ROMNAO 1:14 - Kathara Bible (BSI)

¹⁴ Greekbinglila, makhaningbinglila, thangkhameibinglila, khaninili ina samikhangayi kachungkha lei.

ROMNAO 1:14 Iomraidhean Croise

CHĀNSAM 1:22

“O ningkashambing, nathum karankha ningshamfarakhala? Mashātkatheibingna karankha khamashātli mathanra̱ kala mangkhama̱bingna aworli ningkachaira?

CHĀNSAM 8:5

O ningkashambing, thangkhamei tamlu; O mangkhama̱bing, nganātitkhuilu.

ISAIAH 35:8

Kala chili chānrei akha leira, chili kathara shongfa hora. Makathara yurna chili mazatpaimara, mangkhama̱bingna machonmakānpaimara.

MATTHEW 11:25

Atam chili Jishuna phongshoka, “Ina nali ningshili Avā, kazing eina ngaleiwui Proho, khiwui vangkhala kaja nana otbing hi thangkhamei kala katheiabingwui eina thummihailaga angangnaobingli chitheimi,

LUKE 10:21

Pung chichangli ana Manglā Katharawui mangā eina khamathān samphangda hānga, “He Avā, kazingram eina okathuiwui Proho, ina nali masotchikatli kaja nana otbing hi thangkhamabing eina theishingkakhuibingwui eina ngathumihailaga angangnaobingli chitheimihaowa; mha, Avā, hikathā hi nawui lukhamashanwui kaphaningna.

OTSAK 22:21

Chieina ana ili hānga, ‘Zatulu, ina nali katāva̱li khalei Gentilewuili chihovāra.’”

OTSAK 28:2

Yikuiram chiwui mibingna ithumli teokha ngahānkhangai maningmana. Athumna mei sāmida ithumli ringphālak eina samngarokhui, kaja atam chitharan kazing rophokhairasāda siklak eina leisai.

OTSAK 28:4

Aramnaobingna apāngli phara̱ kāngkhayui chi theilaga athum akha eina akha ngazek ngaroka, “Mashoilakla mayara hi mi shaokathatara. Ana shamadruwui eina yāmshokhailala, mashun china ali maring ngasakmara.”

OTSAK 9:15

Prohona ali hānga, “Zatlu, ina ali miyur khangateibing, awungabing kala Isrealnaobingli iwui ming theingasak khavai kapangkhui kahai khutlaina.

ROMNAO 1:22

Athumna thangkhamana da hāngmāngmada mangkhama̱ ngasāhaowa,

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

ROMNAO 12:16

Ningkha-yangkha sāda okthuilu; makachorshialu, kha ngahuirihailu kala mathangmeirekalu.

ROMNAO 13:8

Khipālikha leiman mazangalu, leishida ningaishi ngaroklu. Akha eina akha leishi khangarok hi ain ungshung khavaina.

ROMNAO 16:19

Nathumna paokaphāli singtit kajiwui pao shāhaira, kala hiwui vang ina ringphai. Nathumli kaphāwui apongli thangkhamei kala zakkashiwui apongli mangkhama̱ ngasā ngasakngai.

ROMNAO 8:12

Chiwui vang eina ivānaongarā, ithumna sākhangayi lei, kha chi ithumwui phasāna ningkachāng thada ringki kaji maningmana.

1 CORINTHNAO 14:11

Ina makashā tui eina mi akhana rāngazekakha a kha̱minao thāhaowa, kala awui vang ila kha̱minao thāhaowa.

1 CORINTHNAO 14:16

Nana Vareli ningkashiwui seihā kasāli manglāmāng eina sākha, khokharumli kazanga mibing china kathada nawui seihā kasāli “Amen” sāngrakhala? Kaja nana seihā kasā chi kateina bhap matāmana.

1 CORINTHNAO 2:13

Chieina ithumna mikumowui thangkhamei eina matamchitheimana, kha Manglā kazangabingli manglārinwui mashun hāngkachithei thada Manglāna tamchithei kahai tui eina tamchithei.

1 CORINTHNAO 3:18

Khipakha kachichā khalatta machipataranu, nathumwui ngachaili kachikathāna thot hiwui thangkhameina da phaningakha, thangmeikachangkhat khavai a mangkhama̱ ngasāranu.

2 CORINTHNAO 10:12

Khalatta juilak eina kaphaning athumli ithumna chāng matamlengmana. Athum kayakha mangma̱do! Athum kachicha khalatta retkhuilaga akha eina akha khān tamkhangarok kala athumna retkakhui chieina bichar sangaroka.

2 CORINTHNAO 11:19

Nathumna thangmeihaoda mangkhama̱bingli ja̱mishapa.

COLOSSIANAO 3:11

Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.

2 TIMOTHY 2:10

Chiwui vang eina kapangkhui kahaibingna katang makhavai tekhamatei eina ngasoda Khrista Jishuwuili huikhami chi samphangpai khavai ina ot saikorali kakhāngna.

TITUS 3:3

Ithum atam akhali mangma̱sai, kahāngla manganāsāmana kala khangui pongli zatsai. Mik khamathak, pha̱sāwui ringkaphāmangli phāda kala yuikashi yangkashina pemhaida akha eina akha yangkharing ngaroksai.