ROMNAO 1:1 - Kathara Bible (BSI)

¹ Varena awui paokaphā hashok khavai hokhui kahaia rao Paulna kachiphun chithina.

ROMNAO 1:1 Iomraidhean Croise

1 THOTRINCHĀN 23:13

Amramwui naomayarabing: Aaron eina Moses. Tharmathengmeikap kaje ot tharchigat khavai, kala anaomayara eina tangda katang mavaila nganamkaphā thao riktaching khavai, Proholi katang mavaila otram ngatha̱da awui ming singda somi khavai, Aaronli ngateihang eina phaishokhaowa.

ISAIAH 49:1

O shamadrupheili khaleibing, nganālu, kala katāva̱li khalei nathum, ili nāshunglu. Naopamwui eina Prohona ili hokhui. Ishāva̱wui naopamli leilakha ana ili ming phokmihairasai.

JEREMIAH 1:5

“Naopamli ina nali masemranglakha nali ina theipinghairasai; kala na mapharāranglakha ina nali tharchikathairasai; yurbingwui marān akha ngasā khavai ina nali kapangsanghairasai.”

MARK 1:14

Johnli tukthui kahaiwui thili Jishuna Galileeli vāda Varewui Paokaphā hashokta hānga,

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

JOHN 15:15

Ina nathumli rao maholuimana, kachiwui vangkhala kaja akhavāna khi salikhala kaji raona matheimana. Ina nathumli ngasotnao hoi, kachiwui vangkhala kaja ina iwui Avāwui eina shākakhui saikora nathumli hāngserhaira.

JOHN 15:20

Ina hāngkahai chi phaningunglu, ‘Raona akhavāli mahakmeimana.’ Athumna ili rekharekakha nathumlila rekharekphalungra; iwui tui khuisangakha nathumwuila khuisangphalungra.

OTSAK 13:9

Kha Saul, Paulla kaho china Manglā Kathara pemtinghaoda Elymasli mik taringda yanglaga hānga,

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 21:40

Shipai akhavā china mayāmida Paulna chonchakli nganingda mibing chili akhon mashok khavai pāng eina ingkit sai. Athum chingrihaira kaji eina Paulna athumli Hebrew tui eina matuiya.

OTSAK 22:21

Chieina ana ili hānga, ‘Zatulu, ina nali katāva̱li khalei Gentilewuili chihovāra.’”

OTSAK 22:7

Chieina I ngaleili saosanghaowa kala akhon china kahāng ina shai, ‘Saul, Saul, khisāda nana ili rekharekkhala?’

OTSAK 26:1

Agrippana Paulli hānga, “Na khalattawui maramli hāngkhangai chi hāngpaira.” Paulna apāng katingshokta hithada akhalattawui vang phayata:

OTSAK 26:14

Ithum saikora ngaleili saosang kahai tharan Hebrew tui eina akhon akhana, ‘Saul, Saul, khisāda nana ili rekakharekhala? Lungguili kathakakha nakhalatta chotkhuira.’ da ili kahāng ina shai.

OTSAK 27:23

Kaja āngayā, ina khokharuma iwui Varewui kazingrao akha ili rāda

OTSAK 9:15

Prohona ali hānga, “Zatlu, ina ali miyur khangateibing, awungabing kala Isrealnaobingli iwui ming theingasak khavai kapangkhui kahai khutlaina.

ROMNAO 1:16

Ina paokaphāwui vang makhayakmana, khikhalajila hi shitkasanga mi kachiva̱li, rimeikapta Jihudibingli kala Gentilebinglila huimi khavai Varewui pangshapna.

ROMNAO 1:5

Miyur saikorali shitkasang kala kahāng khanganāli thānsangmi khavai Khristawui mingwui vang awui mangā eina ili paokazata akha sāngasaka.

ROMNAO 1:9

Anaomayarawui paokaphāwui vang ina ningtonglak eina otram khangatha̱ hi Varena shākhina. Iwui seihā kasā kachiva̱li nathumli khamalai masāla phaningungchinga kaji hila Varena thei.

ROMNAO 11:13

Ara ina Gentilebing nathumli kahāngna: Ina Gentilebingwui paokazata sāda leilakha eina tangda iwui ot hi maiyārong eina sāra.

ROMNAO 15:16

Kaja Khristawui rao akha sāda Gentilebingli Varewui paokaphā tamchithei khavaiwui khamahai samphangda ina mangathumlakla kagapina. Gentilebingli Manglā Katharana dharchigatmihaida Varena khuisangkapai ngasāpai khavai pāngmon akha thada Varewui paokaphā hākashokli ina otram ngatha̱ya.

ROMNAO 15:29

Ina nathumli kharā tharan Khristawui eina samkaphang hakkhamahā sokhami chi rāhāngchitheira.

ROMNAO 16:18

Kaja hithada kasā athum chiya Khristawui otram khangatha̱ maningla paiphonwui vang ot kasāna, athumwui kashim tui kala sotkhamasao akhon eina matheithangkhameibingli yonngasaka.

ROMNAO 16:25

Ithum Vareli tekkmatei ngasaksa! Ina hākashoka paokaphā Jishu Khristawui chānpao athishurda kala achālakhawui eina ngathumhaikasā khamashung chi phongmi kahai athishurda Varena nathumwui shitkasang pheisin ngatar ngasakshapa.

1 CORINTHNAO 1:1

Varewui kaphaning athishurda Khrista Jishuwui paokazata sākhavai hokhui kahaia Paul kala ithumwui ivānao Sostheneswui eina

1 CORINTHNAO 9:1

Ningkhānwui mi maningmalā? I paokazata akha maningmalā? Ithumwui Proho Jishuli I matheimalā? Kala nathum hi ina Prohowui vang ot kasā chiwui athei maningmalā?

2 CORINTHNAO 1:1

Varivarawui ningkachāng athishurda Khrista Jishuwui paokazata ngasā kahaia Paul eina avānao Timothyna Corinthli khalei Varewui church kala Achaiali khalei Varewui mibing saikorali kagapina.

2 CORINTHNAO 11:5

I hi nathumli tamkachithei khamataia paokazatbingli teomeiyada maphaningmana.

2 CORINTHNAO 11:7

Varewui paokaphā tamkachitheiwui vang ina nathumli khikha mapomana. Nathumli haksang khavai kasāli I khalatta teosang kahai hiwui khayon leila?

2 CORINTHNAO 12:11

Ili mangkhama̱ thāngasak kahai hi nathumnasera. Achā nathumpāna iwui maram mathada hāngmihaisāki kajina. I khikha maningmana jilala kahaka paokazatbingli mateomeilakmana.

2 CORINTHNAO 2:12

Ina Khristawui paokaphā hāshok khavai Troasli vākazang tharan Prohona ot chiwui vang khamong shomi kahai samphanga.

2 CORINTHNAO 4:5

Ithumna hākashok hi ithumwui tui maningmana, kha Jishu Khrista hi Prohona kala Jishuwui vang ithum nathumwui raona da tamkachitheina.

GALATIANAO 1:1

Mikumowui eina maningla kha Jishu Khrista kala ali kathiwui eina ringshok khangasaka Avāva̱ Varivarana paokazata sākhangasaka Paul ina,

EPHESIANAO 1:1

Varena mayāmida Jishu Khristawui paokazata Paul ina Ephesusli khalei Jishu Khristali ningtongda shitkasangbingli kagapina.

EPHESIANAO 1:13

Nathumli huikhami khuirākhami khamashungwui paokaphā chi nathumna kashā eina nathumla Varewui mibing ngasāhaowa. Nathumna Khristali shitkasangwui vang awuina da theikhavai ngashitmi kahai Manglā Kathara chi mida nathumwuitungli mahor namhaira.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

KHALATLUI 10:8

Atam chitharan Prohona Levinaoli ngateida khaishoklaga, Prohowui tuingashitwui oko chi phungzat ngasaka kala awui mangāli nganingda otram ngatha̱ khavai, awui ming eina somi khavai sāda aja eina tangda chikathāna.

PHILIPPINAO 1:1

Khristawui rao Paul eina Timothywui eina— Philippili khalei church kathanabing eina khangachonabing zangda Khristali ngarum kahai Varewui mibing:

PHILIPPINAO 2:11

kala Avāva̱ Varivarali tekmatei khavai, yur saikorana Jishu Khrista hi Prohona da hāngphatra.

COLOSSIANAO 1:1

Khrista Jishuwui paokazata Paul kala ithumwui ichinā Timothy inina Varewui ningkachāng athishurda —

COLOSSIANAO 1:25

Varena ili churchwui otram khangatha̱ akha sāngasaka. Hi nathumli ngachon khavai ana ili sākhangasakna. Otsin hiya ana hāngmi kahai chānpao saikora chi hāngchithei khavaiwui vangna.

1 THESSALONICANAO 2:2

Nathumli marāranglakha, Philippili rekharekta ithumli maishi khangasak chi nathumna thei, kala chili ngasung khavai tarākha leisālala paokaphā chi nathumli hāshok khavai ithumli malungkaping sangmi.

1 THESSALONICANAO 2:8

Nathumli hiyākha leikashiwui vang Varewui paokaphāmāng mikhangai maningla, ithum khalatta eina tangda chigatngai, kaja nathumli leishilāka.

1 THESSALONICANAO 2:9

Ivānaobing, ithumna ngalangzarda ot panglāk eina kasā chi nathumna phaningungra; Varewui paokaphā chi nathumli tamchitheilakha, nathum khipākha makhanang khavai, ithumna ngashun ngayā mateila ot sai.

1 TIMOTHY 1:1

Ithumwui kachihāna Khrista Jishu kala ithumwui Huikhame Varewui kakaso eina Khrista Jishuwui paokazata Paulwui eina,

1 TIMOTHY 2:7

Hiwui vang ili paokazata akha thada kala Gentilebingwui ojā sāda chihovai. Hi mashunglaka, kakapik tui maningmana.

2 TIMOTHY 1:11

Paokaphā hi hāshok khavai kala tamchithei khavai Varena ili kapangkhui.

TITUS 1:1

Varewui rao kala Jishu Khristawui paokazata Paul, ithumwui dharmarinna khamashung tamchithei kahai chili thānmi khavai kala Varena kapangkhui kahai miyurwui shitkasangli ngachonmi khavai ili kapangkhuida kachihona.

HEBREWNAO 5:4

Khayākakā pāngmon kharei sākhavai khalatta makapangkhuimana. Aaronli hokakhui thada Varena hokakhui mi chili sākhangasakna.

HEBREWNAO 7:26

Chiwui vang eina ithumwui ningkachāng ungshung khavai pāngmon kharei chi Jishuna. A Katharana; ali khayon kala morei maleimana; morei kaphungbingwui eina ngateimihaida kazingramli chuimeida khuikāhaira.

JAMES 1:1

Vare kala Proho Jishu Khristawui otram khangatha̱a Jamesna okathui peida chaiyāng eina khalei shang tharāda khanili shālam chiphunli.

1 PETER 4:17

Bichar sāki kaji atam chi rāhaira, kala bichar chi Varewui shimkhur mibingli rira, kala hi ithumwui eina haophokra jiakha, Varewui Paokaphāli mashitkasang athumwui akatang chi katharali?

2 PETER 1:1

Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

JUDE 1:1

Jameswui agato kala Jishu Khristawui otram khangatha̱a Judena, Jishu Khristana ngākkhami kala Avāva̱ Varewui leikashilungli kharinga Varena hokhui kahaibingli kagapina.

PHONGKHAMI 1:1

Thākta rāshokphalungki kaji, awui raobingli chithei khavai Varena ali khami Jishu Khristawui phongkhami; hi ana awui kazingrao chihoda awui rao John,

PHONGKHAMI 22:6

Chiwui thili kazingrao china ili hānga, “Tuibing hi shitsangpaiphalung kaje khamashung tuina. Marānbingwui Manglāwui Vare Proho china thākta shokki kaji awui raobingli chithei khavai kazingraoli chihohaira.”

PHONGKHAMI 22:9

Kha ana hānga, “Chi mathāpaimana! Iya nali, nachinā ngarā marānbingli, kala lairik hiwui tui khamayonbingli ngasoda otram ngatha̱kharum akhana. Vareli khorumlu.”