ROMNAO 1:18 - Kathara Bible (BSI)

¹⁸ Mikumowui makaphā-makhayā kala morei saikora china khamashung chi mathei ngasakthuwa, chiwui vang kazingramwui eina Varewui malungkhavāt phongshoka.

ROMNAO 1:18 Iomraidhean Croise

SHONGZĀ 23:7

Mikhanamwui kaphenli mazanglakalu; kala khayon makhalei kala khamashung-khangarong mili mashaothatalu; kaja makaphā mili ina machihomara.

ROMNAO 1:19

Khikhalajila Varewui pongli theikhuiki kaji hi athumwui vang kasak maleimana, kachiwui vangkhala kaja chi Varena athumli chitheimihaira.

ROMNAO 1:28

Athumna Vareli theikhangai ning makhaleiwui vang Varena athumli makhamathā kala makhangayi achamli zatngasakhaowa.

ROMNAO 1:32

Hikathāthā ot saakha thira kaji Varewui ningkhami chi theilala athumna chi kasāmāng majila khangatei chithada kasābinglila mayāmi.

ROMNAO 2:3

O mikumo, nathumna hikathāthā hi nathum khalatta saakha Varewui bicharwui eina yāmshokpaira da phaninglā?

ROMNAO 3:9

Chithākha ithum Jihudibingna Gentilebingli phākhamei leilā? Maleimana, maleilākmana. Kachiwui vangkhala kaja Jihudibingla, Gentilebingla saikora morei pangshapwui azingli leisera da ina hānghaira.

ROMNAO 4:15

khikhalajila ain china Varewui malungkhavāt khuirai. Kha ain makhalei pamli chonkhamakān kaho maleimana.

ROMNAO 5:6

Ithumna ngazankasa tharan, Varena retkahai atam chi horzakta Khristana morei kaphungbingwui vang thimi.

ROMNAO 5:9

Chiwui vang eina ara awui thimalokhamiwui ashee china ithumli mashungmihaira; chithākha Varewui malungkhavāt chiwui eina ithumli ana kayākha mataida huimirakhala?

ROMNAO 6:13

Nathumwui phasā akai akhanida makaphā-makhayāli ya majihaialu. Kha kathiwui eina kharingli khuiung kahaia mi thada nathum khalatta Vareli milu kala nathumwui phasā katonga khamashung otwui vang shichin khavai Vareli mayālu.

EPHESIANAO 5:6

Khipānakha nathumli makhaninga tui eina machipat ngasakalu, hikathāwui vang Varewui malungkhavāt chi kahāng makhanganābingwuitungli katāna.

COLOSSIANAO 3:6

Hikathā otsakbingwui vang Varewui malungkhavāt chi awui kahāng makhanganābingli tāra.

2 THESSALONICANAO 2:10

kala shimānki kaje athumli makaphā-makhayā ot kachungkha eina minamra. Athum shimānra, kaja kahui samphang khavai khamashung chi athumna makhuisangthu kala maleishithuwa.

2 THESSALONICANAO 2:6

Thalala aruichang chi mashok khavai kahapa akha lei kala chi khikhala da nathumna thei. Retkahai atam chili Makaphā-Makhayā chi shokrāsāra.