ROMNAO 1:23 - Kathara Bible (BSI)

²³ kala athumna kathi makhangavā Vareli makhorumla thikapaiya mikumoli, vānaoyurbingli, sāyurbingli kala phara̱-pharāli ngamānda sākakhui ama̱bingli khorumhaowa.

ROMNAO 1:23 Iomraidhean Croise

LAA 106:20

Varewui tekhamatei chi khawo kashaia seiwui ama̱ eina athumna ngatha̱haowa.

ISAIAH 40:18

Chithakha Vareli khi eina pāntampaira, lah khi ngaraikachā chānsam eina ngaheopaira?

ISAIAH 40:26

Namik kajuiva̱ yangkālu kala yangkhuilu: Hibing hi khipāna sākhuikhala? Saikora sākashoka kala chukkhui kahai, athum saikorali ichichāwui aming eina hoi; kaja ava yāng kālaka kala pangshapana, akha eina tangda manothāmana.

ISAIAH 44:13

Mistryna khara̱ ngakhunlaga pencil eina khāna; aramtang eina nānlaga matam eina tamkhuida shimli haikhavai miwui azak khuida miwui khamatha thada sākhui.

JEREMIAH 2:11

Yur akhana athumwui varebing akachang maninglala, athumwui varebing khangachei leihairala? Kha iwui mibingna khikha makankhanāwui vang athumwui tekhamatei ngacheihaira.

EZEKIEL 8:10

Chieina ina zangyangda thei, kala chili phākho kuimareida ngawokazata yurbing, kala ningkakachai sābingla, kala Israelwui meoma̱ saikorala napmithaisai.

OTSAK 10:12

Chiwui alungli sāyur saikorala, phara̱-pharāyur saikorala kala vānaoyur saikorala zangsera.

OTSAK 17:29

Ithum awui naotun sāhaoda, ithumna awui khangachā chi mikumowui kathem pangshap eina sākakhui sināwui, lupāsāwui, ngalungwui meoma̱ kathāna da makhuipaimana.

ROMNAO 1:25

Athumna Varewui pongli khamashung chi kakapik sāngasakhaowa kala katang makhavai, sokhame Kasā Akhavā chili makhorumla ana sākakhuiya otbingli khorumthuihaowa, kala otram ngatha̱thuihaowa! Amen.

1 CORINTHNAO 12:2

Nathum shitkasanga mi mangasāranglakha manglā makazanga meoma̱bingli khorumda khangui shongfali zatsai kaji nathumna thei.

KHALATLUI 5:8

“‘Nathumna atungshong kazingram, azingshong okathui, lah ngaleizingwui tara̱li khalei ot akhalila ngaraikachā ama̱ marukkhuipaimana.

1 PETER 4:3

Nathumwui mirinli mashitkasangbingna kasā thada sopkhamasāp, khamathang, khamarip, lumlaokasa kala khangama̱ khangazai, kameoli kapha̱ hikathathamāng sākasā chi shaphaira.

PHONGKHAMI 9:20

Khangatei kharingabing, kazātyurbing hina masākathatbing china athumwui pāngna sākakhuiwui eina mai mangareiung mana, katheila mathei, kashāla mashā, kazatla makazat sinā, lupā, pithrai, ngalung kala thing eina sākakhui meoma̱bing chili khokharumla mathāhaimana.