PHILIPPINAO 1:5 - Kathara Bible (BSI)

⁵ Kharewui eina thuida aja rāshungda paokaphāwui ot nathumna sākharumwui vang ringphai.

PHILIPPINAO 1:5 Iomraidhean Croise

OTSAK 2:42

Athumna paokazatbingwui tamkachitheilila, ngarumsakla, kala khamui shaikhangarum eina seihā kasālila ningtumlak eina sakruma.

ROMNAO 11:17

Lingsang kahai oliverongwui aphāng tektāhaiakha khararwui oliverongwui aphāng khuilaga phonkhui. Gentile nathum chi khararwui Oliverong kathāna kala ara nathumna Jihudibingwui khamaling manglārin chi samphangrumda lei.

ROMNAO 12:13

Khavatabingli nawui khalalei ngayarmilu kala kha̱mishimāli rāzang ngasaklu.

ROMNAO 15:26

Kaja Achaia eina Macedoniali khalei churchbingna Jerusalemli khalei kachāma katharabingli haolak eina pheisā ngachonmira jihaira.

1 CORINTHNAO 1:9

Awui Naomayara, ithumwui Proho Jishu Khristali ngarumsak leikhavai hokhuikhame Vare hiva shitsangkapaiyana.

2 CORINTHNAO 8:1

Ivānaobing, Macedoniawui churchbingli Varewui lukhamashan chitheimi kahai chi nathumlila theingasakngai.

EPHESIANAO 3:6

Ngathum kahai tui chi hina; paokaphāwui mangā eina Gentilebingna Varewui sokhami chi Jihudibingli ngarumda samphanga kala shimluikatruma sāda Khrista Jishuwui mingli ngashitmi kahai chi samphangrumra.

PHILIPPINAO 1:12

Ivānaobing, ina nathumli theingasakngaiya kaja iwuili shokkahai ot china kachangkhat paokaphāli mangā vāngasaka.

PHILIPPINAO 1:16

Chithada kasā chi leikashiwui eina kharāna, kaja Varena ili paokaphāwui vang nganing khavai mikahaina kaji hi athumna thei.

PHILIPPINAO 1:27

Nathumwui mirin chi paokaphāwui athishurda kazata mirin ringphalungra. Chieina ina nathumli rātheilala, marātheilala nathumna paokaphāli shitkasangwui vang ning khokkha sāda ngararrumda lei, kala ning akha sāda nganingtitta lei kaji pao kashā samphangra.

PHILIPPINAO 1:7

Nathum iwui ningli leichinghaoda ina hithada kaphaning hi ngayilaka, kaja arui ina phātopli leilakhala kala paokaphā hi khamashungana da shākhi khami kala khanganing atamlila nathumna ili ngasoda Varewui lukhamashan samphangruma.

PHILIPPINAO 2:12

Chieina, iwui leikashebing, nathumna atam kachida kahāng nganā kahai thada, aruila, imiktāmāngli maningla kha lāngmeikharda I makhalei tharan Vareli khangachee kala kachiham eina nathumwui huikhami chi mapung phakhavai hotnakhuilu.

PHILIPPINAO 2:22

Kha Anaomayarana Avāva̱li otram khangatha̱ thada, ana ili ngasoda kathada paokaphāwui vang otram ngathahaira̱khala kajila, awui kākashungla nathumna theihaira.

PHILIPPINAO 4:3

Ili ningtongda otsakruma nathumla sha̱nao khani hili khangachonmilu da poli. Khikhalajila ani khani hi pao hākashokli, Varewui kharinga lairikli aming yikahai Clement inili ngasoda panglāk eina ot sārumsai.

PHILEMON 1:17

Chiwui vang eina ili nawui ot sākhangaruma akhana da phaningakha ili nana samphangkhuiki kaji thada ali samphangkhuimilu.

HEBREWNAO 3:14

Kharewui eina ithumna shitkasang khalei chi khangachang eina tangda singtitakha ithum Khristawui otsakrumasera.

2 PETER 1:1

Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

1 JOHN 1:3

Ithumna theikahai kala shākahai chi nathumlila hāngkachitheina. Chieina ithumna Avāva̱ kala Anaomayara Jishu Khristali ngarumsak khalei chili nathumla ithumli ngasoda zangpaira.

1 JOHN 1:7

Kha ana kahorli khalei thada— ithumna kahorli okthuiakha ithum akha eina akha ngarumsak lei, kala Anaomayara Jishuwui ashee china ithumli morei saikorawui eina tharmi.