Biblia Todo Logo
Bìoball air-loidhne

- Sanasan -




PĀNGMONSHI 2:2 - Kathara Bible (BSI)

2 kala Aaronwui naomayara pāngmonbingli khuirāmira. Kala ana khamanaka mathir homkha kala thao eina frankincense saikora khuilaga chi pāngmonna riktāra, kala phaningung khavai sāda meili rikkatā hanphutungli pha̱ra; hi Proholi ningyangkhaungwui nganamkaphā otna.

Faic an caibideil Dèan lethbhreac




PĀNGMONSHI 2:2
17 Iomraidhean Croise  

Kala akhana tharāzāt kachigatwui manaktak kahai mathir homkha kala chili ngasoda chiwui thao eina frankincense chi khuilaga phaningung khavai yar chi hanphuttungli riktāra, hi Proholi ningyangkhaungwui nganamkaphā otna.


Ana pāngmonli khuivāmida, ana phaningung khavai panghomkha khuilaga Prohowui mangāli mei eina kachigat hanphutli riktāra; hi suihamchigat kasāna.


Ana kazingrao chili ngacheerarang yanglaga, “Khikhala Amei” da hānga. Kazingrao china ngahānkai, “Nawui seihā kasā kala khangachon khamiwui otsak saikora chi Varewui mangāli phaningungkapai sāda kāshunghaira.


Kala nathumna khamui ngaherherli kashenga frankincense sanglu, kaja chi phaningung khavai yar sāda khamui eina ngasoda Prohowui mangāli meina rikkatā chigatki kajina.


Kala pāngmon china tharāzāt kachigat chiwui eina phaningung khavaiwui khamui sharuk chi khuihailaga chi Proholi ningyangkhaungwui nganamkaphā mei eina chigatra.


“Mukkā taikathat mi chila mi shaokathat kathāna; yaonao shar kasaa chi fawui akahung sātekmi kahai kathāna, muisakchigat kasā mi chila hokshee kachigat kathāna; phaningkhaungwui frankincense kachigat mi chila meoma̱li kaso kathāna. Hibing hi athum khalattawui shongfa kaphā mina, kala athumwui manglāna ningkakachai chili ningkachāngbingna.


Chieina phaningung khavai māngatai ngayarda khuilaga chi pāngmonna thao kala frankincense saikora chi riktāra; hi mei eina rikkatā Proholi kachigatna.


Kala Levinaobingli, athum khalatta tharkhuilaga ngavei mayon khavai, kala sabbaththang kathar eina mayon khavai ina kasoi. Hila ili kaphaningungmilu, O iwui Varivara, kala nawui makhangachei leikashi china ili kahuimilu.


O iwui Vare, hiwui pongli ili kaphaningungmilu, kala iwui Varewui shimwui vang kala ali otram khangatha̱wui vang ina khamathā ot sākahai chi mayangkheimihaialu.


Kala pāngmon china preiva̱ chili Prohowui mangāli kuisam khalāthamihailaga rānganing ngasakra, kala phaningkhaungwui tharāzāt kachigat, chiya ningkhamaongwui tharāzāt kachigat chi awui pāngli sangmira. Kala awui pāngli pāngmonna khonkashi khuikharāwui tara̱ kakhā chi singra.


Israelnaobingwui eina pheomi khavaiwui lupā chi nana khuilaga kazip khavai kachonshimwui ot sākhavai sālu, kaja nathum khalattawui vāng pheomi khavainada Prohowui mangāli Israelnaobingna phaningung khavaina.”


Kala chi ningyatchigatwui thāda athao saikora khuilaga, Proholi ningyangkhaungwui nganamkaphā otwui vang pāngmonna riktāra; kala pāngmon china moreiwui vang pheomi khavai sāra, kala ali pheomihaora.


Kha ana kha̱na̱nao khani, lah nāsha̱nao khani machigatrarakha awui morei sākahai chiwui vang, manaktak kahai mathir epha tharāwui akhum akha khuirāra; chili thaola frankincensela masangmara, kaja hi suihamchigatna, theishirai kachigat maningmana.


kala pāngmon china tharāzāt kachigat chi panghomkha, phaningung khavai yar sāda khuilaga hanphuttungli riktāra, chiwui thili preiva̱ chili ana tara̱ chi mangngasakra,


Kha chiwui akhari-akharā eina akhobing ana tara̱ eina pheofara. Kala mei eina rikkatā kachigatwui pha̱kaphayā sāda pāngmon china hanphuttungli riktāra; hi Prohona ningyāng khaunga nganamkaphā otna.


kha akharibing eina akhobing chi ana tara̱ eina pheora. Chiwui thili pāngmon china katonga chi hanphutli riktāra, hi rikkatā kachigat, Proholi ningyāng khaungwui nganamkaphā otna.


ana chiwui angachāng shireishatkhuira, kha asā mangakaikhaimara. Chi hanphutthing khorkahaitungli pāngmonna riktāra. Hi mei eina rikkatā kachigatna, Proholi ningyāng khaungwui nganamkaphā otna.


Lean sinn:

Sanasan


Sanasan