PHILEMON 1:6 - Kathara Bible (BSI)

⁶ Shitkasangabing thada nali ot sākhangarum hina Khristali ithum ringrumda sokhami samphangda khalei chi thukmeida theikhuipaira kaji hi iwui seihā kasāna.

PHILEMON 1:6 Iomraidhean Croise

MATTHEW 25:16

Talent phangā samkaphanga china ngalāngda leih vāsālaga talent phangā tongkhui.

MATTHEW 5:16

Nathumwui kahor chi mibingwui mangāli horngasaklu, chithākha athumna nathumwui kaphā otsak chi theilaga kazingramli khalei nathumwui Avāli masochikatra.

1 CORINTHNAO 14:25

Awui ngathum kahai kaphaning chi phongyānghaora, kala kui mashungzangda Vareli khorumra kala “Kachangkhat Varena nathumli ngasoda lei” da ana hāngphatra.

1 CORINTHNAO 16:9

Hili ili khangasunga mi kachungkha leilala khamathā ot sapai khavai khamong mashālak eina shomihaira.

PHILIPPINAO 4:8

Naomeikapta, ivānaobing, khamathā masot samphangkhangayi, khamashung, ningkahak, mashun, kathar, khamathā kala khayakakā hikathā hi nathumwui ningli shāptithailu.

COLOSSIANAO 1:9

Chiwui vang eina nathumwui pao shāthang eina thuilaga atam kachida manglāna khami thangkhamei kala theishingkakhuilungli Varewui awor china nathumli chipemmi khavai sāmichinga.

COLOSSIANAO 3:10

Hiya kasā Akhavā Varena a khipākhala da theishingkhui khavai awui sakrinlungli atam kachida nathumli dharngasakchingda lei.

TITUS 3:14

Kachangkhat darkar khalei chi mishap khavai ithumwui mibingna kaphā ot kasāli ngalang chigathei khavai tamkhuiphalungra kala aremawui mirin maringphalungmara.

HEBREWNAO 6:10

Vareva mashun bichar sākhamena. Chiwui vang eina nathumna sāmi kahai otsak lah katharabingli ngachonkhami eina nathumna ali leikashi chithei kahai kala aruila athumli ngachonmida khalei chi ana mamalaimara.

JAMES 2:14

Ivānaongarā, mi akhana “I shitsanga” da hānglala ot kasā maleiakha china khi tongzākhala? Shitkasang china huimishapralā?

JAMES 2:17

Chithada sāda shitkasangla chipapama, otsak maleiakha shitkasangmāng kathina.

1 PETER 2:12

Yurkhangateibingwui alungli acham-aram mathada zatlu, chithākha nathumli khangui khalāng mina da phensālala nathumwui kaphā ot chi athumna theira kala a rāthang Vareli tekkmatei ngasakra.

1 PETER 3:1

Hithada sāda preiva̱ ngarā, nathum khalatta gahara ngarāli hamsanglu. Chieina athum kaikhana Vare tui hili mashitsangsālala nathumwui acham-aramna athumli yuikhuida shitsang ngasakakha nathumna tuikhur akha hānglui khavai maleiluimana.

1 PETER 3:16

Kha khanim kala khayākashi eina ngasoda sālu. Nathumwui mashun-makhui ngatarteihailu, chithākha Khristawui thikashurana da kaphā kasāwui vang nathumli kachipat tharan athum khalatta khayakkhuira.

2 PETER 1:8

Magunbing hi nathumwui ngasā ngasakta mataisang ngasakakha, ithumwui Proho Jishu Khristali theishingkakhuiwui khamashung chi makankhanā kala athei makhamathei mangasālakmara.