PHILIPPINAO 1:3 - Kathara Bible (BSI)

³ Ina nathumli phaningung kachida iwui Vareli ningshi;

PHILIPPINAO 1:3 Iomraidhean Croise

ROMNAO 6:17

Kha Vareli ningshi! Kaja nathum atam akhali moreiwui rao sāsālala ara nathumli mikahai tamkachitheiwui eina samkaphang khamashung chili nathumwui wuklung tongda mayāhaira.

1 CORINTHNAO 1:4

Khrista Jishuwui mangā eina nathumli khami Varewui lukhamashan chiwui vang eina nathumwui vang Vareli ningshichinga.

1 THESSALONICANAO 3:9

Ara nathumwui vang Vareli ningshi. Varewui mangāli nathumwui vang khamathān khalei chiwui vang ningkashina.

2 THESSALONICANAO 1:3

Ivānaobing, nathumwui vang atam kachida ithumna Vareli ningshi. Hi ithumna sāngayilāk kahai otna, khiwui vangkhala kaja nathumwui shitkasang mataisangmamānda lei kala akhana akhawui vang leikashila mataisangmeihaira.

2 TIMOTHY 1:3

Ishawo-ishayi ngarāwui thada mashun-makhui tharlak kahai eina ina Vareli otram khangatha̱wui vang ali ningshi. Kala ngashun ngayā mateila seihā kasā kachiva̱li nali phaningungda ningshi.