PĀNGMONSHI 3:3 - Kathara Bible (BSI)

³ Kala Proholi mei eina rikkatā ningyatshar kachigat pha̱kaphayā chi eina, ana akharili romkashān athao kala akhariwui athao saikora chi chigatra,

PĀNGMONSHI 3:3 Iomraidhean Croise

LAA 119:70

athumwui ning athao thāda sānlaka, kha iya nawui ainli ringphālaka.

SHONGZĀ 29:13

Kala akharili khangathān athao katonga, amathinwui athao, amakei khani kala chili khangathān athao saikora chi hanphutli riktālu.

SHONGZĀ 29:22

“Nana yao chiwui athao, khameithao, akharili kharoma athao, amathinli khangathāna athao, kala amakei khani eina chili khangathāna athao, kala yā khaishāng (kaja hi tharkachisinwui yaona) khuilu,

CHĀNSAM 23:26

Inaomayara, nawui ning ili milu, kala iwui apong namikna yangkhuiranu.

ISAIAH 6:10

Mibing hiwui wuklung thaongasaklu, kala athumwui khanā ritngasaklu, mik khamimihaolu; athumwui mik eina theihaipaishina, kala athumwui khanā eina shāhaipaishina, kala athum wuklung eina theikhuida ning ngateida kharai samphanghaipaishina.”

EZEKIEL 36:26

Ina ning kadhar sangmira, kala ina manglā kadhar sangmira; kala ina ngalungwui malung chi khuishokhaida asāwui malung phonmira.

EZEKIEL 44:15

“Kha Levi pāngmonwui ngachaili Zadokshi shimkhur, Israelnaobing ma̱thui kahai atamli iwui kathara shim khamayon athumle iwui ngalemli zangda otram ngatha̱ ngasakra; athumna ili otram ngatha̱mida athao kala ashee pha̱phayāra, da Proho VAREna hānga.

PĀNGMONSHI 1:12

Kala ana akuila kala chiwui athaola, asā chi amalim sālaga pāngmonna hanphut thing khorkahai chiwuitungli khari-khanao sāda ngachamlak eina haira;

PĀNGMONSHI 1:8

Kala Aaronwui naomayara pāngmonbingna sāmarimla, akuila kala athaola khari-khanao sāda hanphutwui meitungli ngachamlak eina haira.

PĀNGMONSHI 16:25

Kala suihamchigat sakahaiwui athao chi hanphuttungli riktāra.

PĀNGMONSHI 3:16

Kala chi ningyangkhaungwui nganamkaphā mei eina rikkatā kashakazā kachigat sāda pāngmonbingna hanphutungli riktāra. Athao saikora Prohowuina.

PĀNGMONSHI 3:2

Kala apāng seikuili parda kazip khavai kachonshimwui khāmongli taithatra, kala Aaronwui naomayara pāngmonbingna ashee chi hanphutpam kuimareida ikrorra.

PĀNGMONSHI 3:4

kala amakei khanili kharoma ahanthao kala amathinli khangathānbing ana amakei eina ngarumda khuithuihaora.

PĀNGMONSHI 4:10

(hi ningyatchigatwui mukkā eina khuikashok thāda) kala pāngmon china rikkatā kachigat hanphuttungli chibing chi riktāra.

PĀNGMONSHI 7:30

Mei eina riktāda kachigat, Prohowui pha̱kaphayā chi awui pāng eina khuirāki kajina, athao chi asuk eina ngasoda khuirāra, asuk chi Prohowui mangāli khayitta kayitchigat sāra.

PĀNGMONSHI 7:5

Proho wui vang mei eina rikkatā chithāda pāngmonna hanphuttungli riktāra; hi khayonchigat kasāna.

PĀNGMONSHI 9:10

Kha Prohona Mosesli kakaso athishurda suihamchigatwui athao, amakei khani kala amathinli khangathān thao chi hanphuttungli riktāhaowa.

MATTHEW 13:16

“Kha nathumwui mik kala khanā sokhami ngasaranu, kaja mikna thei, kala khanāna shai.

MATTHEW 15:8

‘Mibing hina morchai eina ili khayāshiya, kha athumwui wuklung iwui eina katāva̱li lei;

ROMNAO 5:5

Kala kachihān hina ithumli kaphaning makai ngasakmana, kaja Varena ithumli thada khami Manglā Katharawui mangā eina awui leikashi chi ithumwui wuklungli heisangmihaira.

ROMNAO 6:6

Ithumna thei kaja morei sākhangaiwui khangachā chi shimān khavai kachama khangachā chi Khristali ngasoda krushtungli thingasakhaira. Chieina ithum ara moreiwui rao masāluimana,

KHALATLUI 30:6

Kala nathum eina nathumwui naongarāwui ningla Proho nathumwui Varena ahui rimshokmihaida athumna Proho nathumwui Vareli ningyāng tongtingda ali leishira, chithāda nathum ringpaira.

1 SAMUEL 2:15

Chili lāngmeida, athao mariktāranglakha pāngmonwui raobingna rāda pha̱phayāda khalei mi chili, “Pāngmonwui vang ruishai khavai sā milu; kaja ana nawui eina sā kahup makhuimara, kha sā kharing milu” da poi.