makhuikasang mi kachungkha okathuili leihaira. Hikathā mi hi mashongachei khangasak Khristali Makhamayāna.

PHONGKHAMI 2:18

“Thyatira Churchwui kazingraoli kapilu: “Amik meiwon kathā kala aphei hānshi kahai pithrai kathā Varewui Naomayara chiwui paona.