PHILIPPINAO 1:8 - Kathara Bible (BSI)

⁸ Ina nathumli leikashi hi Khrista Jishu a khalattana chitheimi kahai leikashi eina kharāna kaji hi mashun tuina da Varena thei.

PHILIPPINAO 1:8 Iomraidhean Croise

JOBWUI LAIRIK 16:19

Arui eina tangda, yanglu, iwui shākhi kazingli lei, kala iwui nganingkhame a chi atungshong lei.

ISAIAH 16:11

Chiwui vang imanglāna Moabwui vang lyre thāda ngahuiya, kala Kir-heres wui vang ining sifaya.

ISAIAH 63:15

Nawui kathara kala tekhamateipam, kazingram eina yangtāda katheimilu. Nawui sāngairareo kahai kala pangshap kali leili? Naningna ningkachāng kala lukhamashan chi iwui eina khuithuihaowa.

JEREMIAH 31:20

Ephraim iwui leikashia naomayarala? A iwui khaluma naola? Kaja ina ali makhamayā tui hangchinglala ali ina phaningungchinga. Chiwui vang iningna ali honchinga, kachangkhatta ina ali lumashanmira da Prohona hānga.

LUKE 1:78

Varewui lukhamashan mangā eina, ithumwuitungli ana huikhamiwui kahor shokkhangasak chitharan,

ROMNAO 1:9

Anaomayarawui paokaphāwui vang ina ningtonglak eina otram khangatha̱ hi Varena shākhina. Iwui seihā kasā kachiva̱li nathumli khamalai masāla phaningungchinga kaji hila Varena thei.

ROMNAO 9:1

Ina kahāng tui hi mashun tuina; chiya I Khristawuina da ina kahāng hi kakapik tui maningmana. Manglā Katharana mungda khalei iwui mashun-makhui hina I makapikmana kaji shākhi sai.

2 CORINTHNAO 13:9

Ithumna khangazan tharan nathum panghaoda ithum ringphai. Chieina nathum kāshungmei khavai ithumna seihā sāmi.

2 CORINTHNAO 6:12

Ithumna nathumli maleikashi maningmana.

2 CORINTHNAO 7:15

Chieina nathum saikorawui kahāng khanganā, khangachee eina ngasoda ali samkaphang chi phaningungda ana mataimeida leishi.

GALATIANAO 1:20

Varewui mangāli ina nathumli kapikta kakapi maningmana.

GALATIANAO 3:26

Kaja shitkasangwui mangā eina Khrista Jishuli ngarumhaoda nathum Varewui naosera,

GALATIANAO 4:19

Inao ngarā, Khristawui khangachā chi nathumwuili maleiranglakha eina tangda ava̱na naokhara̱li kachot thada nathumwui vang ina chotluida lei.

PHILIPPINAO 2:1

Nathumwui mirin Khristali khalei china nathumli pangngasaka, kala awui leikashi china nathumli ringphā ngasaka. Nathum Manglāli ngarumsak lei kala akhana akhali phaningmida lumashanthei ngaroka.

PHILIPPINAO 2:26

Ana nathum saikorali theingailak eina leili, kala a kazāda leili kaji nathumna shāhaira kajiwui vang ning chotta lei.

PHILIPPINAO 4:1

Chieina ivānaobing, nathumli ina kayākha leishida honlikhala? Nathumna ili ringphā ngasaka kala nathumwui vang I mai kālaka. Mha, chithada Prohowui vang nganingtitki kajina.

COLOSSIANAO 2:1

Nathumwui vangla, Laodiceali khaleibingwui vangla kala ili masamphanglakrang kajebingwui vangla ina kayākha chotta ot sākhala kaji hangga,

COLOSSIANAO 3:12

Nathum Varewui mina, ana nathumli leishiya kala awui mi sākhavai kapangkhui. Chiwui vang eina nathum khalatta lumashankathei, ningaikashi, khangahui, malungkhanim kala ja̱khami hi kachon khangavai thada ngavailu.

1 THESSALONICANAO 2:5

Ithumna sotkhamasao tui mamatuimana kaji nathumna thei kala karāmda masāmana kajila Varena shākhina.

1 THESSALONICANAO 2:8

Nathumli hiyākha leikashiwui vang Varewui paokaphāmāng mikhangai maningla, ithum khalatta eina tangda chigatngai, kaja nathumli leishilāka.

2 TIMOTHY 1:4

Nawui chāra̱ katā chi phaningungda ning tāphuphai khavai nali samphangngailak eina lei.

PHILEMON 1:12

Ali nawuili chihorāluishitli; iwui ningkatongla zanga.

PHILEMON 1:20

Chieina ivānao, Prohowuilungli nawui eina khangachon hi samphang ngasakmilu. Ining ringphā ngasakmilu.

1 JOHN 3:17

Kachikathā mi akhana avānao akhawui khavāt thatheilaga malumashanngaiakha, ana Vareli leishiya da kathada hāngpairakhala?