ROMNAO 1:21 - Kathara Bible (BSI)

²¹ Kachiwui vangkhala kaja athumna Vareli thatheilaga ali Varelaka da khayāmashimana kala ningkashila mamimana, athumna phaningphāphā machukphāphāda athumwui ninglila mashun-makhui maleithuwa.

ROMNAO 1:21 Iomraidhean Croise

HAOKAPHOK 6:5

Okathui alungli mikumowui makaphā sorngasai kahai kala makaphāmāng chukkhamaja katang makhavai chi Prohona thei.

HAOKAPHOK 8:21

Kala Prohona nganamkaphā anganam chi nganamlaga Prohowui ningli hānga, “Ara ina ngalei hi miwui vang eina makhonshiluilakmara, kaja miwui chukkhamaja nganuilakhawui eina thuida makaphā makhayāmānga; kala kharing yur kachiva̱ ina shimān khangasak chi ara ina masāluilakmara.

1 WUNGNAOBING 20:23

Syriawui awungali awui raimibingna hānga, “Athumwui varebing hiya, kaphungwui vare sāthuda ithumli pangmei kahaina; tampākli ngararsa, chithākha mashoila ithum pangmeira.

2 WUNGNAOBING 17:15

Awui shiyan-chikan, kala avāva̱ ngarāli tuingashit kasā kala athumli hāngkhamathin chili ningkachaihaowa. Makhamashunga meoma̱wui thi shurda athum mamashungthuwa, athumwui thāda sāshara da Prohona kaso kahai, athumli kuimareida khalei yurbingwui thi shurthuihaowa.

LAA 50:23

Ningkashi pha̱kaphayā sāda khuikharābing ili khayākashina; apong mashungrik kahai chili ina Varewui huikhami chitheira!”

LAA 81:12

Chiwui vang ina athumwui ngakaishitingting kahai ning eina vaingasaka, athum khalattawui hāngkachithei shurkhavai.

LAA 86:9

Nana sākahai miyur saikora nawui mangāli rāda rākhorumra, O Proho, kala naming sochikatra.

HĀSHOKME 7:29

Yanglu, ina himang samphanga, kaja Varena mikumoli mashunglak eina sāmihai, kha athumna mareimarā kachungkha phashokkhuihaowa.

ISAIAH 60:2

Kaja yanglu, tangkhamangna okathuili farorhaora, mibingli tangmangtinghai ngasakra; kha Prohona nawuitungli awui kahor tāshungmira, kala awui tekhamatei nawuitungli theira.

JEREMIAH 16:19

O Proho, iwui pangshapa kala iwui ngayin khavaipam, kakhanang atamli iwui ngayin khavaipam, okathui vākatangwui eina yur kachiva̱na nali rāhāngra: “Ishāvā ngarāna kakapik maningla khangatei akhala mamathuisanghaimana, makankhanā tongkazā makhalei otmānga.

JEREMIAH 17:9

“Ot saikorawuitungli wuklung zakshimeikapa, kala makhaomeikapa, khipāna chi bhab tāshapkhala?

JEREMIAH 2:5

Prohona hithāda hānga: “Nashāvā ngarāna ili khi khayon samphanghaoda iwui eina katāva̱li thui kahaikhala, kala makānkhanāli shurzatta makankhanā sathuihaokhala?

JEREMIAH 9:14

kha ashāvā ngarāna tamchithei kahai thāda khalattawui kaphaning sātingtingda Baalwui thi shurthuihaowa.

EZEKIEL 14:5

chiya iwui eina mai ngareithui kahai meoma̱li kaphaninga Israelwui shimkhurli tandi mikhavaina.

EZEKIEL 20:25

“Chili lāngda athumli makankhanā shiyan-chikan kala ringkhavaiwui apong makhaning ainbing ina athumli mi;

HOSEA 2:8

Ali zāt, mangkhavai drakhāra̱, kala thao khame, kala athumna mavātlakla Baalli khami sina lupa khame chi ina, kaji a matheimana.

JOHN 3:19

Kala bichar chi hithai: kahor chi okathuili rāhaira, kha mikumona tangkhamangli leishitha̱haowa kaja athumwui otsak maphāmana.

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

ROMNAO 1:19

Khikhalajila Varewui pongli theikhuiki kaji hi athumwui vang kasak maleimana, kachiwui vangkhala kaja chi Varena athumli chitheimihaira.

ROMNAO 1:28

Athumna Vareli theikhangai ning makhaleiwui vang Varena athumli makhamathā kala makhangayi achamli zatngasakhaowa.

ROMNAO 11:10

Mathei khavai athumwui mik ngapeohaoranu, athumwui khumkhor kaogada leichingranu.”

ROMNAO 15:9

Kala Varewui lukhamashan chiwui vang Gentilebingnala masotchikat khavaina. Hithada kapihaida lei: “Chiwui vang eina Gentilebingwui ngachaili, ina nali Varena da theingasakra.”

KHALATLUI 28:29

kala khangapeo mina tangkhamangli kachupkazat thāda, ngashunshong nathumla kachupzatra; kala nathumwui ot saikorali nathum mataikasang masamphangmara, kha nathumwui eina ngapaikhuida rekharekchingra, kala chili nathumli ngachonmi khavai mi khipākha maleisāmara.

2 TIMOTHY 3:2

Mibingna kachichā khalattali leishira, ngamara, lāngsora, khayāning nganingra, chipatra, ava̱ avāwui kahāng manganāmara, ningkashi matheimara, dharma maleimara,

1 PETER 1:18

Nathumli navā ngarāwui eina shākhuikhamaron khikha masākhavai mirinwui eina ngatangkakhui chi shimānkapai sinā lupā eina maningmana kaji nathumna thei,

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.

PHONGKHAMI 14:7

Ana panglāk eina vaoda hānga, “Vareli ngacheeda khorumlu; kaja ana mibingli bichar sākhavai atam rāhaira. Kazingla ngaleila tara̱ kala ura̱ kasaa chili khorumlu!”

PHONGKHAMI 15:4

Khipāna namingli mangacheera kala matekmatei ngasakrakhala, O Proho? Khikhalajila namāngna katharana. Yur saikorana rāda nali rākhorumra; kaja nawui mashun bichar theiserhaira.”