ROMNAO 1:17 - Kathara Bible (BSI)

¹⁷ Kaja, Varivarana mikumoli kathada mashungmikhala kaji hi pao khamathāna phongmi: hi khare eina thuilaga khanao eina tangda shitkasang mangā einana. Hithada kapihaida lei, “Shitkasangwui mangā eina khangaronga ā chi ringra.”

ROMNAO 1:17 Iomraidhean Croise

EZEKIEL 18:9

iwui shiyan-chikan kala ain khamayona, a chi khamashungana, a kachangkhat eina ringra da Proho VAREna hānga.

HABAKKUK 2:4

Yanglu, mangla mashun eina makazata mi chi shimānra, kha khangaronga mina awui shitkasang eina ringra.

MISHĀN 21:9

Chieina Mosesna pithrai eina phara̱ akha sākhuida thingtungli shaoshānhai; kala phara̱na mili makeiakha pithraiwui phara̱ chili yangkāda ringa.

JOHN 3:36

Naomayara chili shitkasanga mi chi katang makhavai kharing lei; kahāng makhanganaa chi kharing kaho matheimara, kha Varewui malungkhavāt awuitungli lei.

ROMNAO 10:3

Kaja athumna Varewui eina kharā mashungkhami chi matheimana, kha athum khalattawui apong phālaga Varena mashungkhami chili mamayāthuwa.

ROMNAO 3:21

Kha ara Varena mikumoli mashungkhamiwui apong chi phongmihaira. Ain eina marānbingnala chili shākhi mihaisālala chi ainwui eina ngateihanghai.

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

ROMNAO 3:3

Kha kaikhana shitkasang ningmatongakha kathara? Athumwui mashitkasang ningmakatong china Varewui ningkatong chi shimān ngasakshapralā?

ROMNAO 9:30

Chithākha ithumna khi hāngra? Chiya khamashung khangarongli makhangahoma Gentilebingna shitkasangwui mangā eina khamashung samphanghaowa.

2 CORINTHNAO 3:9

Masāvaikapai arah khuikharā chi tekmateiakha, kahui khuirākhamiwui otsak chi kayākha tekmateimeirakhala?

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

GALATIANAO 3:11

Ara ithumna tharzā eina theihaira kaja mi khipālikha ain eina mamashungmimana, khiwui vangkhala kaja hithada kapihaida lei, “Shitkasang mangā eina mashungmi kahai mi chimāng ringra.”

PHILIPPINAO 3:9

kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.

HEBREWNAO 10:38

Iwui khangaronga china shitkasang eina ringra, kha ana ngalanakha, awuitungli iwui kapen maleimana.”