ROMNAO 1:15 - Kathara Bible (BSI)

¹⁵ Chiwui vang eina Romeli khalei nathumlila paokaphā hi hāshokngailak eina khaleina.

ROMNAO 1:15 Iomraidhean Croise

1 WUNGNAOBING 8:18

kha Prohona ishāvā Davidli hānga, ‘Iwui vang nana shim akha sākhuira da kaphaning chi phālaka;

ISAIAH 6:8

Kala Prohona hithāda kahāngkhon chi ina shai, “Ina khipāli ina chihorakhala, kala khipāna ithumwui vang vārakhala?” Chieina ina hānga, “I hili leili! Ili chihomilu.”

MATTHEW 9:38

Chiwui vang eina kahātwui akhavā Proholi kahāta mi chungmeida shirāt khavai seihā sālu.”

MARK 14:8

Ana samikashap chi sāhaira; chifa khavai ana sānngarānda iwui phasā thao neomi kahaina.

JOHN 4:34

Kha Jishuna hānga, “Ili kashirātawui ningkachāng ot kasā kala chi ungshung khangasak chi iwui kashakazāna.

OTSAK 21:13

Chieina Paulna ngahānkai, “Nathumna kachapla chapta iwui ning kaikhavai kasā hi khiot khala? Iva ili phātop kasangmāng maningla, Proho Jishuwui vang Jerusalemli thihaoga da khaleina.”

ROMNAO 10:15

Kala pao phungmebing machihoakha kathada hāshokrakhala? Hithada kapihaida lei: “Paokaphā khuikaphungbingwui kharā chi teokha matakhakhailakle!”

ROMNAO 12:18

Mi saikorali mashitri eina okthuirum khavai kashap eina tangda sālu.

ROMNAO 15:20

Khristawui pao mashārang kaji apam kachiva̱li paokaphā hākashok hi iwui ningrinna. Chieina mi kateina hashok kahai apamli I mavāmana.

1 CORINTHNAO 9:17

Ina iwui ningkachāng athishurda ot kasāsi kaja iwui ngalangman samphangra; kha hi iwui sāran otna da kasāna. Khiwui vangkhala kaja Varena ot hi ili horsangmi kahaina.

2 CORINTHNAO 8:12

Kachichawui khalei chi mingairareo miakha Varenala khuisangmira; makhalei chi milu majimana.