ROMNAO 1:20 - Kathara Bible (BSI)

²⁰ Okathui kasā eina thuilaga Varewui matheikharar magunbing, awui katang makhavai pangshap eina tharkhamathengwui khangachā chi ana semkahai otbing chiwui eina mibingna tharzā eina theihaira. Chiwui vang eina athumna phayatkhui khavai apong katei maleiluimana.

ROMNAO 1:20 Iomraidhean Croise

HAOKAPHOK 1:1

Haokaphokli Varena kazing eina ngalei sai.

HAOKAPHOK 21:33

Beershebali Abrahamna tamarisk akha lingsangda Mashimānda Makashimān Proho Varewui mingli khoruma.

JOBWUI LAIRIK 12:7

Kha ramsābingli ngahānyanglu, chieina athumna tamchitheira; kala khamasaili khalei vānaobingli ngahānyanglu, athumna hāngmira.

LAA 104:31

Prohowui tekhamatei mashimānda leichingranu, Prohona awui otsakli mathānranu,

LAA 104:5

Okathuili nana awui shimphungali rungshinghai, chithāda manganuklakmara.

LAA 119:90

Thot saikorali nawui ningkatong mangacheimana; okathui nana sākahaina, kala chi leichinga.

LAA 139:13

Kaja iwui alungshongla nana sai, ishava̱wui naopamli nana ili ngarumda sākazakzak kahaina.

LAA 8:3

Ina nawui kazing, nawui themsak, nana sākahai kachāng, sirā saikora khayang tharān;

LAA 90:2

Phungreibing masāshokranglakha, okathui kala apuk-apaga eina tangda masāranglakha, katang makhavaiwui eina katang makhavai vāpeida na Varena.

ISAIAH 26:4

Proholi shitsanglu katang mavaila, Proho VAREna katang makhavai lunghārna.

ISAIAH 40:26

Namik kajuiva̱ yangkālu kala yangkhuilu: Hibing hi khipāna sākhuikhala? Saikora sākashoka kala chukkhui kahai, athum saikorali ichichāwui aming eina hoi; kaja ava yāng kālaka kala pangshapana, akha eina tangda manothāmana.

ISAIAH 9:6

Kaja, ithumli nao akha pharāmihaira, ithumli naomayara akha mihaira; kala shorkar ana phungra, kala awui ming, “Matakkhakkahai Machinme, Pangshapa Vare, Katangmakhavai Avāva̱, Chingrikahai Wungnao” da hora.

JEREMIAH 5:21

“Mangkhama̱, ning makazanga mibing, hi nganākhuilu, mik kālala makatheibing, khanā kālala makashābing.

JEREMIAH 51:15

Pangshap eina apuk-apaga kasaa chi ana; thangmei eina okathui sākakāpā chi; awui theishingkakhui eina kazingram phayaishoka.

MATTHEW 5:45

Chithākha nathum kazingramli khaleiya nathumwui Avāwui naongarā ngasāpaira; kaja ana kaphālila makaphālila zimik shokmi kala khamashungalila, makhamashungalila kazing rotāmi.

MARK 10:6

Kha otsem haokaphokwui ‘Varena athumli mayarnao eina sha̱nao sāmi’ da kathara lairikli kapihai.

JOHN 1:18

Khipānakha Vareli matheilakranga; Avāva̱wui makāli khalei Naoho-naotongmāngna ali theingasaka.

JOHN 15:22

Ina athumli marātamchitheisāsi kaja athum morei kasā matheisāmara, kha ara athum moreiwui eina mayāmshokrarmara.

OTSAK 17:29

Ithum awui naotun sāhaoda, ithumna awui khangachā chi mikumowui kathem pangshap eina sākakhui sināwui, lupāsāwui, ngalungwui meoma̱ kathāna da makhuipaimana.

OTSAK 22:1

“Ivānao ngarā kala ishāvā ngarā, ina nathumwui mangāli I khalattawui vang kaphayat hi khanganāmilu.”

ROMNAO 1:19

Khikhalajila Varewui pongli theikhuiki kaji hi athumwui vang kasak maleimana, kachiwui vangkhala kaja chi Varena athumli chitheimihaira.

ROMNAO 16:26

Kha marānbingna kapi kahai chiwui eina khamashung chi theingasakhaira, chiwui vang eina yur saikorana ali shitsang khavai kala kahāng nganā khavaina.

ROMNAO 2:1

Chiwui vang eina, O mikumo! khipā khipākharanu, nana mi khangateibingwuitungli bichar saakha nali pheomikapai maleimana; kaja awuitungli bichar kasā eina nakhalatta yonngasakta lei, kachiwui vangkhala kaja bichar kasaa nanala awui tākam eina sāda lei.

ROMNAO 2:15

Athumwui ningli ain kapisanghaida lei kaji athumwui otsak eina chithei, kala athum khalatta yonkahaila, khamashungla phaningkakhui chieina hi mashunga da athumwui mashun-makhuina chitheimi.

1 CORINTHNAO 1:20

Chithākha thangkhamei mi kali lei? Kathema kali lei? Mithot hiwui ngaphat ngayātkatheia mi kali lei? Okathuiwui thangkhamei hi mangkhama̱na da Varena chitheihaira.

KHALATLUI 33:27

Makashimāna Vare chi nawui ngayin khavaina; chiwui azingli katang makhavai pāngthei lei. Kala ana nawui mangāli yangkashibingli namshoka, kala hānga, Sashimānhaolu.

KHALATLUI 4:19

Kala ning ngasharlu, kaja kazingramli yangkāda nathumna zimik, kachāng, sirābing, kala kazingramli khalei yur saikorali theida nathumna chili khorumlaga otram ngatha̱paishina; okathuili khalei saikora chi Varena mikahai chili nathum khorumthuihaipaishina.

COLOSSIANAO 1:15

Khrista hi mik eina matheikapai Varewui sakrinna. A hi pharākhare Naomayarana kala sākahai ot saikorawuitungli ā hakmeithuiya.

COLOSSIANAO 2:9

Kaja Khristana mikumo sāda okthuilakha Varewui tharkhamatheng saikora chi ali leisera.

1 TIMOTHY 1:17

Kathi makhangavā, mik eina matheikharar, thot kachida awunga sāda khalei akhamāng kaje Vareli katang mavaila khayāshiranu, kala tekmateiranu. Amen.

1 TIMOTHY 6:16

Makathe kala khipānakha marānganaikhararra kahora ramli kapāna chi a mānga. Ali khipānakha matheiranga, katheila matheirarmana. Khayākakā kala mashimānda khamung chi awui ngasāranu. Amen.

HEBREWNAO 11:27

Shitkasang mangā eina Mosesna awungawui malungkhavātli mangacheela Egypt chihohai; mik eina matheikharar Vareli mik eina kathei tākam eina, ana masa̱naungmana.

HEBREWNAO 9:14

Chithākha Khristawui ashee eina kayākha mataida tharmirakhala? Katang makhavai Manglā chieina chukkhara maleila a khalatta Vareli pha̱mi. Awui ashee eina ithumwui mashun-makhui chi makaphā otsakwui eina tharmihaida kharinga Vareli otram ngatha̱pai khavai sāmi.